KORONAVİRUSA YOLUXANLARIN SAYI - CANLI STATİSTİKA

Nazirlər Kabinetimiz necə “cavanlaşdı”?

Nazirlər Kabinetimiz necə “cavanlaşdı”?
09:59
14.05.2019
2164
Siyasət
A
Azərbaycanda son bir neçə ildə aparılan islahatlar siyahısının başında kadr islahatları dayanır.

Xüsusən 2018-ci ilin 11 aprel növbədənkənar prezident seçkilərindən sonra hökumətin başında duranlardan tutmuş yerli icra orqanlarının başçılarına kimi kadrların əksəriyyəti “cavanlaşdırıldı”.

İlham Əliyev seçkidə qələbə qazandıqdan sonra Nazirlər Kabinetini buraxdı, hökuməti tam yeni və cavan kadrlarla zənginləşdirdi.

Lakin kadrların “gəncləşdirilməsi” prosesi təkcə seçkilərdən sonrakı dövrü əhatə etmir. Bu dövrdən əvvəlki müddətdə də zaman-zaman ölkə başçısının sərəncamları ilə ölkənin icra strukturlarındakı daha yaşlı idarəedicilər cavanları ilə əvəz olunurdu.

Beləliklə, "Ölkə.Az" oxu.az-a istinadən Nazirlər Kabinetinin cavan kadrlarını təqdim edir:

Əmək və Əhalinin Sosial Müdafiəsi naziri Sahil Babayev. Cəmi 39 yaşı var.

1980-ci ildə Bakı şəhərində anadan olub.

Image result for sahil babayev olke.az

2000-ci ildə Bakı Dövlət Universitetində “Beynəlxalq hüquq və beynəlxalq münasibətlər” sahəsi üzrə bakalavr pilləsini fərqlənmə ilə bitirib. 2002-ci ildə magistr pilləsini fərqlənmə ilə başa vuraraq magistr dərəcəsi, 2010-cu ildə hüquq üzrə fəlsəfə doktoru dərəcəsini alıb.

İngilis, rus, türk, fransız dillərini bilir. Ehtiyatda olan zabitdir.

Azərbaycan Respublikası Prezidentinin 13 mart 2014-cü il tarixli Sərəncamı ilə Azərbaycan Respublikasının İqtisadiyyat və Sənaye nazirinin müavini, 30 yanvar 2016-cı il tarixli Sərəncamı ilə Azərbaycan Respublikasının İqtisadiyyat nazirinin müavini vəzifəsinə təyin edilib.

Ekologiya və Təbii Sərvətlər naziri Muxtar Babayev 1967-ci ildə Bakı şəhərində anadan olub.

Image result for muxtar babayev olke.az

M.V.Lomonosov adına Moskva Dövlət Universitetinin fəlsəfə fakültəsinin, Azərbaycan Dövlət İqtisad İnstitutunun və Ümumrusiya Xarici Ticarət Akademiyasının məzunudur.

2010-cu ildən 2018-ci ilə qədər Azərbaycan Respublikası Dövlət Neft Şirkəti “Azərkimya” İstehsal Birliyinin Müşahidə Şurasının sədri vəzifəsində çalışıb.

Hazırda Kənd Təsərrüfatı naziri olan İnam Kərimov da gənc kadrlardandır. 42 yaşı olmasına rəğmən, Azərbaycanda “ASAN xidmət” kimi yeni yaradılmış qurumun adını brendə çevirməyi bacarıb.

1977-ci il iyunun 6-da Bakı şəhərində anadan olub. 

Image result for İnam Kərimov  olke.az

1995-ci ildə Bakı Dövlət Universitetinin beynəlxalq hüquq ixtisasına qəbul olunan İnam Kərimov 1998-ci ildən 2000-ci ilə qədər Fransanın Strasburq Universitetində hüquq ixtisası üzə təhsil alıb. 2000-2002-ci illərdə isə o, Fransanın nüfuzlu universiteti hesab olunan Sorbonna Universitetində hüquq ixtisası üzrə magistr təhsili alıb. Azərbaycan dili ilə yanaşı, fars, fransız, ingilis və rus dillərini bilir.

Azərbaycan Prezidenti İlham Əliyevin 7 sentyabr 2012-ci il tarixli - nömrəli Sərəncamı ilə İnam Kərimov Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsinə təyin edilib. 

Daha sonra isə Kənd Təsərrüfatı naziri postuna gətirilib.

Təhsil naziri Ceyhun Bayramov 1973-cü ildə Bakı şəhərində anadan olub. 

