Naxçıvanda kikboksinq üzrə beynəlxalq peşəkar turnir başa çatıb

Naxçıvanda kikboksinq üzrə beynəlxalq peşəkar turnir başa çatıb
23:41
12.05.2018
1323
İdman
A
Mayın 12-də Naxçıvan şəhərindəki İlham Əliyev adına Olimpiya-İdman Kompleksində Azərbaycan Respublikasının və Naxçıvan Muxtar Respublikasının Gənclər və İdman nazirlikləri, həmçinin Kikboksinq federasiyalarının birgə təşkilatçılığı ilə ümummilli lider Heydər Əliyevin anadan olmasının 95-ci ildönümünə həsr edilən kikboksinq üzrə beynəlxalq peşəkar turnir keçirilib.

"Ölkə.Az" Azərtac-a istinadən xəbər verir ki, turnirin açılış mərasimindən əvvəl iştirakçılar ümummilli lider Heydər Əliyevin Naxçıvan şəhərinin mərkəzi meydanında ucaldılan abidəsini ziyarət edib, Heydər Əliyev Muzeyi ilə tanış olublar.

Turnirin açılış mərasimində çıxış edən muxtar respublikanın gənclər və idman naziri Azad Cabbarov iştirakçıları salamlayaraq ölkəmizdə, eləcə də muxtar respublikada idmana və idmançılara göstərilən dövlət qayğısından danışıb, idmanın maddi-texniki və təşkilati-hüquqi bazasının xeyli möhkəmləndiyini deyib.

Nazir bildirib ki, müasir idman infrastrukturunun formalaşdırılması nəticəsində qədim diyarda çoxsaylı beynəlxalq yarışların keçirilməsi artıq ənənə halını alıb. Çıxışının sonunda nazir turnir iştirakçılarına uğurlar arzulayıb.

Azərbaycan Kikboksinq Federasiyasının prezidenti, Milli Məclisin deputatı Adil Əliyev qeyd edib ki, Naxçıvan Muxtar Respublikası sürətlə inkişaf edir, gündən-günə daha da gözəlləşir. Muxtar respublikada idman sahəsinə xüsusi qayğı və diqqət göstərilir, müasir idman infrastrukturu burada nüfuzlu idman tədbirlərinin keçirilməsinə şərait yaradır. Ümummilli lider Heydər Əliyevin anadan olmasının 95-ci ildönümünə həsr edilən kikboksinq üzrə beynəlxalq peşəkar turnirin Naxçıvanda keçirilməsi təsadüfi deyil, çünki muxtar respublika artıq beynəlxalq idman yarışlarının keçirildiyi məkan kimi böyük şöhrət qazanıb. Adil Əliyev vurğulayıb ki, Naxçıvan bu gün həm də idmanın inkişafı baxımından Azərbaycanın digər bölgələrinə nümunədir. O, turnirin keçirilməsində göstərilən dəstəyə görə muxtar respublika rəhbərliyinə minnətdarlığını bildirib.

Tədbirdə çıxış edən Azərbaycan Respublikası gənclər və idman nazirinin müavini İsmayıl İsmayılov qeyd edib ki, müstəqil ölkəmizdə idmanın inkişafı xalqımızın ümummilli lideri Heydər Əliyevin adı ilə bağlıdır. Bu gün Prezident İlham Əliyevin rəhbərliyi ilə həyata keçirilən dövlət idman siyasəti nəticəsində Azərbaycanda güclü idman potensialı formalaşıb. Bu dövlət siyasəti, o cümlədən maddi-texniki bazanın möhkəmləndirilməsi, müasir Olimpiya idman komplekslərinin və digər idman qurğularının inşası ölkəmizdə ən mötəbər beynəlxalq yarışların, habelə Avropa və dünya çempionatlarının yüksək səviyyədə təşkilinə imkan yaradır. Təsadüfi deyil ki, ötən il ölkəmizdə 55-dən çox beynəlxalq yarış keçirilib.

Çıxışlardan sonra turnir açıq elan olunub. Əvvəlcə peşəkarlar arasında reytinq döyüşləri keçirilib. Bu döyüşlərdə 54 kiloqram çəki dərəcəsində Anar Məmmədov (Azərbaycan Daxili İşlər Nazirliyinin İdman Cəmiyyəti), 63,5 kiloqram çəki dərəcəsində Ruslan Əliyev (“Qızıl Əlcək” idman klubu), 67 kiloqram çəki dərəcəsində Arzuman Qədimov (“Naxçıvan” idman klubu), 71 kiloqram çəki dərəcəsində Nicat Vəliyev (“Röyal” idman klubu), 86 kiloqram çəki dərəcəsində isə Etibar Qəribov (“Şindi” idman klubu) qələbə qazanıblar.

