Nazir: "Cinsi azlıqlar məsuliyyətdən yaxa qurtarmağa çalışırlar"

Nazir:
18:19
16.10.2017
506
Ölkə
A
Azərbaycanın daxili işlər naziri, general-polkovnik Ramil Usubov Bakıda cinsi azlıq nümayəndələrinin saxlanılması ilə bağlı məlumatların təqdim edilməsi barədə Avropa Şurasının İnsan Hüquqları üzrə Komissarı Nils Mujnieksin müraciətinə cavab verib.

"Ölkə.Az"ın APA-ya istinadən verdiyi məlumata görə, R. Usubov cavab məktubunda qeyd edib ki, Bakıda cinsi azlıqlara qarşı tədbirlər əhalinin çoxsaylı şikayətləri əsasında aparılıb: “Daxil olan şikayətlər əsasında Bakı şəhərində sentyabrın 15-dən 30-dək həyata keçirilmiş profilaktik tədbirlərlə paytaxtın müxtəlif ərazilərində toplaşan cinsi azlıqların yüzlərlə nümayəndəsindən yalnız ictimai qaydanı kobud surətdə pozaraq xırda xuliqanlıq törədən, həmin yerlərdə ictimai qaydanın mühafizəsi vəzifəsini icra edən polis işçilərinin qanuni tələblərinə qəsdən tabe olmayan 83 nəfər saxlanılıb və barələrində qanunvericiliklə müəyyən edilmiş qaydada sənədləşmə aparılıb. Saxlanılan şəxslərin yol verdikləri qanun pozuntuları məhkəmə qaydasında sübuta yetirildiyindən onlardan 56 nəfəri barəsində İnzibati Xətalar Məcəlləsinin 510-cu (xırda xuliqanlıq) və 535.1-ci (polis işçisinin qanuni tələbinə qəsdən tabe olmamaq) maddələri ilə 5 gündən 30 günədək inzibati həbs tətbiq olunub, 18 nəfər cərimələnib, 9 nəfərə xəbərdarlıq edilib”.
 
R. Usubov məktubunda həmçinin saxlanılan cinsi azlıqlarda təhlükəli infeksiyaların aşkarlandığını qeyd edib: “Müayinələrin nəticələrinə görə 32 nəfərdə müxtəlif zöhrəvi xəstəliklər, o cümlədən 16 nəfərdə sifilis, 6 nəfərdə AİDS, 6 nəfərdə HİV, daha 2 nəfərdə Hepatit HCV virusu aşkar edilib. Eləcə də zöhrəvi xəstəlik aşkar edilməmiş daha 24 nəfərin həbsdə saxlanıldığı müddətin islah olunmaları üçün kifayət etməsi nəzərə alınaraq onlar oktyabrın 2-də məhkəmələr tərəfindən vaxtından əvvəl inzibati həbsdən azad ediliblər”.
 
Nazir bəyan edib ki, saxlanılan cinsi azlıqların hüquqlarının pozulması ilə bağlı iddiaların heç bir əsası yoxdur: “Azərbaycanda bütün qrup insanların hüquqları heç bir məhdudiyyət olmadan təmin edilir və cinsi azlıqlarla bağlı respublikamızda mövcud olan vəziyyət əksər Avropa dövlətlərindəki vəziyyətdən fərqlənmir. Lakin son illər ölkəmizdə hansısa hüquqazidd əməli törətmiş cinsi azlığın nümayəndələri özlərinin cinsi oriyentasiyasını önə çəkməklə məsuliyyətdən yaxa qurtarmağa çalışırlar. Bu cür məsələlər isə Azərbaycanda yalnız müvafiq beynəlxalq təşkilatların da hüquqi ekspertizasından keçmiş qanunvericilik aktları çərçivəsində həll edilir. Odur ki, cinsi azlıqların nümayəndələrinin hüquqazidd əməl törətməsi onları məsuliyyətdən azad edə bilməz”.

ŞƏRH YAZ
0

Müğənnilərdən etiraz — "Sənəti xalqın dili ilə sevdirmişik, xalqın dili ilə də ifa etməliyik"

Müğənnilərdən etiraz
11:20
Bu gün
16
Ölkə
A
Azərbaycan Milli Elmlər Akademiyasının Nəsimi adına Dilçilik İnstitutunun apardığı monitorinqin nəticəsinə əsasən, ölkədəki müğənnilərin əksəriyyəti ifalarında ədəbi dil normalarını pozurlar.

"Ölkə.Az" Report-a istinadən siyahıda adları olan bir neçə müğənninin məsələ ilə bağlı fikirlərini təqdim edir.

