Nazir müavini şagirdlərin intihar etmə səbəblərindən danışdı

Nazir müavini şagirdlərin intihar etmə səbəblərindən danışdı
13:15
15.05.2019
1006
Ölkə
A
"Son vaxtlar şagirdlərin intiharı ilə bağlı baş verən halların bir neçə səbəbi var. Bəzən ailədaxili mühit, bəzən də uşaqların psixikasının pozulması intihara səbəb olur"

"Ölkə.Az" xəbər verir ki, bunu Təhsil nazirinin müavini Firudin Qurbanov deyib. Onun sözlərinə görə, uşaqların psixikası pozulduqda həkimlər dərhal işə qarışmalıdırlar. 

"Bəzən görürsən ki, məktəbdə uşağa müəllimlər tərəfindən yaxşı münasibət olmur, o da intihara cəhd edir. Burada çox suallar ortaya çıxır, cəmiyyət bunların hamısını tənzimləməlidir. Təhsil Nazirliyi olaraq biz bu məsələlərə çox həssas yanaşırıq". 

Nazir müavini bildirib ki, təhsilin əsas vəzifəsi təlimlə yanaşı, tərbiyəyə diqqət yetirməkdir: "Çünki bu, gələcək nəsillərin formalaşmasında mühüm rol oynayır. Ailədaxili mühit uşaqların tərbiyəsinə təsir göstərir. Hər bir müəllim də təkcə müəllim deyil, həm də tərbiyəçi olmalıdır". 

F.Qurbanov qeyd edib ki, hazırda Azərbaycanda 1 milyon 600 mindən çox şagird təhsil alır. 

"Onlara təxminən 150 min müəllim dərs keçir. Hər məktəbdə psixoloq var. Biz onların təlimləri ilə uşaqların tərbiyəsinə təsir göstərməyə çalışırıq". 

Ölkə.Az

ŞƏRH YAZ
0

Bu günü havası ilə bağlı — XƏBƏRDARLIQ

Bu günü havası ilə bağlı
07:01
Bu gün
2967
Ölkə
A
Azərbaycanda sabaha gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, avqustun 21-də Bakıda və Abşeron yarımadasında havanın, əsasən, günəşli keçəcəyi gözlənilir. Şimal küləyi gündüz cənub-şərq küləyi ilə əvəz olunacaq.

Havanın temperaturu Abşeron yarımadasında gecə 20-24, gündüz 33-38, Bakıda gecə 21-23, gündüz 36-38 dərəcə isti təşkil edəcək. Atmosfer təzyiqi norma daxilində 761 mm civə sütunu təşkil edəcək, nisbi rütubət gecə 60-70, gündüz 30-40 faiz olacaq.

Abşeron çimərliklərində şimal küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 25-26, cənub çimərliklərində (Türkan, Hövsan, Sahil, Şıx) 26-27 dərəcə isti təşkil edəcək.

Azərbaycanın rayonlarında hava, əsasən, yağmursuz keçəcək. Səhər bəzi yerlərdə zəif duman olacaq. Şərq küləyi əsəcək. Havanın temperaturu gecə 19-24, gündüz 34-39, bəzi yerlərdə 42, dağlarda gecə 13-18, gündüz 25-30 dərəcə isti təşkil edəcək.

Tibbi-meteoroloji proqnoza gəlincə, avqustun 21-də Bakıda və Abşeron yarımadasında zəif küləyin üstünlüyü fonunda gündüz saatlarında isti temperatur diskomfortu meteohəssas insanlar üçün əlverişsizdir.

ŞƏRH YAZ
0

Leyla Əliyeva xəstəxanada uşaqları ziyarət etdi — FOTO

Leyla Əliyeva xəstəxanada uşaqları ziyarət etdi
00:31
Bu gün
4776
Ölkə
A
Heydər Əliyev Fondunun vitse-prezidenti Leyla Əliyeva avqustun 20-də Fondun layihələri çərçivəsində paytaxtdakı Talassemiya Mərkəzində, 1 saylı Şəhər Kliniki Xəstəxanasında, Milli Onkologiya Mərkəzinin Uşaq Klinikasında müalicə olunan uşaqlarla və onların valideynləri ilə görüşüb.

“Ölkə.Az” Azərtac-a istinadən xəbər verir ki, Leyla Əliyeva “Talassemiyasız həyat naminə” layihəsi çərçivəsində görülən işlərlə tanışlıq məqsədilə növbəti dəfə paytaxtdakı Talassemiya Mərkəzində olub.

Fondun təşəbbüsü ilə yaradılan Talassemiya Mərkəzinin əsas məqsədi ixtisaslaşdırılmış tibb ocağının və qan bankının təşkili, yüksək ixtisaslı kadrların hazırlanması, talassemiyadan əziyyət çəkən uşaqların təhlükəsiz və keyfiyyətli qan komponentləri ilə təmin edilməsidir.

Daha sonra 1 saylı Şəhər Kliniki Xəstəxanasında müxtəlif şöbələrdə müalicə alan uşaqlara baş çəkilib, balacaların tezliklə sağalması arzuları ifadə olunub. Qeyd edilib ki, hazırda xəstəxananın uşaq-cərrahiyyə korpusunda 40-a yaxın uşaq müalicə alır.

Tibb müəssisələrində müalicə olunan uşaqlarla növbəti görüş Milli Onkologiya Mərkəzinin Uşaq Klinikasında baş tutub. Uşaqların müalicəsinin gedişi ilə maraqlanan Leyla Əliyeva Fondun səhiyyə və sosial sahələrlə bağlı məsələləri daim diqqətdə saxladığını bildirib.

Balacalara, həmçinin müxtəlif hədiyyələr təqdim edilib.

Ölkə.Az

ŞƏRH YAZ
0
BAĞLA