Açılış mərasiminin bədii hissəsində Bakı şəhərindən dəvət olunmuş müğənni Elton Hüseynəliyevin ifasında səsləndirilən musiqi nömrələri tamaşaçılar tərəfindən alqışlarla qarşılanıb.

Daha sonra beynəlxalq turnirin görüşlərinə start verilib.

Gərgin keçən döyüşlərin nəticəsində 63,5 kiloqram çəki dərəcəsində Azərbaycan Daxili İşlər Nazirliyinin İdman Cəmiyyətini təmsil edən Zöhrab Əzimov türkiyəli Ali Deveciyə, 65 kiloqram çəki dərəcəsində “Neftçi” idman klubunun yetirməsi Turan Qafarov belaruslu Andrey Chyhileichyka, 71 kiloqram çəki dərəcəsində “Samux” idman klubunun yetirməsi Elxan Əliyev rusiyalı Artyom İsmayılova, 86 kiloqram çəki dərəcəsində “Naxçıvan” idman klubunun yetirməsi Orxan Məlikov ukraynalı Aleksey Verşininə, 91 kiloqram çəki dərəcəsində “Quba” idman klubunun yetirməsi Asəf Aslanov belaruslu German Vandenvinə, +100 kiloqram çəki dərəcəsində isə “Prorinq” idman klubunun yetirməsi Fuad Həşimi Ukrayna təmsilçisi Maksim Hreitsara qalib gəlib.

Turnirin super döyüşlərində 75 kiloqram çəki dərəcəsində Azərbaycan Daxili İşlər Nazirliyinin İdman Cəmiyyətini təmsil edən Ramal Aslanov Türkiyə təmsilçisi Mukremin Gülerə məğlub olub. 100 kiloqram çəki dərəcəsində isə “Orion” idman klubunun təmsilçisi Bəhram Rəcəbzadə Gürcüstan təmsilçisi Khvicha Kokuaşvili üzərində qələbə qazanıb. Qaliblərə təşkilatçılar tərəfində kubok və diplomlar təqdim olunub.

Naxçıvan Muxtar Respublikası Dövlət Miqrasiya Xidmətinin daxili təhlükəsizlik idarəsinin rəisi İmaməddin Aslanov, kikboksinq üzrə dünya çempionu Şahin Mahmudov, Naxçıvan şəhərindəki İlham Əliyev adına Olimpiya-İdman Kompleksinin direktoru Ramin Talıbov və müğənni Elton Hüseynəliyev kikboksinq idman növünün inkişafında göstərdikləri xidmətlərə görə təltif ediliblər.

Bununla da ümummilli lider Heydər Əliyevin anadan olmasının 95-ci ildönümünə həsr edilən kikboksinq üzrə beynəlxalq peşəkar turnir başa çatıb.

ŞƏRH YAZ
0

Floyddan Həbibə yeni mesajlar — “Mənim artıqlarımla döyüşürsən”

Floyddan Həbibə yeni mesajlar
22:28
Bu gün
142
İdman
A
Amerikalı boksçu Floyd Meyvezer ona meydan oxuyan Həbib Nurməhəmmədova yeni mesaj göndərib.

“Ölkə.Az” xəbər verir ki, Floyd döyüşə hazır olduğunu qeyd edib.
Həbibin Makqreqoru nakaut etdiyi ilə bağlı sözlərinə Meyvezer belə cavab verib: “Mən özüm özümün rəhbəriyəm. Həbib nə düşünür bilmirəm, amma mən döyüşə hazıram. Eşitdim ki, Həbib mənim Makqreqoru nakaut edə bilmədiyimi deyirmiş. Olsun da, Həbib, demək ki, sən mənim artıqlarımla döyüşürsən”.

İkilinin matçı hələ baş tutmayıb, lakin böyük qarşılaşmanın 2019-cu ilin il aylarında gerçəkləşəcəyi gözlənilir.

Ölkə.Az

 

ŞƏRH YAZ
0

Cüdoçumuz 8 qat dünya çempionu oldu

Cüdoçumuz 8 qat dünya çempionu oldu
11:21
Bu gün
231
İdman
A
Meksikanın Kankun şəhərində veteran cüdoçular arasında dünya çempionatına start verilib.

"Ölkə.Az" xəbər verir ki, yarışın ilk günündə Azərbaycan millisi bir qızıl medal qazanıb. Fərhad Rəcəbli M-6 kateqoriyası üzrə 90 kq çəki dərəcəsində Rusiya, ABŞ və Braziliyadan olan rəqiblərini məğlub edərək, fəxri kürsünün ən yüksək pilləsinə qalxıb. 

Qeyd edək ki, bu, Rəcəblinin usta cüdoçular arasında qazandığı 8-ci dünya çempionluğudur.

ŞƏRH YAZ
0
BAĞLA