Nazirlər Kabinetindəki şöbə müdirləri kimlərdir? — TAM SİYAHI

Nazirlər Kabinetindəki şöbə müdirləri kimlərdir?
13:40
22.09.2017
396
Siyasət
A
Nazirlər Kabinetində struktur islahatları yekunlaşıb.

 İndiyədək mövcud olmuş və islahatlar çərçivəsində yeni yaradılan şöbələrə təyin edilən müdirlərin adı məlum olub.
 
"Ölkə.Az"ın APA-ya istinadən məlumatına görə, hüquq şöbəsinin müdiri Günəş Vəliyeva, İqtisadiyyat şöbəsi əsasında yaradılmış Maliyyə və iqtisadiyyat məsələləri şöbəsinin müdiri Şahin Sadıxov, Xarici iqtisadi əlaqələr şöbəsi əsasında yaradılmış Beynəlxalq əlaqələr şöbəsinin müdiri Ağadayı Ağayev, Neft və kimya şöbəsi əsasında yaradılmış Neft və kimya məsələləri şöbəsinin müdiri Əsgər Aslanov, Aqrar-sənaye şöbəsi əsasında yaradılmış Kənd təsərrüfatı məsələləri şöbəsinin müdiri Əli Məmmədov, Regionların inkişafı şöbəsi əsasında yaradılmış Regionların inkişafı məsələləri şöbəsinin müdiri Nizami Mustafayev, Qaçqınların, məcburi köçkünlərin və miqrasiya problemləri üzrə şöbənin əsasında yaradılmış Qaçqınların və məcburi köçkünlərin məsələləri şöbəsinin müdiri Qurban Sadıxov, Mətbuat xidmətinin müdiri Akif Əli dəyişməyib.
 
Ümumi şöbənin əsasında yaradılmış Sənədlərlə və vətəndaşların müraciətləri ilə iş şöbəsinə Vəfa Əliyeva müdir təyin edilib. Struktur islahatlarına qədər mövcud olmuş Ümumi şöbənin müdiri Ziyafəddin Qasımov olub.
 
Humanitar məsələlər və Sosial məsələlər üzrə şöbələrin əsasında yaradılmış Humanitar və sosial məsələlər şöbəsinin müdiri Musa Ələkbərov təyin edilib. M. Ələkbərov bundan öncə Sosial məsələlər üzrə şöbənin müdiri olub.
 
Sənaye və energetika məsələləri şöbəsinin müdiri təyin edilmiş Elşən Hacızadə struktur islahatlarına qədər Nəqliyyat və rabitə şöbəsinin müdiri işləyib.
 
Nəqliyyat və rabitə şöbəsi struktur islahatları nəticəsində Tikinti və kommunal təsərrüfatı şöbəsinə birləşdirilərək Kommunikasiya, tikinti və kommunal təsərrüfatı məsələləri şöbəsi yaradılıb. Kommunikasiya, tikinti və kommunal təsərrüfatı məsələləri şöbəsinin müdiri Şahin Salahov təyin edilib. Ekologiya şöbəsinin əsasında yaradılmış Ekologiya məsələləri şöbəsinin müdiri təyin edilmiş Zemfira Sairbəyzadə bundan öncə Ekologiya şöbəsində müdir müavini olub.
 
Struktur islahatlarına qədər mövcud olmuş Ekologiya şöbəsinin müdiri İlyas Əlizadə pensiyaya göndərilib. Beynəlxalq kredit və yardımlar və MDB ölkələri ilə iqtisadi əlaqələr şöbələrinin əsasında yaradılmış Beynəlxalq maliyyə təşkilatları ilə iş şöbəsinin müdiri Nail Fətəliyev təyin olunub. N. Fətəliyev struktur islahatlarına qədər mövcud olmuş Beynəlxalq kredit və yardımlar şöbəsinin müdiri postunu tutub.
 
Müdafiə sənayesi və hərbi və inzibati orqanlar şöbələrinin əsasında yaradılmış Təhlükəsizlik və müdafiə məsələləri şöbəsinin müdiri Qulu İmanquliyev təyin olunub.

ŞƏRH YAZ
0

Kolinda Qrabar-Kitaroviçdən İlham Əliyevə təbrik

Kolinda Qrabar-Kitaroviçdən İlham Əliyevə təbrik
20:39
Bu gün
438
Siyasət
A
Xorvatiya Respublikasının Prezidenti Kolinda Qrabar-Kitaroviç Prezident İlham Əliyevi təbrik edib.

"Ölkə.Az" xəbər verir ki, təbrik məktubunda deyilir:

Hörmətli cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizi Xorvatiya Respublikasının vətəndaşları adından və şəxsən öz adımdan ürəkdən təbrik edirəm.

Xorvatiya Respublikası ölkələrimiz arasında xalqlarımızın getdikcə daha çox müxtəlif sahələrdəki ortaq maraqlarına xidmət edən tərəfdaşlığı və dost münasibətlərini yüksək qiymətləndirir. İnanıram ki, prezidentliyinizin yeni dönəmində də ölkələrimiz üçün xüsusilə böyük əməkdaşlıq potensialına malik olan və hər iki dövlət üçün mühüm əhəmiyyət kəsb edən iqtisadi və enerji sahələrində sıx münasibətlərimiz davam edəcək. Əminəm ki, Xorvatiya və Azərbaycan şirkətləri arasında əməkdaşlığı genişləndirmək üçün hər iki tərəfdə sərmayə qoyuluşuna maraq oyatmaq xüsusilə çox əhəmiyyətlidir.

Xorvatiya Respublikasına planlaşdırdığınız səfəriniz zamanı Sizinlə görüşməyi səbirsizliklə gözləyirəm və inanıram ki, bu görüşümüz həm ölkələrimiz, həm də vətəndaşlarımız arasında mövcud olan dostluq və konstruktiv əməkdaşlıq münasibətlərinin bundan sonra da inkişaf etməsinə təkan verəcək.

Cənab Prezident, Sizə ən səmimi salamlarımı və ən yüksək ehramımı çatdırıram.

Ölkə.Az

 

ŞƏRH YAZ
0

Misirin dövlət başçısı və Mərakeşin Kralı İlham Əliyevi təbrik etdi

Misirin dövlət başçısı və Mərakeşin Kralı İlham Əliyevi təbrik etdi
20:26
Bu gün
336
Siyasət
A
Misir Ərəb Respublikasının Prezidenti Əbdülfəttah əs-Sisi Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın xəbərinə görə, təbrik mətnində deyilir:

"Zati-aliləri.

Prezident seçkilərində qələbəniz və dövlət başçısı səlahiyyətlərini yenidən icra etməyiniz münasibətilə Sizə ən səmimi təbriklərimi çatdırmaqdan böyük sevinc hissi duyur, dost xalqınızın ümid və istəklərini yerinə yetirmək istiqamətində şərəfli yolunuzun davamında uğurlar arzulayıram.

Sözsüz ki, seçkilərdə yüksək səs çoxluğu ilə qələbəniz xalqınızın Sizin müdrik rəhbərliyinizlə əldə etdiyi uğurları davam etdirmək əzminin əyani sübutudur.

Cənab Prezident, bu xoş fürsətdən istifadə edərək, dost ölkələrimiz və xalqlarımız üçün firavanlıq və rifaha yeni üfüqlər açan bütün sahələrdə qarşılıqlı əməkdaşlıq yollarının inkişafının əhəmiyyətini vurğulamaq istərdim.

Sizə möhkəm cansağlığı və xoşbəxtlik diləyir, Azərbaycan xalqına isə davamlı tərəqqi və rifah arzulayıram".

Bundan başqa, Mərakeşin Kralı Əlahəzrət VI Məhəmməd də Azərbaycan Respublikasının Prezidenti İlham Əliyevə təbrik məktubu ünvanlayıb. Məktubda deyilir:

"Hörmətli Prezident, Əziz Qardaşım.

Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan böyük məmnunluq hissi duyuram. Ali dövləti vəzifənizdə uğurlarınızın davamlı olmasını, qardaş Azərbaycan xalqının maraqları naminə və ölkənizi bundan sonra da tərəqqiyə doğru aparmaq fəaliyyətinizdə Sizə yeni-yeni nailiyyətlər arzulayıram.

Azərbaycan xalqı Sizə yenidən etimad göstərərək Zati-alinizin müdrik dövlət xadimi kimi keyfiyyətlərini, eləcə də Azərbaycanın hərtərəfli və davamlı inkişafı istiqamətində apardığınız əzmkar və yorulmaz fəaliyyətinizi çox yüksək qiymətləndirdiyini nümayiş etdirdi.

Ölkələrimiz arasında səmərəli və dinamik inkişaf edən əməkdaşlıq münasibətlərinin indiki səviyyəsindən məmnunluq duyuram.

Zati-aliləri, ölkələrimiz arasında bütün sahələrdə əməkdaşlığı möhkəmləndirmək istiqamətində Sizinlə işləməyə davam etmək istərdim. Bu isə xalqlarımızın maraqlarına xidmət etməyin və onların arasındakı qardaşlıq əlaqələrinin təcəssümüdür".

Ölkə.Az

ŞƏRH YAZ
0
BAĞLA