Nazarbayevdən sərt açıqlama — Üçüncü dünya müharibəsi başlayıb

Nazarbayevdən sərt açıqlama
16:57
13.11.2017
3907
Dünya
A
Qazaxıstan prezidenti Nursultan Nazarbayev bildirib ki, üçüncü dünya müharibəsi artıq başlayıb.

"Ölkə.Az" xəbər verir ki, Nazarbayevin fikrinə əsasən, terrora qarşı mübarizə üçüncü dünya müharibəsi deməkdir.

Nazarbayev qeyd edib ki, beynəlxalq terrorizm dəhşətli miqyasa sahibdir: "Üçüncü minilliyin əvvəlində ölənlərin və terror aktlarının sayı 10 dəfə artıb. 2016-cı ildə 104 ölkədə terror aktı törədilib. Bu, dünyanın yarısından çox deməkdir. Bu isə o deməkdir ki, faktiki olaraq biz üçüncü dünya müharibəsini yaşayırıq. Terrora qarşı savaş gedir. Terror aktları inkişaf etməkdə olan ölkələrdən inkişaf etmiş ölkələrə köçür".

Qazaxıstan prezidenti qeyd edib ki, dünya dövlətləri Yaxın Şərqdə terrora qarşı uğurla mübarizə aparırlar: "Amma başa düşmək lazımdır ki, dağıdılmış terrorçular digər ərazilərə kök atacaqlar. Bu isə bütün Avrasiya üçün ciddi təhdiddir".

Hikmət Həsənov
Ölkə.Az

ŞƏRH YAZ
0

Çində biabırçılıq — Qumar borcuna görə qızını internetdə satışa çıxardı

Çində biabırçılıq
00:59
Bu gün
1624
Dünya
A
Çinin şərqindəki Quiyanq şəhərində yaşayan bir şəxs qumar borcunu ödəmək üçün 1 yaşlı qızını internetdə satışa çıxarıb.

“Ölkə.Az” xəbər verir ki, qumarbaz ata qızını uşağı olmayan bir ailəyə satmaq üçün razılaşıb. Sonra isə qızı ilə birlikdə anasına dəyməyə gedəcəyini deyərək arvadını aldadıb.
Vanq adlı ana isə qızını anasının yanında qoyduğunu deyən ərinin cavablarından şübhələnərək mobil telefonunu yoxlayıb. O, ərinin qızını satdığı ailə ilə mesajlarını görüb şoka düşüb. Ərinin qumar borcuna görə övladını satdığını eşidən qadın polisə xəbər verib. Qumarbaz ata isə qızını satdığı ailəyə arvadından ayrı yaşadığı üçün qızına baxmağa adam olmadığını deyərək aldatdığı da üzə çıxıb.

İnsan alveri maddəsi ilə ittiham edilən “ata” məhkəmənin hökmü ilə həbs edilib və həbsxanaya göndərilib.

Hikmət Həsənov
Ölkə.Az

 

ŞƏRH YAZ
0

Venesuela prezidenti Maduro müsəlman ola bilər — ŞOK AÇIQLAMA

Venesuela prezidenti Maduro müsəlman ola bilər
00:23
Bu gün
1278
Dünya
A
Türkiyənin XİN rəhbəri Mevlud Çavuşoğlu maraqlı açıqlama verib.

“Ölkə.Az” xəbər verir ki, açıqlamaya əsasən, Venesuela prezidenti Nikola Maduro “Diriliş Ertuğrul” serialının böyük pərəstişkarıdır və serial sayəsində İslamı qəbul edə biləcəyini bildirib.

“Sentyab ayında Venesuelaya səfər etdim və ikitərəfli görüşlər keçirdim. Maduro “Bu serial əsl İslamı öyrədir. Bəlkə bir gün bu serial sayəsində müsəlman olacam” dedi. Maduroya çəkiliş meydançasındakı video çarxımı göstərdim. Qışqıraraq sevinib ayağa qalxdı. İslamı qəbul edə biləcəyini dedi. Bunu eşidəndə qürur duydum və xoşbəxt oldum”, - deyə Mevlud Çavuşoğlu bildirib.

Hikmət Həsənov
Ölkə.Az

 

ŞƏRH YAZ
0
BAĞLA