Nazir Azərbaycanda kölgə iqtisadiyyatı ilə mübarizədən danışdı

Nazir Azərbaycanda kölgə iqtisadiyyatı ilə mübarizədən danışdı
15:05
08.05.2019
742
İqtisadiyyat
A
Həyata keçirilən vergi islahatlarının əsas məqsədi kölgə iqtisadiyyatının azaldılması, kölgədə fəaliyyət göstərənlərin kölgədən çıxmasından ibarət idi, desəm, yəqin ki, yanılmaram.

"Ölkə.Az" xəbər verir ki, bu barədə Azərbaycanın Vergilər naziri Mikayıl Cabbarov İTV-də “Diqqət mərkəzi” verilişində bildirib.

Nazir qeyd edib ki, Azərbaycanda kölgə iqtisadiyyatı məsələsinin köklü həlli haqqında danışmaq tezdir.

“Səbəbi, qeyd etdiyim kimi, ondan ibarətdir ki, biz işimizi vergi ödəyicisi ilə münasibətin təbiətinin dəyişdirilməsində görürük. Çünki istənilən dəyişiklik yalnız qol gücü hesabına, inzibati resurs hesabına deyil, münasibətin təbiətinin dəyişdirilməsi, şüurlu, təfəkkürlü, qarşılıqlı münasibətin qurulması hesabına olarsa, dönməz olar. Bu da, təbii olaraq, həm uzun, həm də çətin yoldur”.

M.Cabbarovun sözlərinə görə, rəhbərlik etdiyi qurum birinci rübdə - ilin ilk dörd ayında biznesin leqallaşması, kölgədən çıxması üçün bunu vergi ödəyicisi, biznesin özünün etməsinə imkan veriləcəyini nümayiş etdirməyə çalışıb.

“Xüsusi məqama diqqətinizi cəlb etmək istəyirəm ki, cənab Prezidentin təşəbbüsü ilə, biz Vergi Məcəlləsinə olan dəyişikliklər paketinə yenilik əlavə etmişik, əksər bizneslərdə baş verən kölgədən çıxmaqla bağlı pozuntuları ilk dəfə aşkar edəndə, maliyyə sanksiyası deyil, xəbərdarlıq edirik.

Bu, fikrimcə, dövlətin siyasətini ən açıq və aydın şəkildə əks etdirir. Burada cərimə və sanksiya tətbiq olunmur, ilk növbədə, şüurlu şəkildə vergi ödəyicisinə qayda pozuntusu göstərilir, daha bir şans verilir ki, onu aradan qaldırsın. Və təbii olaraq dövlətin qanunlarına riayət olunmalıdır.

Dövlət orqanlarının və konkret olaraq Vergilər Nazirliyinin işi məhz ondan ibarətdir. Bunun üçün səlahiyyətimiz və peşəkar bacarıqlarımız mövcuddur. Bütün məsələlər, təbii olaraq, hüquqi çərçivədə həll olunmalıdır. Lakin leqallaşma könüllü şəkildə baş vermədiyi halda, biz öz səlahiyyətlərimizdən istifadə edirik”.

M.Cabbarov bəzi sahələrdə kölgə iqtisadiyyatının azalmasının daha sürətlə getdiyini də vurğulayıb:

“Rəqəmlərə nəzər salsaq, qeyd edə bilərəm ki, məsələn, pərakəndə ticarət, topdan satış ticarət, ictimai iaşə, qida məhsullarının satışı kimi sahələrdə vergi dövriyyələrinin artım templəri yüksək olub. Bəzi hallarda 30, bəzən 50, bəzən 55 faiz - bu, inanılmaz artım tempidir. Əslində, bu, bazardakı kölgə səviyyəsinin, klasterlərdə fəaliyyət göstərən vergi ödəyicilərinin kölgədə olmasının göstəricisidir. Lakin qeyd etdiyim kimi, bu proseslər davam edəcək”.

Ölkə.Az

ŞƏRH YAZ
0

Azərbaycan ötən il Gürcüstana 240 mln. dollar investisiya yatırıb

Azərbaycan ötən il Gürcüstana 240 mln. dollar investisiya yatırıb
01:00
Bu gün
1947
İqtisadiyyat
A
Ötən il Gürcüstan iqtisadiyyatına 1 mlrd. 232,4 mln. ABŞ dolları həcmində investisiya yatırılıb.

"Ölkə.Az" report-a istinadən bildirir ki,, bu barədə ötənilki dövlət büdcəsinin icrası haqqında sənəddə bildirilir.

İllik müqayisədə qonşu ölkəyə qoyulan sərmayələrin həcmi 34,9% azalıb.

Hesabat ilində Gürcüstanın ən böyük investoru 240 mln. dollarla Azərbaycan olub. İkinci və üçüncü yerlərdə müvafiq olaraq Böyük Britaniya (203,7 mln. dollar) və Niderland (167,9 mln. dollar) qərarlaşıb.

Sənəddə qeyd olunub ki, 2018-ci ildə ən çox investisiya maliyyə (277 mln. dollar), nəqliyyat (210 mln. dollar) və energetika (157 mln. dollar) sahələrinə yatırılıb.

Dövlət büdcəsinin icrası haqqında sənəd mayın 27-də Gürcüstan parlamentinin büro iclasında təqdim olunacaq.

Ölkə.Az

ŞƏRH YAZ
0

Azərbaycanda külək enerjisi istehsalı artıb

Azərbaycanda külək enerjisi istehsalı artıb
19:32
24.05.2019
1947
İqtisadiyyat
A
Bu ilin yanvar-aprel ayları ərzində Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 711,7 mln. manat dəyərində məhsul istehsal olunub və xidmətlər göstərilib.

"Ölkə.Az"ın Dövlət Statistika Komitəsinə istinadən verdiyi məlumata görə, əvvəlki ilin müvafiq dövrü ilə müqayisədə 2,1%-lik artım müşahidə olunub. Su təchizatı, tullantıların təmizlənməsi və emalı sektorunda istehsal edilmiş məhsulların həcmi 9,4% artaraq 101,6 mln. manat təşkil edib.

Ötən dörd ay ərzində Azərbaycanda 8 197,3 mln. kVt/saat elektrik enerjisi istehsal edilib ki, bu da 2018-ci ilin yanvar-aprel aylarının göstəriciləri ilə müqayisədə 4,4% çoxdur.

Elektrik enerjisinin 434,5 mln. kVt/saatı su elektrik stansiyalarının istehsalının payına düşür ki, bu da 2018-ci ilin yanvar-aprel aylarının göstəriciləri ilə müqayisədə 16,4% azdır.

Enerji istehsalının 7 435,2 mln. kVt/saatı istilik elektrik stansiyalarının istehsalıdır ki, bu da 2018-ci ilin dörd ayının göstəriciləri ilə müqayisədə 5,9% çoxdur.

Bu ilin yanvar-aprel ayları ərzində Azərbaycanda 40,5 mln. kVt/saat küləklə işləyən stansiyaların enerji istehsalı olub ki, bu da 2018-ci ilin dörd ayının göstəriciləri ilə müqayisədə 7,5 dəfə çoxdur.

Bu ilin dörd ayı ərzində ölkədə 7,5 mln. kVt/saat günəş enerjisi ilə işləyən stansiyaların istehsalı olub ki, bu da 2018-ci ilin yanvar-aprel aylarının göstəricisi ilə müqayisədə 33,6% azdır.

ŞƏRH YAZ
0
BAĞLA