Nazir: 900-ə yaxın yeni iş yerinin açılması nəzərdə tutulur

Nazir: 900-ə yaxın yeni iş yerinin açılması nəzərdə tutulur
10:59
19.10.2017
213
İqtisadiyyat
A
İndiyə qədər Sumqayıt Kimya Sənaye Parkında ümumi investisiyalarının həcmi 1,2 mlrd. ABŞ dollarına qədər olan 11 müəssisəyə rezident statusu verilib.

"Ölkə.Az" xəbər verir ki, bu barədə iqtisadiyyat naziri Şahin Mustafayevin rəsmi mətbuatda dərc edilmiş məqaləsində bildirilir.

Nazir qeyd edib ki, bu il Sumqayıt Kimya Sənaye Parkında daha 4 müəssisə, 2018-ci ildə isə əlavə olaraq 4 istehsal obyekti fəaliyyətə başlayacaq. Bu müəssisələrdə 900-ə yaxın yeni iş yerinin açılması nəzərdə tutulur.

“Dövlət başçısının iştirakı ilə bu yaxınlarda istifadəyə verilmış və “yaşıl iqtisadiyyat”ın, təkrar emal sənayesinin inkişafında əhəmiyyətli olan Balaxanı Sənaye Parkında işlənmiş mühərrik yağlarının, tullantı plastik butulkaların (PET) və plastik materialların, kağız-karton məmulatların, süngər tullantılarının təkrar emalı sahəsində 5 rezident fəaliyyət göstərir. Bu rezidentlər tərəfindən parka ümumilikdə 23 mln. manat investisiya yatırılıb, 400-ə yaxın daimi iş yeri yaradılıb. Sənaye parklarına əlavə rezidentlərin cəlb olunması istiqamətindfə işlər davam etdirilir”, - deyə Ş.Mustafayev bildirib.

Bundan başqa, onun sözlərinə görə, Mingəçevir Sənaye Parkında yüngül sənaye məhsulları, o cümlədən ayaqqabı, tibbi kosmetika, iplik, boyama, toxuma, tikiş və corab istehsalı üzrə 9 fabrik yaradılacaq və 5 mindən çox yeni iş yeri açılılacaq: “Artıq Mingəçevir Sənaye Parkının rezidenti olan şirkət 2 növdə ipliklərin istehsalı fabrikinin tikintisinə başlayıb. Bu ilin sonunda istismara veriləcək zavodun investisiya dəyəri 46 mln. dollardır və layihə çərçivəsində 550 yeni iş yerinin yaradılması planlaşdırılır”.

Nazir həmçinin bildirib ki, Azərbaycan üçün yeni sənaye sahəsi olan əczaçılıq məhsullarının istehsalı məqsədilə yaradılmış Pirallahı Sənaye Parkında Rusiya və İranla birgə 2 dərman zavodunun təməli qoyulub: “Birdəfəlik şprislərin istehsalını nəzərdə tutan “Diamed Co” zavodunun tikintisinə isə yaxın zamanlarda başlanılacaq. Ümumilikdə, bu müəssisələrdə 350-yə yaxın yeni iş yerinin açılması nəzərdə tutulur. Hazırda Avropanın, Yaponiya və Cənubi Koreyanın aparıcı şirkətləri ilə əczaçılıq məhsullarının birgə istehsalının təşkilinə dair danışıqlar aparılır”.

Onun sözlərinə görə, ümumilikdə sənaye parklarına rezidentlər tərəfindən bu vaxta qədər 1,1 mlrd. dollar investisiya yatırılıb, tikintidə və istehsalatda 5500-dən çox iş yeri açılıb: “Layihələr üzrə növbəti mərhələdə isə 850 mln. dollardan çox investisiyanın qoyulması və 7 500-dən artıq yeni iş yerinin yaradılması nəzərdə tutulur”.

Ş.Mustafayev həmçinin bildirib ki, hazırda tikintisi davam edən və bu ilin sonuna istifadəyə veriləcək Masallı Sənaye Məhəlləsinə də sahibkarların marağı böyükdür və artıq ümumi dəyəri 33 mln. manatdan çox olan 33 layihə təqdim olunub: “Bu layihələr əsasən avtomobil, mebel, alüminium və plastik qapı-pəncərə, eləcə də müxtəlif növ tikinti materiallarının istehsalı, kənd təsərrüfatı məhsullarının emalı sahələrini əhatə edir. Hacıqabul Sənaye Məhəlləsinin təşkili istiqamətində işlər davam etdirilir. Dövlət başçısının tapşırığına əsasən, ölkəmizin digər regionlarında da sənaye məhəllələrinin yaradılması istiqamətində araşdırmalar aparılır”.