Azərbaycan Dövlət İqtisad İnstitutunu iqtisadçı ixtisası üzrə, Azərbaycan Universitetini isə hüquqşünaslıq ixtisası üzrə bitirib.

Image result for Ceyhun Bayramov  olke.az

Azərbaycan Respublikası Prezidentinin 12 avqust 2013-cü il tarixli sərəncamı ilə Azərbaycan Respublikası Təhsil nazirinin müavini təyin olunub.

Mikayıl Cabbarov 1976-cı il sentyabrın 19-da Bakıda anadan olub. 

1992-1997-ci illərdə Bakı Dövlət Universitetində təhsil alıb, beynəlxalq hüquq fakültəsini fərqlənmə diplomu ilə bitirib.

Image result for Mikayıl Cabbarov olke.az

1997-1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq üzrə magistr dərəcəsi alıb.

2013-cü il aprelin 19-da Azərbaycan Respublikası Prezidentinin Sərəncamı ilə Azərbaycan Respublikasının Təhsil naziri vəzifəsinə təyin edilib.
 
2017-ci il dekabrın 5-də Azərbaycan Respublikası Prezidentinin Sərəncamı ilə Azərbaycan Respublikasının Vergilər naziri vəzifəsinə təyin olunub.

2019-cu il fevralın 9-da Azərbaycan Respublikasının Prezidentinin Sərəncamı ilə 2-ci dərəcəli dövlət vergi xidməti müşaviri xüsusi rütbəsi verilib.

Qaçqın və Məcburi Köçkünlərlə İş üzrə Dövlət Komitəsi sədri Rövşən Rzayev 1962-ci il yanvarın 20-də Bakı şəhərində anadan olub. 

Image result for Rövşən Rzayev  olke.az

1986-cı ildə Azərbaycan Dövlət Universitetinin tarix fakültəsini və 1993-cü ildə həmin universitetin hüquq fakültələrini bitirib.

“Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyi 5 iyun 2009-cu il tarixli qurultayında həmin İctimai Birliyin İdarə Heyətinin üzvü seçilib.

Dövlət Miqrasiya Xidmətinin rəisi Vüsal Hüseynov 12 yanvar 1980-ci ildə Bakı şəhərində anadan olub. 

Image result for Vüsal Hüseynov  olke.az

Vüsal Hüseynov 1997-ci ilin sentyabrında Azərbaycan Dövlət İqtisad Universitetininin iqtisadiyyat fakültəsinə daxil olub. 2001-ci ilin sentyabrından 2002-ci ilin iyununa kimi o, Slovakiyanın paytaxtı Bratislavada “Academia İstropolitana Nova”da intensiv ətraf mühit iqtisadiyyatı kursunda iştirak edib. 

2011-ci ilin mayında o, Harvard Universitetinin inzibati idarəçilik üzrə magistr dərəcəsinə yiyələnib.

2015-ci ildə keçirilən parlament seçkilərində qalib gəlib və deputat kimi fəaliyyət göstərib. 

Dövlət Gömrük Komitəsinin sədri Səfər Mehdiyev 1973-cü il martın 17-də Naxçıvan Muxtar Respublikası Babək rayonunun Nehrəm kəndində anadan olub.

1998-ci ildə Türkiyənin EGE Universitetinin Beynəlxalq iqtisadi əlaqələr fakültəsini bitirib. 

Image result for Səfər Mehdiyev olke.az

2006-cı ilin fevral ayından 2018-ci ilin aprelinədək Azərbaycan Respublikası Dövlət Gömrük Komitəsi sədrinin birinci müavini vəzifəsində çalışıb.

Diasporla İş üzrə Dövlət Komitəsinin sədri Fuad Muradov 1979-cu il iyulun 22-də Bakı şəhərində anadan olub.

Image result for Fuad Muradov  olke.az

2002-ci ildə TEMPUS proqramı çərçivəsində Azərbaycan Dövlət Neft Akademiyası, Fransanın Nitsa Universiteti, Parisin Neft və mühərriklər institutu, İtaliyanın Genuya Universiteti ilə birgə “Ətraf mühit və neft sənayesi” ixtisası üzrə birgə magistratura proqramını bitirib. 

2015-ci ildə keçirilmiş V Çağırış Azərbaycan Respublikası Milli Məclisinin deputatı seçilib. 2018-ci ilədək Milli Məclisin Gənclər və İdman komitəsinin sədri olub. 

İngilis, fransız və rus dillərini bilir.

Cavanlaşma prosesi ölkənin əsas strukturları ilə yanaşı, digər qurumlarda da aparılır. Hökumətin cavan kadrlar tərəfindən idarə olunmasının nəticəsi isə son bir ildə hər bir sahədəki islahatlarla özünü büruzə verməkdədir.

