Nazir müavinindən şöbə rəhbərlərinə ciddi tapşırıq

Nazir müavinindən şöbə rəhbərlərinə ciddi tapşırıq
18:10
20.06.2019
1159
Ölkə
A
Əmək və Əhalinin Sosial Müdafiəsi Nazirliyinin yanında Dövlət Sosial Müdafiə Fondunda Fondun Bakı şəhər şöbələrinin rəhbərləri ilə birgə iclas keçirilib.

Nazirlikdən "Ölkə.Az"a verilən məlumata görə, iclasda Əmək və Əhalinin Sosial Müdafiəsi nazirinin müavini Anar Kərimov ölkədə aparılan siyasətin mərkəzində vətəndaş amilinin dayandığını vurğulayıb. O, Prezident cənab İlham Əliyevin uğurlu sosial islahatlar proqramının nəticələri olaraq, əhalinin rifah halının yaxşılaşdırılması, sosial cəhətdən həssas qruplara dövlət qayğısının artırılması istiqamətində atılan mühüm addımları diqqətə çatdırıb. 

A.Kərimov əhaliyə xidmət səviyyəsinin yüksəldilməsinin, hər bir vətəndaşın müraciətinə diqqət və qayğı ilə yanaşılmasının əsas vəzifələrdən olduğunu qeyd edib, nazirliyin yerli qurumlarında da bu məsələnin daim diqqət mərkəzində saxlanmasının vacibliyini vurğulayıb. 

Nazirin müşaviri Mustafa Abbasbəyli, Fondun direktoru Himalay Məmişov və digərlərinin müvafiq sahələrdə görülən işlər və aparılan islahatlarla bağlı çıxışları dinlənilib. 

İclasda əhaliyə dövlət sosial xidmətlərinin keyfiyyətinin artırılması, vətəndaş müraciətlərinə diqqət və qayğı ilə yanaşılması, bu müraciətlərin obyektiv və ədalətli şəkildə cavablandırılması, göstərilən xidmətlərdə vətəndaş məmnunluğunun təmin olunması üçün görülən tədbirlər, bu sahədə çatışmazlıqların aradan qaldırılması, eləcə də Fondun yerli şöbələrinin fəaliyyətinin təkmilləşdirilməsi üzrə məsələlər müzakirə edilib.

Ölkə.Az

ŞƏRH YAZ
0

İşə qəbul olmaq istəyən müəllimlər üçün — NÖVBƏTİ ŞANS

İşə qəbul olmaq istəyən müəllimlər üçün
10:35
Bu gün
363
Ölkə
A
Bu gündən 2019-2020-ci tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə ilə müəllimlərin işə qəbulu üzrə ikinci tur başlayır.

"Ölkə.Az" xəbər verir ki, namizədlər sentyabrın 22-si saat 23:59-dək miq.edu.az saytına daxil olaraq turda iştirak edə bilərlər.

Bu prosesdə builki müsabiqədə vakant yer tutmayan, 2018 və ya 2019-cu il üzrə işə qəbul imtahanı nəticəsi olan şəxslərin iştirak hüququ var. Müəllimlərin işə qəbulu üzrə builki müsabiqəyə qatılan namizədlər şəxsi səhifələrinə daxil olmaqla vakant yer seçməli və elektron ərizələrini təsdiq etməlidirlər.

Ötənilki müsabiqəyə qatılan, lakin builki müsabiqədə elektron sənəd qəbulu zamanı iştirak etməyən namizədlər yenidən qeydiyyatdan keçdikdən sonra vakant yer seçərək ərizələrini təsdiqləməlidirlər.

Müddətli müqavilə ilə müəllimlərin işə qəbulu zamanı namizədlər dörd vakant yer seçə bilərlər.

Qeyd edək ki, yalnız Bakı şəhəri üzrə ümumi təhsil müəssisələrində ibtidai sinif müəllimliyi üzrə müddətli müqavilə ilə müəllimlərin işə qəbulu Bakı Şəhəri üzrə Təhsil İdarəsi tərəfindən həyata keçiriləcək.

Ölkə.Az

ŞƏRH YAZ
0

Gələn həftə Azərbaycana payız gəlir

Gələn həftə Azərbaycana payız gəlir
10:22
Bu gün
565
Ölkə
A
Bu il Azərbaycana payız fəsli sentyabrın 23-də saat 11.50-də daxil olacaq.

"Ölkə.Az"ın məlumatına görə, həmin gün - həftənin bazar ertəsi gecə-gündüz bərabərliyi baş verəcək.

Sentyabrın 23-dən başlayaraq gecələr uzanacaq, gündüzlər isə qısalacaq. Gecələrin uzanması dekabrın 22-nə kimi davam edəcək və həmin gün ən uzun gecə olacaq. Qış isə Azərbaycana dekabrın 22-i Bakı vaxtı ilə saat 08.19-da qədəm qoyacaq. (azvision)

Ölkə.Az

ŞƏRH YAZ
0
BAĞLA