Naxçıvanlı iş adamını Ukraynada oğurladılar

Naxçıvanlı iş adamını Ukraynada oğurladılar
15:27
17.07.2017
9
Hadisə
A
Əslən Naxçıvan şəhərindən olan 1971-ci il təvəllüdlü Ruslan Mirzəyev adlı azərbaycanlı iş adamı Ukraynada itkin düşüb.

Bu barədə “Ölkə.Az”-a Ukraynadakı Azərbaycan diasporundan məlumat verilib. 

Məlumata görə, Ukraynanın Luqansk vilayətinin Zorinsk şəhərində yaşayan Ruslan Mirzəyev ötən həftə evdən Kiyevə getmək adı ilə çıxıb və bir daha geri qayıtmayıb. Həmin vaxtdan sonra onunla bütün əlaqələr kəsilib.

Luqansk polisi itkin düşən Ruslan Mirzəyevin axtarışına başlayıb. Onun Ukraynadakı cinayətkar qruplar tərəfindən oğurlanması istisna edilmir. 
Diaspordan bildirilib ki, Ruslan Mirzəyev uzun müddətdən bəri Ukraynada yaşayır və kənd təsərrüfatı biznesi ilə məşğul olur.

Xatırladaq ki, son bir ildə Ukraynada azərbaycanlı iş adamlarının və yaxud onların övladlarının itkin düşməsi və oğurlanması halları mütəmadi hal alıb. Bu müddət ərzində 25-dən çox azərbaycanlının yoxa çıxması faktı aşkarlanıb. Bununla bağlı Ukrayna Baş Prokurorluğunda ötən il cinayət işi başlanılsa da, hələlik nəticə yoxdur.

Vasif Həsənli
Ölkə.Az

ŞƏRH YAZ
0

Toydan qayıdan şəxslər qəzaya düşdülər — 12 yaralı, 1 ölü + YENİLƏNİB

Toydan qayıdan şəxslər qəzaya düşdülər
22:03
21.11.2017
2386
Hadisə
A
Goranboyda baş verən yol qəzasında xəsarət alan azyaşlı dünyasını dəyişib.

Ölkə.Az-ın APA-ya istinadən verdiyi məlumata görə, rayonun Bəşirli kəndi ərazisində qeydə alınan yol qəzasında xəsarət alan 3 azyaşlı Gəncə şəhər 2 saylı Birləşmiş Uşaq xəstəxanasına yerləşdirilib. 

Tibbi yardımlara baxmayaraq, onlardan bir nəfəri, 2010-cu il təvəllüdlü Əliyev Nicat Ramil oğlu dünyasını dəyişib. 

Digər 2 azyaşlının vəziyyəti isə orta ağırdır. 

***

Ölkə.Az report.az-a istinadən bildirir ki, hadisə Bakı-Qazax avtomobil yolunun Goranboy rayonunun Dəliməmmədli şəhəri ərazisindən keçən hissəsində qeydə alınıb. 

Belə ki, toy mərasimindən çıxan "OKA", "Zaporojets" və "VAZ" markalı avtomobillər Bəşirabad-Dəliməmmədli yolunda toqquşub. Nəticədə içərisində uşaqların da olduğu 13-dən çox adam yaralanıb. Onlardan biri, Kələk kənd sakini Şəbnəm Mehmanqızı və 2 uşağın vəziyyətinin ağır olduğu bildirilir. Yaralılar Gəncə Şəhər Təcili Tibbi Yardım Xəstəxanasına aparılıb.

Qəza nəticəsində sərnişinlərdən biri, 15-16 yaşlı oğlan şok vəziyyətinə düşüb. Hazırda Goranboy Rayon Mərkəzi Xəstəxanasında onun müalicəsi davam etdirilir.

Faktla bağlı araşdırma aparılır. 

ŞƏRH YAZ
0

Lerikdə transformator yanıb

Lerikdə transformator yanıb
21:23
21.11.2017
967
Hadisə
A
Lerik rayonunda transformator yanıb.

Ölkə.Az-ın Fövqəladə Hallar Nazirliyinin mətbuat xidmətinin yaydığı məlumata görə, yaxınlıqdakı tikililər yanğından mühafizə olunub.

Yanğın yanğınsöndürənlər tərəfindən söndürülüb.

ŞƏRH YAZ
0
BAĞLA