Nazir müavinindən şöbə rəhbərlərinə ciddi tapşırıq

Nazir müavinindən şöbə rəhbərlərinə ciddi tapşırıq
18:10
20.06.2019
1238
Ölkə
A
Əmək və Əhalinin Sosial Müdafiəsi Nazirliyinin yanında Dövlət Sosial Müdafiə Fondunda Fondun Bakı şəhər şöbələrinin rəhbərləri ilə birgə iclas keçirilib.

Nazirlikdən "Ölkə.Az"a verilən məlumata görə, iclasda Əmək və Əhalinin Sosial Müdafiəsi nazirinin müavini Anar Kərimov ölkədə aparılan siyasətin mərkəzində vətəndaş amilinin dayandığını vurğulayıb. O, Prezident cənab İlham Əliyevin uğurlu sosial islahatlar proqramının nəticələri olaraq, əhalinin rifah halının yaxşılaşdırılması, sosial cəhətdən həssas qruplara dövlət qayğısının artırılması istiqamətində atılan mühüm addımları diqqətə çatdırıb. 

A.Kərimov əhaliyə xidmət səviyyəsinin yüksəldilməsinin, hər bir vətəndaşın müraciətinə diqqət və qayğı ilə yanaşılmasının əsas vəzifələrdən olduğunu qeyd edib, nazirliyin yerli qurumlarında da bu məsələnin daim diqqət mərkəzində saxlanmasının vacibliyini vurğulayıb. 

Nazirin müşaviri Mustafa Abbasbəyli, Fondun direktoru Himalay Məmişov və digərlərinin müvafiq sahələrdə görülən işlər və aparılan islahatlarla bağlı çıxışları dinlənilib. 

İclasda əhaliyə dövlət sosial xidmətlərinin keyfiyyətinin artırılması, vətəndaş müraciətlərinə diqqət və qayğı ilə yanaşılması, bu müraciətlərin obyektiv və ədalətli şəkildə cavablandırılması, göstərilən xidmətlərdə vətəndaş məmnunluğunun təmin olunması üçün görülən tədbirlər, bu sahədə çatışmazlıqların aradan qaldırılması, eləcə də Fondun yerli şöbələrinin fəaliyyətinin təkmilləşdirilməsi üzrə məsələlər müzakirə edilib.

Ölkə.Az

ŞƏRH YAZ
0

Mətbuat Şurasından jurnalistlərə və polislərə — MÜRACİƏT

Mətbuat Şurasından jurnalistlərə və polislərə
22:36
19.10.2019
2188
Ölkə
A
Mətbuat Şurası müxalifət nümayəndələrindən ibarət Milli Şuranın oktyabrın 19-da metronun “28 May” stansiyası yaxınlığında keçirdiyi icazəsiz aksiyada jurnalistlərin peşə vəzifələrini yerinə yetirmələrinin monitorinqini aparıb.

“Ölkə.Az” Şuraya istinadən xəbər verir ki, Daxili İşlər Nazirliyinin nümayəndələrindən ibarət birgə monitorinq qrupunun üzvləri ərazidə olublar.

Eyni zamanda jurnalistlər monitorinq qrupu üzvlərinin 050-206-96-02 və 055-288-95-53 mobil telefon nömrələrinə də zəng edərək vəziyyəti bildirmək imkanı əldə ediblər:

“Ümumən jurnalistlərin aksiyanı işıqlandırmaları üçün şərait yaradılıb. Ancaq aksiya ilə bağlı bir sıra təhlükəsizlik xarakterli məhdudlaşdırıcı tədbirlər eyni zamanda media mənsublarına da tətbiq edilib. Bununla əlaqədar monitorinq qrupuna məlumatlar daxil olub.

Jurnalistlərin tam əksəriyyəti aksiya zamanı üzərində “Press” yazılmış gödəkçələrdə olublar. Bununla belə, bəzi KİV nümayəndələri aksiyaya bu tələbə məhəl qoymadan qatılıblar. Üzərində “Press” yazılmış gödəkçələrdə olan bəzi jurnalistlər isə özlərini aksiya iştirakçısı kimi aparıblar.

Azərbaycan Mətbuat Şurası bir daha bildirir ki, jurnalistlər heç bir halda özlərini aksiya iştirakçısı kimi aparmamalı, sırf peşə fəaliyyətlərini yerinə yetirməlidirlər. Mətbuat Şurasının monitorinq qrupu gələcəkdə də məsələni ciddi nəzarətdə saxlayacaq.

Mətbuat Şurası hüquq-mühafizə orqanlarının təmsilçilərini də bir daha üzərində “Press” yazılmış gödəkçələrdə olan media təmsilçilərinə müvafiq şərait yaratmağa, ümumən jurnalistlərlə əlaqədar həssaslıq nümayişinə, diqqətli davranışa çağırır”.

Ölkə.Az

ŞƏRH YAZ
0

Sumqayıtda avtomobildə meyit tapıldı

Sumqayıtda avtomobildə meyit tapıldı
21:33
19.10.2019
3167
Ölkə
A
Sumqayıt sakini öz avtomobilində ölmüş vəziyyətdə tapılıb.

“Ölkə.Az” report-a istinadən xəbər verir ki, hadisə şəhərin 13-cü mikrorayonu ərazisində baş verib.

1956-cı il təvəllüdlü Nuriyev Aqil İsa oğlu şəxsi avtomobilində ölü halda tapılıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA