Nazir Aİ-nin Azərbaycandakı səfiri ilə görüşüb

Nazir Aİ-nin Azərbaycandakı səfiri ilə görüşüb
14:05
11.11.2017
1605
Siyasət
A
Azərbaycanın energetika naziri Pərviz Şahbazovla Avropa İttifaqının (Aİ) ölkəmizdəki fövqəladə və səlahiyyətli səfiri Kestutis Yankauskasın rəhbərlik etdiyi nümayəndə heyəti arasında görüş keçirilib.

Energetika Nazirliyinin Mətbuat xidmətindən "Ölkə.Az"a verilən məlumata görə, P.Şahbazov Azərbaycanla Aİ arasındakı münasibətlərin yeni mərhələ ərəfəsində olduğunu deyib: 

“Enerji təchizatının şaxələndirilməsi və təhlükəsizliyi, eyni zamanda Azərbaycanın enerji infrastrukturunun inkişafı, enerjidən səmərəli istifadə, enerjiyə qənaət və bərpa olunan enerji mənbələrindən istifadə, qanunvericiliyin təkmilləşdirilməsi istiqamətində Aİ ilə uğurlu nəticələrə nail olunub. Enerji təhlükəsizliyi və şaxələndirmə layihəsi olan “Cənub Qaz Dəhlizi”nin reallaşması isə nəinki Azərbaycanla Aİ, həm də böyük bir coğrafiyada çoxtərəfli əməkdaşlığın möhkəmlənməsini təmin edəcək”.

Səfir K.Yankauskas da layihənin Aİ-nin yeni enerji təchizat mənbələrinin və nəql infrastrukturlarının diversifikasiyası siyasətinin tərkib hissəsi olduğunu, qurumun dəstəyi və Azərbaycanın liderliyi ilə “Cənub Qaz Dəhlizi” layihəsinin vaxtında yekunlaşacağına əmin olduğunu deyib. Görüşdə Azərbaycanla Aİ arasında tərəfdaşlığa dair yeni sazişlə bağlı görülən tədbirlər, "Şərq tərəfdaşlığı" proqramı, eləcə də energetika sahəsində regional əməkdaşlıq məsələləri ətrafında müzakirələr aparılıb. 

ŞƏRH YAZ
0

Elmar Məmmədyarov Nalbandyanla görüşə gedir

Elmar Məmmədyarov Nalbandyanla görüşə gedir
11:58
Bu gün
303
Siyasət
A
Azərbaycanın xarici işlər naziri Elmar Məmmədyarov ATƏT-in Minsk qrupunun həmsədrləri və Ermənistan xarici işlər naziri Edvard Nalbəndyanla görüşəcək.

Bu barədə "Ölkə.Az"a Xarici İşlər Nazirliyinin mətbuat xidmətindən məlumat verilib. 

Bildirilib ki, yanvarın 18-də xarici işlər naziri Elmar Məmmədyarov Polşanın Krakov şəhərində ATƏT-in Minsk qrupunun həmsədrləri Əndryü Şxofer (ABŞ), Stefan Viskonti (Fransa Respublikası), İqor Popov (Rusiya Federasiyası) və Ermənistan Respublikasının xarici işlər naziri Edvard Nalbəndyanla görüşəcək.

Görüşlərdə ATƏT-in Fəaliyyətdə olan sədrinin şəxsi nümayəndəsi Anjey Kaspişik də iştirak edəcək.

ŞƏRH YAZ
0

Bolqarıstanın Baş nazirinin Azərbaycana rəsmi səfəri başa çatdı

Bolqarıstanın Baş nazirinin Azərbaycana rəsmi səfəri başa çatdı
09:28
Bu gün
295
Siyasət
A
Bolqarıstan Respublikasının Baş naziri Boyko Borisovun Azərbaycan Respublikasına rəsmi səfəri yanvarın 16-də başa çatıb.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Bolqarıstan Respublikasının Baş Naziri Boyko Borisovu hava limanında Azərbaycan Respublikasının Baş naziri Artur Rasi-zadə və digər rəsmi şəxslər yola salıblar.

ŞƏRH YAZ
0
BAĞLA