Əməkdar artist Abbas Bağırov açıqlamasında  adının siyahıya salınması ilə razılaşmadığını bildirib:


 “Mənim adımı siyahıya salan, mahnılarımda nöqsanlar tutan insanlara demək lazımdır ki, vaxtilə mən oxuduğum mahnıların 80-90 faizi 30-40 il bundan əvvəl öz sözünü demiş bəstəkarlar və şairlər tərəfindən yazılmış mahnılardır. O vaxtlar ümumiyyətlə məzəli mahnılar var idi. Həmin mahnılarda sözlərdə müəyyən şivələr də olurdu. Başa düşmürəm, artıq belə şeylərdə səhv tutmağa başlayıblar? Yəni işləri-gücləri yoxdur? Ümumiyyətlə, yəqin onların musiqidən, şeirdən anlayışları yoxdur. Musiqini dərindən qavrasınlar, yaxşı araşdırsınlar. Musiqi nədir, ona yazılan sözlər necə olmalıdır, nə kimi sözlər yazıla bilər. Oxuduğum mahnılara, yaxud ona yazılmış sözlərə irad tuta bilərlər. Desələr burada bu sözü dəyiş mən qəbul edərəm. Mən bacardığım qədər şeiri diqqətlə oxuyuram. O adamlara demək lazımdır ki, bu gün dillərində, oxumaqlarında qüsur olan o qədər adam var ki, onların heç biri siyahıya sığmaz. Onlardan danışsınlar, məni o siyahıya qatmaq lazım deyil”.

Əməkdar artist Elnarə Abdullayeva bildirib ki, müğənnilərin bəziləri yox, hamısı bu qaydaları pozur:

“İşləri gücləri guya nəsə demək, nəsə işləməkdir. Nə olacaq? Mən kiməmsə, haradan gəlmişəmsə ora da gedirəm. Kiməsə görə, xarakter dəyişən adam deyləm. Mən heykəlləşmiş bir insanam. Belə gəlib, belə də gedirəm. Dəyişmirəm”.

Müğənni İlqar Sail açıqlamasında  SSRİ zamanında rus məktəbində təhsil aldığını deyib:

“Mən rusdilliyəm. Dilçilərlə mübahisə etmərəm. Ola bilsin ki, bəzi sözləri dərindən bilmirəm. Səhv olanda da gərək bizə kimsə desin ki, bu, belə düz deyil, bunu düzəltmək lazımdır. Belə olsa yaxşı olar”.

Mövzu ilə bağlı açıqlama verən Aşıq Əli qeyd edib ki, əslində, aşığın ləhcəsi olmasa onun şirinliyi də olmaz:

“Biz bəstəkar mahnıları oxumuruq ki, sözlərə dəqiq fikir verək. Ancaq ən çətin dildə, ən çətin şeirlər də aşıqdadır. Sənəti xalqın dili ilə sevdirmişik, xalqın dili ilə də ifa etməliyik. Dilçilik İnstitutunda oturanlar tez-tez efirlərə çıxsalar onların da qüsurlarını taparıq. Biz bütün gün efirdəyik deyə, həm elm adamlarının, həm jurnalistlərin qınaq obyektinə çevrilmişik”.

Xalq artisti Brilliant Dadaşova ilə əlaqə saxlamaq istəsək də telefonuna başqası cavab verdi və bununla bağlı sənətçinin prodüserləri ilə əlaqə saxlamağımızı məsləhət gördü. Prodüseri isə sənətçinin açıqlama verməsini lazımsız hesab etdiyini bildirdi.

Danışıq tərzi və musiqiləri ilə ən çox normaları pozanlardan olan Aşıq Telli Borçalının telefonunu cavablandıran şəxs isə telefonda aşğın yox, onun bacısı olduğu iddia etdi və kobud şəkildə cavab verməkdən imtina etdi.

Əməkdar artist Röya Ayxanın prodüseri isə sənətçinin xaricdə olduğunu və bu barədə danışa bilməyəcəyini bildirdi.

ŞƏRH YAZ
0

Ötən günün cinayət statistikası

Ötən günün cinayət statistikası
11:08
Bu gün
171
Ölkə
A
Oktyabr ayının 22-dən 23-dək daxili işlər orqanlarında qeydə alınmış cinayət və hadisələr haqqında statistik məlumatlar açıqlanıb.

Daxili İşlər Nazirliyinin (DİN) Mətbuat xidmətindən "Ölkə.Az"a verilən məlumata görə, respublikanın daxili işlər orqanları tərəfindən gün ərzində 108 cinayət faktı qeydə alınıb, onların da 12-si “isti izlər”lə açılıb. Əvvəlki dövrlərdən bağlı qalmış 5 cinayətin açılması təmin olunub.

Axtarışda olduğuna görə ümumilikdə 26 nəfər, o cümlədən mülki-hüquqi öhdəliklərin icrasından yayındığına görə 2 nəfər, borclu şəxs qismində axtarışda olan 14 nəfər saxlanılaraq aidiyyəti üzrə təhvil verilib.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 4 fakt müəyyən edilib. Cinayət törətməkdə şübhəli bilinən 19 nəfər saxlanılıb.

Ötən gün respublikanın avtomobil yollarında 3 yol-nəqliyyat hadisəsi baş verib.

Qəzalarda 2 nəfər ölüb, 4 nəfər xəsarət alıb.

Ölkə.Az

ŞƏRH YAZ
0
BAĞLA