Ölkə.Az

ŞƏRH YAZ
0

Deputat: “Azərbaycanın pandemiya dövründəki uğurları azərbaycanafobiya qüvvələri narahat edir”

Deputat: “Azərbaycanın  pandemiya dövründəki uğurları azərbaycanafobiya qüvvələri narahat edir”
15:08
Bu gün
195
Siyasət
A
Azərbaycan Prezidenti və Ali Baş komandan İlham Əliyev Tərtər Olimpiya İdman Kompleksinin açılışı zamanı növbəti dəfə dünyaya Ermənistanın tarixi Azərbaycan torpaqlarında dövlət qurduqlarını bəyan edərək, Ermənitanın Azərbaycan qarşı işğalçı siyasəti ilə heç cür barışmayaraq, işğal altında olan torpaqlaırn işğaldan azad ediləcəyini mesajını verdi.

 Bunu “Ölkə.Az”a açıqlamasında millət vəkili İlham Məmmədov deyib.

Onun sözlərinə görə, cənab Prezident çıxışında  onu da bəyan etdi ki,  ermənilərə tarixi torpaqlaırmızıda  özlərinə dövlət quraraq oradakı yer adlarını, toponimləri dəyişdirib, saxta tarix yaratmaq istəyirlər. “Ermənistan indi bu saxtakarlığı Azərbaycanın işğal etdiyi Dağlıq Qarabağ bölgəsində və ətraf rayonlarda da həyata keçirməkdədir. Ancaq buna imkan verilməyəcək. Azərbaycan Ali Baş komandanın bu məsələdə mövqeyi birmənalı, qəti və dəyişməzdir. Bir qarşı torpaqlaırmızın da işğal altında qalmasına imkan verilməyəcək.

Münaqişənin danışıqlar yolu ilə həlli isə ermənilər tərəfindən uzadılır. Ermənilər hər vəchlə danışılar prosesini pozub, işğalçılıq siyasətini davam etdirmək istəyirlər. Bu məqsədlə müxtəlif təxribatlara əl atırlar. Növbəti təxribatlardan biri də  martıq 31-də işğal altında olan Dağlıq Qarabağdakı xunta rejiminin keçirdiyi “seçkilərdir”. Əslində qondarma Dağlıq Qarabağda xunta rejiminin keçirdiyi saxta prezident və parlament seçkiləri bir şou və təlxəklər tamaşasından başqa bir şey deyil və dünyanın heç bir dövləti illərdir keçirilən “məzhəkə oyununun” nəticələrini tanımayıb. Hətta Dağlıq Qarabağ münaqişəsinin həlli üçün vasitəçilik missiyası ilə çıxış edən ATƏT-in Minsk qrupu həmsədrləri – Amerika, Fransa, Rusiya qondarma xunta rejimində keçirilən seçkiləri və nəticələrini tanımadıqlarını bildiriblər. Avropa İttifaqı da eynilə seçkiləri tanımadığını bəyan edib. Avropa Parlamenti, İslam Əməkdaşlıq Təşkilatı, Qoşulmama Hərəkatı, digər təşkilatlar - bütün aparıcı beynəlxalq təşkilatlar bu seçkiləri qınadı. Məsələyə təkcə Avropa Şurası münasibət bildirmədi və yuxarıda adları keçən dövlətlərin və beynəlxalq təşkilatların sırasına qoşulmadı. Avropa Şurasının susmağının səbəbi bəllidir. Çünki AŞPA-nın əsas hədəflərindən biri Azərbaycanı ləkələmək, ölkəmizi gözdən salmaq, ölkəmiz haqqında uydurmalar yaymaq, saxta məruzələr qəbul etdirmək, Azərbaycanda “beşinci kolonu”, satqınları və münaqişə ilə bağlı Ermənistan tərəfini dəstəkləməkdir. Ona görə Avropa Şurası bu saxta seçkilərlə bağlı səsini belə çıxarmadı.   Bununla da  Avropa Şurası qitədə yüz illərdir formalaşam bəşəri və insani dəyərləri diqqətə almadan, o cümlədən özünün bəyan etdiyi prinsiplərin əleyinə çıxaraq xunta rejiminin, işğalçının, Xocalıda Azərbaycanın mülki əhalisinə qarşı soyqırım edən, narkotik və silah qaçaqmalçılığı mərkəzi olan qondarma qurumun demokratik dəyərləri kobud şəkildə pozmasına səssiz qaldı”- deputat bildirib.

O əlavə edib ki, dünya COVİD-19 oandemiyası ilə mübarizə aparıb, bütün gücünü bu istiqamətə səfərbər etdiyi bir zamanda, Ermənistan  işğal edilmiş Azərbaycan torpaqlarında beynəlxalq hüquqa hayqırı nümayiş etdirərək belə bir “seçki” şousu təşkil etdi. Ermənistanın beynəlxalq hüququ ayaqlar altına atmasına ilk növbədə, fəaliyyətlərində beynəlxalq hüququn aliliyini, demokratiyanı, insan hüquqlarını dəstəklərini, işğalçılıq siyasətinə və terrora  qarşı amansız mübarizə apardıqlarını bəyan edən Avropa və Qərb ölkələri tərəfindən səssiz  qarşılandı.  Həta özlərini demokratiyanın müdafiəçisi elna edən beynəlxalq təşkilatlar   beynəlxalq hüququn pozulmasına  seyrçi mövqe sərgilədilər. Xüsusən də AŞPA. AŞPA ikili standartların ən geniş vüsət aldığı regional platformadır və təəssüf ki, Azərbaycan bu yanaşmanın əsas hədəflərindən biri olmaqda hələ də davam edir.

Təxminən 20 ildir ki, siyasi sifariş icra edən bir sıra şəxslər AŞPA tribunasından ölkəmizə qarşı əsassız tənqidlər və böhtan səsləndirmək üçün istifadə etməyə cəhd edirlər.  Bu illər ərzində  AŞPA və ATƏT-in müvafiq strukturları heç cür azərbaycanafobiya halını almış Azərbaycana qarşı antipatiyasını gizlədə bilmir. Əgər bu belə olmasaydı, o zaman  AŞPA Ermənistan tərəfindən girovluqda saxlanılan azərbaycanlı mülki şəxslər Dilqəm Əsgərov və Şahbaz Quliyevin pozulmuş hüquqlarının bərpası ilə bağlı kiçik də olsa bir fikir səsləndirmiş olardılar. Hansı ki, bu insanlar öz vətənlərində işğal edilmiş ərazilərində  erməni hərbçiləri tərəfindən girov götürülüblər.  Axı onlar da insandırlar və işgəncə altında da saxlanıldığı heç kimi sirr deyil. Bu təşkilatların  Azərbaycana olan münasibətin səbəbi də aydındır. Ərazisinin kiçik olmasına baxmayaraq, Azərbaycan apardığı uğurlu xarici siyasətlə, bəşəriyyətə sülh və davamlı inkişaf bəxş edən dəyərləri təbliğ etməklə beynəlxalq sistemin təhlükəsizliyi və sabitliyinə mühüm töhfə verir. Eyni zamanda, uğurlu regional enerji və infrastruktur layihələri ilə Azərbaycan regionun və Avropanın enerji təhlükəsizliyinə və davamlı inkişafına töhfə verir. Azərbaycan dəfələrlə Rusiya və NATO arasında dialoqun aparılmasında dəfələrlə vasitəçi kimi çıxış etmişdir. Bütün bunlar ölkəmizin nüfuzundan xəbər verir ki, bu da öz növbəsində azərbaycanafobiya qüvvələri narahat etməyə bilməz. Ancaq bu cəhdlər nəticə verməyəcək və Azərbaycan Prezidentinin uzaqgörən, müdirk siyasəti nəticəsində bunlar da geridə alcaq. Münasib bir məqam yetişən kimi torpaqlarımız da işğaldan azad olunacaq. Azərbaycan ordusu  söznün deyəcək!”.

Mürtəza
Ölkə.Az

ŞƏRH YAZ
0

Deputat: “AŞPA qeyri-obyektiv fəaliyyəti ilə öz gələcəyini şübhə altına alır”

Deputat: “AŞPA qeyri-obyektiv fəaliyyəti ilə öz gələcəyini şübhə altına alır”
13:28
Bu gün
426
Siyasət
A


“Bəzi beynəlxalq təşkilatlar və dövlətlər tərəfindən Azərbaycan qarşı ikili standartlarının və qərəzli siyasəti bu gün də davam etməkdədir. Belə bir beynəlxalq təşkilatlardan biri də Avropa Şurası Parlament Assambleyasıdır (AŞPA). Biz zaman –zaman AŞPA-nın ölkəmizə qarşı qərəzlı mövqe sərgiləyib Baxmayaraq ki, Azərbaycan və Ermənistan 2001-ci ildə Avropa Şurasına üzv olarkən, təşkilat iki ölkə arasında davam edən Qarabağ münaqişəsinin sülh yolu ilə həllinə töhfəsini verməklə, münaqişənin qısa zamanda həllinə nail olacaq. Ancaq 20 ilə yaxın bir müddət keçsə də, AŞ tərəfindən Qarabağ münaqişəsinin həlli istiqamətində hər hansı ciddi addımlar atılmayıb”.

