Nazir: "Qeyri-rəsmi məşğulluqla bağlı vəziyyət nəzarətdədir"

Nazir:
12:15
11.07.2018
1209
Ölkə
A
"Prezident İlham Əliyev “Sahibkarlıq sahəsində aparılan yoxlamaların dayandırılması haqqında” qanunu imzalayıb, bu qanun 2021-ci ilədək qüvvədə olacaq".

“Ölkə.Az”ın məlumatına görə, bunu Əmək və əhalinin sosial müdafiəsi naziri Sahil Babayev Beynəlxalq Sosial Təminat Assosiyasının prezidenti, Almaniyanın İş Yerində Bədbəxt Hadisələrdən Sosial Sığorta Təşkilatının rəhbəri Yoahim Bröyerlə keçirdiyi birgə mətbuat konfransında bildirib.

Nazir deyib ki, bu, sahibkarlığın inkişafına stimul verir:

"Çalışırıq ki, yoxlamaları elektron sistemlər vasitəsilə edək. Yəni məmur-vətəndaş təması olmasın. Bu sahədə çox ciddi işlər görülür. Yaxın müddətdə görülən işlərin nəticəsi açıqlanacaq”.

S.Babayev qeyri-rəsmi məşğulluqla bağlı vəziyyətin nəzarətdə olduğunu söyləyib:

"Tikintilərdə qeyri-rəsmi məşğulluqla əlaqədar monitorinqlər aparılır. Həmin yerlərdə müqaviləsiz işə cəlbetmə halları aşkar edildikdə, cəza tədbirləri görülür”.

Vasif Həsənli
Ölkə.Az

ŞƏRH YAZ
1

Siqaret biznesi qurmaq adı ilə dələduzluq etdi — MƏHKƏMƏ

Siqaret biznesi qurmaq adı ilə dələduzluq etdi
16:55
Bu gün
36
Ölkə
A
Bu gün Bakı Ağır Cinayətlər Məhkəməsində dələduzluqda təqsirləndirilən Samir Abbasovun cinayət işi üzrə məhkəmə iclası davam etdirilib.

“Ölkə.Az”ın xəbərinə görə, hakim Faiq Qəniyevin sədrliyi ilə keçirilən prosesdə məhkəmə istintaqı başa çatıb.

Daha sonra dövlət ittihamçısı Sabir Abdinov çıxış edib.

Prokuror çıxışında onun 8 il 3 ay müddətinə azadlıqdan məhrum edilməsini istəyib.

Məhkəmənin növbəti iclası iyulun 20-nə təyin edilib.

İttiham aktına əsasən, S.Abbasov Azər Cəlilovdan siqaret alveri etmək adı ilə 112 min manat pul alıb. Bir neçə ay qazanc versə də, sonradan vədinə əməl etməyib.

Digər zərərçəkmişlər Xalidə Quliyeva və Ayrən Quliyeva da eyni məqsədlə S.Abbasova pul veriblər.

Elan olunmuş ittiham üzrə S.Abbasov özünü qismən təqsirli bilib. O, zərərçəkmişlərdən Xalidə Quliyeva və Aytən Quliyevadan aldığı pulları təsdiqləyib. Amma Azər Cəlilovdan qeyd edilən qədər məbləğdə pul almadığını deyib.

O, söyləyib ki, zərərçəkmiş A. Quliyeva ilə bir məktəbdə təhsil alıb, münasibətləri də oradan yaranıb.

Məhkəmədə məlum olub ki, S.Abbasov zərərçəkmiş A.Quliyeva ilə ailə həyatı qurmaq istəyib.

Ailəli olan S.Abbasov A.Quliyevaya vəd verib ki, boşandıqdan sonra onunla evlənəcək. Hətta bu məqsədlə A.Quliyevanın anası ilə də tanış olub.
S.Abbasov ifadəsində deyib ki, A.Quliyevadan iş qurmaq adı ilə pul alarkən onu aldatmayıb.

S.Abbasov Cinayət Məcələsinin 178.3.2-ci (dələduzluq; külli miqdarda törədildikdə) maddəsi ilə ittiham olunur.

ŞƏRH YAZ
0

Bakıda çökmüş yolda zirzəmi aşkarlandı — FOTO

Bakıda çökmüş yolda zirzəmi aşkarlandı
15:53
Bu gün
414
Ölkə
A
Bakının Cəlil Məmmədquluzadə küçəsində çökmüş ərazidə aparılan qazıntılar zamanı yol səthindən, təqribən, 5-6 metr dərinlikdə dəmir-beton konstruksiya aşkarlanıb.

Bu barədə "Ölkə.Az"a Azərbaycan Avtomobil Yolları Dövlət Agentliyindən bildirilib. 

Məlumatda deyilir ki, ilkin araşdırma zamanı məlum olub ki, bu, əvvəllər sözügedən ərazidə söküntüsü tam həyata keçirilməmiş və tökmə torpaqla örtülmüş hündürmərtəbəli binanın zirzəmi hissəsidir. Şərti adı "B-04" olan metro stansiyasının tikinti ərazisi Cəlil Məmmədquluzadə küçəsinə düşdüyü üçün 2012-ci ildə küçənin sözügedən hissəsi hərəkət üçün bağlanaraq hasarlanıb. "Bakı Metropoiteni" QSC-nin sifarişi ilə boş ərazidə alternativ olaraq müvəqqəti yol salınıb.

Müvəqqəti yol hissəsi söküntüsü tam həyata keçirilməmiş, tökmə torpaqla örtülmüş hündürmərtəbəli binanın zirzəmisinin üzəri ilə çəkildiyindən və həmin zirzəminin 6-7 ildir torpaq altında qalaraq korroziyaya uğramış mərtəbələrarası beton tavası ötən gün gecə saatlarında sındığından müvəqqəti yolda çökmə baş verib.

Hazırda ərazidə geoloji-kəşfiyyat işləri aparılır.

Qeyd edək ki, çökmə qeydə alınan hissə "Bakı Metropoiteni"nin sifarişi ilə alternativ olaraq və müvəqqəti salındığı üçün Azərbaycan Avtomobil Yolları Dövlət Agentliyinin balansında deyil.

Çökmə ərazisində aparılan işlərlə bağlı ətraflı və daha geniş məlumatlar veriləcək.

ŞƏRH YAZ
0
BAĞLA