Nazir müavini: “Sahibkara qarşı yoxlamaların sayı 1000 dəfə azaldılıb”

“Ölkə.Az”-ın məlumatına görə, bunu Milli Məclisin İqtisadi siyasət, sənaye və sahibkarlıq komitəsinin iclasında “2016-cı il üçün dövlət büdcəsinin icrası haqqında” qanun layihəsi və dövlət büdcəsinin icrasına dair illik hesabatın müzakirəsi zamanı iqtisadiyyat nazirinin müavini Sevinc Həsənova bildirib. 

Nazir müavini deyib ki, hazırda Azərbaycanda saibkarlarla bağlı maarrifləndirmə işləri həyata keçirilir:

“Bu dövr ərzində sahibkarlara güzəştli kreditlərin verilməsi ilə bağlı geniş tədbirlər həyata keçirilib. Azərbaycanın 21 regionunda 26 işgüzar forum keçirilib. Hesabat dövründə sahibkarların beynəlxalq əlaqələrin genişləndirilməsi məqsədilə tədbirlər genişləndirilib. Bu müddətdə 137 tədbir təşkil olunub ki, bu da Azərbaycanın ixrac potensialının artmasında böyük əhəmiyyət daşıyır”.  

S.Həsənova qeyd edib ki, Azərbaycanda açıq iqtisadiyyatın olduğu nəzərə alınaraq ötən ildən ölkəmizdə  ixracın təşkili istiqamətində president tərəfindən imzalanan sərəncam və fərmanların icrası ilə bağlı işlər davam etdirilib: 

“Ötən il 3 ixrac missiyası həyata keçirilib ki, cari ildə də ixrac təşviqinin genişlənidirilməsi nəzərdə tutulur”.

Nazir müavini vurğulayıb ki, xarici şoklar 2016-cı ildə ölkə iqtisadiyyatına mənfi təsir göstərməkdə davam edib: 

“Azərbaycanın ixrac gəlirləri azalıb, bu da ölkənin bank sektorunda problemlər yaradıb. Bunların həlli üçün çevik iqtisadi siyasət tədbirləri müəyynləşdirilib və artıq həyata keçrilməsinə başlanılıb, Maliyyə Sabitliyi Şurası yaradılıb. Əvvəlki illərdə iqtisadiyytın şaxələndirilməsi ilə bağlı görülən tədbirlərin nəticəsi olaraq ötən il ərzində qeyri-neft sənayesi 5 faiz, informasiya və rabitə sektoru 4,5 faiz artıb”. 

S.Həsənova söyləyib ki, əczaçılıq sənayesinin idxalda xüsusi çəkisi böyükdür: 

“Əczaçılıq sənayesinin yenidən yaradılması həm daxili tələbatın ödənilməsinə, daha sonra isə ixraca yönəlib. Qeyd edək ki, həm ötən il, həm də bu il ərzində bir əczaçılıq zavodunun təməli qoyulub.

Bundan başqa, Azərbaycanın investisiya qoyduğu nəqliyyat, tranzit sahəsi ilə bağlı uğurlar əldə edilir. Ötən il Azərbaycan ərazisindən 23 minə yaxın yük atomobili keçib ki, bu da 2015-ci illə müqayisədə 2,2 dəfə çoxdur”.

Zaur Əziz
Ölkə.Az