 Bunu “Ölkə.Az”a  açıqlamasında  millət vəkili Sabir Hacıyev deyib.

Millət vəkilinin sözlərinə görə, düzdür AŞPA Qarabağ münaqişəsi ilə bağlı bir sıra qətnamələr qəbul edib və fəaliyyəti bundan uzağa getməyib. “AŞPA-da Dağlıq Qarabağ münaqişəsi ilə bağlı alt komitə yardılsa da, bu komitənin fəaliyyəti uzun çəkmədi. Ermənistan tərəfinin destruktiv fəaliyyəti nəticəsində Dağlıq Qarabağla yardılan alt komitə fəaliyyət göstərmir. AŞPA isə Ermənistanın  beynəlxalq  hüquq prinsip və normalarını kobud surətdə pozaraq, işğalçılıq siyasətini davam etdirməsinə qarşı ciddi addımlar atmır. Əksinə dolayısı ilə AŞPA  bəyan etdiyi fəliyyət prinsiplərinə zidd olaraq Ermənistanın işğalçılıq siyasətinə göz yummaqla , ona dolayı yolla dəstək verir. Biz bunu cari ilin martında  işğal olunmuş Dağlıq Qarabağ bölgəsində  separatçı rejim tərəfindən keçiirlən “seçkilər” zamanı bir daha gördük.  Belə ki, AŞPA Dağlı Qarabağ separatçı rejimində beynəlxalq hüququn prinsiplərinin tam ziddinə olaraq keçirilən “seçkilərə”, beynəlxalq hüquq normalaırnın kobud surətdə pozulmasına münasibət bildirmədi. Bununla da əslində AŞPA öz bəyan etdiyi dəyərlərin əksinə çıxmış oldu. Bu da  təbii ki, təşkilatın üzvü kimi Azərbaycanı narahat etməyə bilməz. Beynəlxalq bir təşkilatın üzərinə götürdüyü missiyanı həyata keçirı bilməzsə və ya bəyan etdiyi prinsiplərə  uyğun fəaliyyət göstərməzsə, bundan  nəticədə  ziyan çəkən tərəf  özü olacaq”- deputat bildirib.

S. Hacıyev hesab edir ki, AŞPA vaxt itirmədən fəaliyyətində ciddi dönüş yaratmalı və bəyant etdiyi prinsiplərə əsaslanaraq bütün üzv ölkələrə eyni münasibəti sərgiləməli, ikili siyasət, qərəzdən uzaq durmalıdır: “Çünki biz zaman-zaman AŞPA üzv ölkələrdə  baş verən proseslərə fərqli  münasibət bəslədiyinə şahidlik etmişik və bu güdə şahidlik etməkdəyik.  AŞPA üzv ölkələrəd baş verən eyni proseslərə fərqli yanaşma tərzi sərgiləyir. 

Elə götürək son günlərdə ABŞ-da baş verən   kütləvi etiraz aksiyalarını…  Polis aksiya iştirakçılarana qarşı zor tətbiq edir,  hüquqlarını kobud surətdə pozur,  hətta media nümayəndələrinə qarşı  fiziki zor tətbiq etməkdən çəkinmir. Lakin AŞPA bu hadisələrə seyrçi qalaraq , orada insanların pozulan  hüquqlarına  reaksiya vermir. Təbii ki, AŞPA-nın belə bir münasibəti quruma digər üzv ölkələr tərəfindən ikrah hissi ilə qarşılanır və təşkilatın ədalətli, obyektiv fəaliyyətinı şubhə  altına alır. AŞPA-nın bu cür davranışı təşkilatın nüfuzunə zərbə vurur. Odur ki, AŞPA bir an öncə fəaliyətindəki bu qeyri-obyektiv  fəaliyyəti aradan qaldırıb, ciddi dəyişiklik etməlidir. 

Artıq təşkilata üzv ölkələr AŞPA-da ciddi islahatların aparılaraq, fəaliyyətini yenidən qurmasını təklif edirlər. Bu məslə zaman-zaman AŞPA-nın sessiyalaırnda gündəmə gəlir. Əks təqdirdə bundan itirən ilk növbədə AŞPA olacaq”.

Mürtəza
Ölkə.Az

ŞƏRH YAZ
0
BAĞLA