“Qeyri-ənənəvi sənaye sahələri ilə yanaşı, ənənəvi sənaye sahələrinin inkişafına da böyük diqqət göstərilir. Məsələn, 2016-cı ildə “Azərxalça” ASC yaradılıb, 10 rayonda xalça müəssisəsinin tikintisinə başlanılıb. Bununla yanaşı, rəqabətqabiliyyətli və yeni texnologiyalara əsaslanan xalça və xalça məmulatlarının istehsalını təmin etmək üçün ölkədə xammal müəssisələrinin qurulması üzrə müvafiq araşdırmalar aparılır. Belə ki, Sumqayıt şəhərində yun iplik istehsal edəcək Yunəyirici Boyaq Fabrikinin tikintisinə bu ilin sonunda başlanılması planlaşdırılır. Eyni zamanda xammal bazasının təmin edilməsi məqsədilə ölkənin 5 rayonunda yun və boyaq maddələri tədarükü məntəqələri yaradılacaq”, - deyə nazir qeyd edib.

ŞƏRH YAZ
0

Neft bir az bahalaşdı

Neft bir az bahalaşdı
23:10
23.02.2018
111
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti fevralın 22-də 67,53 dollar/barel təşkil edib ki, bu da çərşənbə gününə olan göstəricidən 0,99 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti fevralın 22-də 66,85 dollar/barel təşkil edib ki, bu da əvvəlki qiymətdən 0,95 dollar/barel çoxdur.

Novorossiysk limanından yüklənən URALS neftinin qiyməti fevralın 22-də 62,62 dollar/barel təşkil edib ki, bu da əvvəlki qiymətdən 1 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə fevralın 22-də 65,86 dollar/barel təşkil edib. Bu, əvvəlki qiymətdən 1,1 dollar/barel çoxdur.

Ölkə.Az

ŞƏRH YAZ
0

Aqrar sahənin texniki təminatının gücləndirilməsi üçün 160 milyon manat ayrıldı

Aqrar sahənin texniki təminatının gücləndirilməsi üçün 160 milyon manat ayrıldı
18:45
23.02.2018
204
İqtisadiyyat
A
Prezident İlham Əliyev fevralın 23-də "Aqrar sahənin texniki təminatının gücləndirilməsi ilə bağlı tədbirlər haqqında" sərəncam imzalayıb.

"Ölkə.Az"ın məlumatına görə, sərəncamla taxılçılıq, pambıqçılıq, çəltikçilik, çayçılıq və bağçılıq kimi ənənəvi kənd təsərrüfatı sahələrinin davamlı inkişafı məqsədi ilə kənd təsərrüfatı məhsulları istehsalçılarının texnikaya, suvarma sistemləri dəstlərinə və avadanlığa ehtiyacını ödəmək məqsədi ilə Azərbaycan Respublikası Prezidentinin 2018-ci il 22 yanvar tarixli 3593 nömrəli sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.6.1-ci yarımbəndində göstərilmiş məbləğin 160 milyon manatı “Aqrolizinq” Açıq Səhmdar Cəmiyyətinə ayrılıb.

Sərəncamda bildirilir ki, son dövrlərdə ölkə iqtisadiyyatının əsas prioritet sahələrindən olan aqrar sektorda dövlət dəstəyinin gücləndirilməsi istiqamətində bir sıra mühüm işlər görülüb. Həyata keçirilən tədbirlər çərçivəsində “Aqrolizinq” ASC on mindən çox müxtəlif təyinatlı kənd təsərrüfatı texnikası, o cümlədən müasir tipli pambıqyığan və taxılbiçən kombaynlar, traktorlar, yedəklər və digər kənd təsərrüfatı texnikası alaraq respublikaya gətirib. Ölkənin kənd təsərrüfatı texnikası parkı müasirləşdirilmiş, dövlət büdcəsinin vəsaiti hesabına ilkin dəyərinə 40 faiz güzəşt tətbiq edilməklə həmin maşın və mexanizmlər fermerlərə satılıb. Görülən məqsədyönlü tədbirlər nəticəsində kənd təsərrüfatının ənənəvi sahələri sayılan pambıqçılığın, taxılçılığın, çəltikçiliyin, çayçılığın, bağçılığın və digər sahələrin dayanıqlı inkişafı təmin olunmuşdur, yeni yaradılan pambıq qəbulu məntəqələri və pambıq emalı zavodları isə hazırda avadanlıqla təchiz edilir.

Bununla belə, uzun müddət istismarda olmuş kənd təsərrüfatı texnikasının bir hissəsinin texniki parametrlərinin və keyfiyyət göstəricilərinin müasir standartlara uyğun gəlməməsi səbəbindən, innovativ və yeni mütərəqqi becərmə texnologiyalarının tətbiqi ilə əlaqədar texnika parkının yenilənməsi, məhsul istehsalçılarının müasir kənd təsərrüfatı texnikasına tələbatının fasiləsiz və davamlı ödənilməsi sahəsində əlavə tədbirlər görülməsi zəruridir.

ŞƏRH YAZ
0
BAĞLA