Nazirlik nöqsanı olan vergi ödəyicilərinə vaxt verdi

Nazirlik nöqsanı olan vergi ödəyicilərinə vaxt verdi
19:02
12.09.2017
565
İqtisadiyyat
A
Vergilər Nazirliyində dövlət büdcəsinin proqnoz gəlirlərinin icrası və Nazirliyin qarşısında duran vəzifələrə həsr olunmuş kollegiya iclası keçirilib.

Bu barədə "Ölkə.Az"a Nazirliyin media və kommunikasiya mərkəzindən məlumat verilib. Kollegiyaya sədrlik edən vergilər naziri Fazil Məmmədov çıxışı zamanı 2017-ci ildə Azərbaycan iqtisadiyyatında müsbət dinamika müşahidə edildiyini deyib. Onun sözlərinə görə, cari ilin əvvəlində vergi qanunvericiliyində və bir sıra digər qanunvericilik aktlarında edilmiş dəyişikliklər dövlət büdcəsinə vergi daxilolmalarının həcminə də müsbət təsir edib və büdcə proqnozları icra olunub.

F.Məmmədov bununla yanaşı büdcə gəlirlərinin artırılmasının davamlılığı və sabitliyinin təmin olunması üçün mövcud vergi potensialından maksimum yararlanmağın vacib olduğunu diqqətə çatdırıb.

Kollegiya iclasında əsas məruzə ilə çıxış edən büdcə proqnozlarının icrası üzrə nazirin müşaviri, Bakı şəhəri Lokal Gəlirlər Departamentinin baş direktoru vəzifəsinin icraçısı Habil Məmmədov iqtisadiyyatın ayrı-ayrı sektorları və tədiyyə növləri üzrə vergi daxilolmalarının cari vəziyyəti və vergi orqanlarının informasiya məlumat bazaları əsasında hazırlanmış təhlillər barədə məlumat verib. Bu məqsədlə cari ilin sentyabr ayı və sonrakı 3 ay üçün Tədbirlər Planının ilkin layihəsinin hazırlandığı qeyd edilib və həmin Tədbirlər Planının əsas müddəaları kollegiya üzvlərinin nəzərinə çatdırıb.

H.Məmmədovun sözlərinə görə, Tədbirlər Planı iki hissədən, 2017-ci ilin son 4 ayı üçün dövlət büdcəsinin proqnoz gəlirlərinin icrası və həmin dövrdə vergi inzibatçılığı ilə bağlı görülməli işlərdən ibarətdir. O, potensial vergi gəlirlərinin artırılması üçün borclu vergi ödəyicilərdən daxilolmaların təmin edilməsinin zəruri olduğunu qeyd edib. Səyyar vergi yoxlamaları ilə aşkarlanmış nöqsanları növbəti hesabat dövrlərində aradan qaldırmayan vergi ödəyicilərinin müəyyən edilməsi və yayındırılmış vergilərin bərpa edilməsi üçün tədbirlərin görülməsinin vacibliyi bildirib. Nazir müşavirinin sözlərinə görə, aparılmış təhlillər ayrı-ayrı fəaliyyət sahələri üzrə vergidən yayınma hallarının hələ də mövcud olduğunu göstərir və belə sahələrdə vergi nəzarətinin artırılmasına və inzibatçılığın təkmiləşdirilməsinə ehtiyac var.

Tədbirlər Planı toplantıda ətraflı müzakirə edilib, hər bir struktur vahidi üzrə Tədbirlər Planında nəzərdə tutulan konkret vəzifələr barədə fikir mübadiləsi aparılıb.

Nazir F.Məmmədov vergilərin dövlət büdcəsinə vaxtında və tam həcmdə ödənilməsi, real vergitutma bazasının düzgün müəyyənləşdirilərək ödəmə qabiliyyətli vergi ödəyiciləri üzrə borcların alınmasına dair işlərin sürətləndirilməsi, vergi yoxlamalarının tənzimləmə mexanizmlərinin təkmilləşdirilməsi, nağd hesablaşmalar aparan vergi ödəyiciləri üzrə vergidən yayınma hallarının təhlil edilərək qanunamüvafiq tədbirlərin görülməsi, vergi sahəsində həyata keçirilən inzibatçılıq tədbirlərinin səmərəliliyinin artırılması olduğunu bildirib.

Nazir vergi ödəyicilərinə xidmət strukturlarının fəaliyyətinin, vergi uçotunun dəqiqləşdirilməsi və şəffaflaşdırılması istiqamətində aparılan işlərin və qanunsuz sahibkarlıq fəaliyyətinə nəzarətin daha da gücləndirilməsinin, fəaliyyət sahələri üzrə nəzarət mexanizmlərinin təkmilləşdirilməsinin zəruriliyini vurğulayıb.

Vergilər Nazirliyi Kollegiyasının qərarı ilə “2017-ci ilin sentyabr ayı və növbəti 3 ay üçün Vergilər Nazirliyi qarşısında duran vəzifələrlə bağlı Tədbirlər Planı” təsdiq edilib.

ŞƏRH YAZ
0

Neftimizin qiyməti yenidən aşağı düşdü

Neftimizin qiyməti yenidən aşağı düşdü
23:58
24.05.2018
1954
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 23-də 79,89 dollar/barel təşkil edib ki, bu da çərşənbə axşamına olan göstəricidən 1,43 dollar/barel azdır.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti mayın 23-də 78,95 dollar/barel təşkil edib ki, bu da əvvəlki qiymətdən 1,46 dollar/barel azdır.

Novorossiysk limanından yüklənən URALS neftinin qiyməti mayın 23-də 76,24 dollar/barel təşkil edib ki, bu da əvvəlki qiymətdən 1,4 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə mayın 23-də 78,8 dollar/barel təşkil edib. Bu, əvvəlki qiymətdən 1,43 dollar/barel azdır.

Ölkə.Az

ŞƏRH YAZ
0

Qızıl bahalaşdı, gümüş isə ucuzlaşdı

Qızıl bahalaşdı, gümüş isə ucuzlaşdı
23:02
24.05.2018
1693
İqtisadiyyat
A
Mayın 24-də Azərbaycanda qızıl bahalaşıb, gümüş isə ucuzlaşıb.

"Ölkə.Az" Trend-ə istinadən xəbər verir ki, qızılın qiyməti mayın 23-ü ilə müqayisədə 4,8535 manat artaraq 1 troy unsiyası üçün 2201,9335 manat təşkil edib.

Gümüş 0,1883 manat ucuzlaşaraq 1 unsiya üçün 27,9596 manata bərabər olub.

Platinin qiyməti 2,0145 manat artaraq 1542,376, palladiumun qiyməti 18,615 manat azalaraq 1666,765 manat təşkil edib.

Ölkə.Az

ŞƏRH YAZ
0
BAĞLA