Nazir müavinindən müəllimlərə və məktəb direktorlarına — XƏBƏRDARLIQ

Nazir müavinindən müəllimlərə və məktəb direktorlarına
14:37
15.10.2019
2185
Ölkə
A
"Müasir dövrün tələblərinə cavab verməyən, keyfiyyətsiz fəaliyyəti ilə seçilən məktəblərin də olduğunu görürük".

"Ölkə.Az" report-a istinadən xəbər verir ki, bunu Təhsil nazirinin müavini Məhəbbət Vəliyeva "Bakı təhsili: uğurlar və hədəflər" mövzusunda keçirilən konfransda deyib.

O qeyd edib ki, problemlərin həlli ilə bağlı məsələlərə köklü yanaşmağın yolları tapılmalıdır:

"Bu mənada direktorların qarşısında çox ciddi çağırışlar dayanır. Ola bilər ki, direktorlar bu il fəaliyyəti daha yaxşı təşkil edib daha yaxşı nəticələr əldə etsinlər, amma bu problemə sistemli yanaşılmadıqda nəticə səmərəli olmayacaq".

Bu il ölkə üzrə 5 yaşlı uşaqların 84,62 faizinin məktəbəhazırlıq təhsilinə cəlb olunduğunu xatırladan M.Vəliyeva bildirib ki, bu kifayət qədər yaxşı göstəricidir:

"Hər bir məktəbəhazırlıq qruplarına gedən uşağın onun gələcək məzunu olacağını nəzərə alaraq 5 yaşlı uşaqla fəaliyyətin səmərəli təşkil olunması barədə düşünməlidir. Bu uşaqlara kimlər dərs deyəcək, onlarla fəaliyyətdə hansı prioritetlər əsas olacaq, məktəb valideyni necə maarifləndirəcək kimi sualların cavabını müəllim verə bilməz. Əmin deyilik ki, ümumi və tam orta təhsil səviyyələrində dərs deyən müəllimlər məktəbəhazırlığın mahiyyətini kifayət qədər dərindən başa düşürlər. Onlar sanki bu prosesdən kənarda qalıblar. Halbuki məktəbəhazırlıq təhsilin çox əhəmiyyətli hissəsidir. Bu məsələ bütün kollektivin diqqətinə çatdırılmalıdır. Məktəbəhazırlıq təhsilinin vacibliyini bu qədər qeyd etdiyimiz üçün yaxşı olardı ki, Bakı məktəblərinin heç olmasa bir neçəsi özünün bu qabaqcıl təcrübəsini ortaya qoyardı".

Ölkə.Az

ŞƏRH YAZ
0

Düşmən atəşkəsi 25 dəfə pozub

Düşmən atəşkəsi 25 dəfə pozub
09:29
Bu gün
345
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 25 dəfə pozub.

Müdafiə Nazirliyindən "Ölkə.Az"a verilən məlumata görə, Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Məzəm, Qızılhacılı kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Ağdam rayonunun işğal altında olan Baş Qərvənd, Mərzili, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

ŞƏRH YAZ
0

Bakı bulvarından şəhərə açılan mənzərə — FOTOREPORTAJ

Bakı bulvarından şəhərə açılan mənzərə
08:04
Bu gün
1025
Ölkə
A
Bakı bu gün dünyanın sürətlə inkişaf edən, gün keçdikcə daha da cəlbedici olan şəhərlərindən biridir. Paytaxt Bakının ən spesifik xüsusiyyətə, rəngarəng görünüşə malik yerlərindən biri də dənizkənarı bulvardır.

Bura Bakı sakinlərinin, qonaqların, xüsusən də turistlərin ən sevdiyi, əyləndiyi istirahət məkanıdır. Çünki bulvardan şəhərə açılan mənzərə Bakının gözəlliyini seyr etməyə tam imkan verir.

"Ölkə.Az" trend-ə istinadən Bakı bulvarından şəhərə açılan mənzərənin fotolarını təqdim edir:

ŞƏRH YAZ
0
BAĞLA