Nazirlik qanvermə qaydalarını açıqladı

Nazirlik qanvermə qaydalarını açıqladı
15:44
22.08.2017
95
Ölkə
A
Səhiyyə Nazirliyi donorlar üçün qanvermə qaydaları və şərtlərini açıqlayıb.

Nazirliyin mətbuat xidmətindən "Ölkə.Az"a verilən xəbərə görə, təhlükəsiz qan əldə etmək üçün kifayət qədər sağlam donorun müntəzəm olaraq qan verməsi lazımdır.
 
Qan verməyə hazırlaşan şəxsin ərazidə qeydiyyatı, aşağı yaş həddi 18, yuxarı yaş həddi 65 olmalıdır. Lakin bəzi hallarda donorun yol verilən yaşı barədə qərarı (50 yaşdan yuxarı) konkret halda həkim qəbul edir. Qan verməmişdən 72 saat əvvəl aspirin, analgin, no-şpa və s. kimi qanı durulaşdıran dərmanlar qəbul etmək olmaz. Siqaret çəkməkdən çəkinmək məsləhət görülür. (Siqaretçəkmə donorluq üçün əks-göstəriş deyil, lakin həkimlər qan verməzdən bir saat əvvəl və bir saat sonra siqaret çəkməyi məsləhət görmürlər. Çünki qana düşən nikotinin zəhərli təsiri pasiyentlər, xüsusən yeni doğulan körpələr üçün təhlükəlidir. Həmçinin bu, donorun əhvalına pis təsir edə bilər).
 
Qan verməzdən əvvəl içilən 2 stəkan şirə və ya su qan verdikdən sonra yaxşı əhval-ruhiyyəni təmin etmiş olur. Qan verdikdən sonra dərhal ayağa qalxmaq məsləhət görülmür, 10-15 dəqiqə ərzində sakitcə əyləşmək lazımdır. Çoxsaylı tədqiqatlarla sübut olunub ki, 400-450 ml qan və ya 500 ml plazma götürmək sağlam insanın səhhətinə və əmək qabiliyyətinə mənfi təsir etmir. Əksinə, təkrar qanvermə qanda şəkərin, zərərli lipoproteinin, qan təzyiqinin, ürək döyüntüsünün azalmasına kömək edir, ürək xəstəlikləri riskini azaldır. Donorun orqanizmi qan və qan komponentlərinin qalıqlarının çıxarılması hesabına daim öz-özünə yeniləşir. Bu isə ürək və damar, immun sistemi, həzm pozğunluqları, qaraciyər və mədəaltı vəzi xəstəliklərinin profilaktikası deməkdir.

ŞƏRH YAZ
0

Gədəbəydə güclü dolu və yağış — Heyvanlar tələf oldu

Gədəbəydə güclü dolu və yağış
01:01
Bu gün
3328
Ölkə
A
Gədəbəy rayonuna yağan güclü leysan yağışları təsərrüfata ziyan vurub.

"Ölkə.Az"ın "Report"a istinadən məlumatına görə, leysan yağışları və dolu nəticəsində rayonun Mormor, Arabaçı, Çay Rəsullu və daha bir neçə kənd ərazisində təsərrüfata ziyan dəyib.

Bəzi kəndlərdə yolları sel suları dağıdıb. Kəndlərə düşən dolu nəticəsində meyvə ağaclarına və bəzi evlərin dam örtüyünə də zərər dəyib. Rayonun Xarxar kəndindəki dağlıq ərazidəki otlaq sahəyə düşən ildırım nəticəsində 10-dan çox xırda buynuzlu heyvan tələf olub.

Qeyd edək ki, leysan yağışlar əsasən Şınıq bölgəsində intensiv olub və sakinlərin bildirdiyinə görə, bölgədə bir neçə kiçik körpüləri sel dağıdıb.

Baş vermiş təbiiət hadisəsinin vurduğu ziyanın hesablanması və yaratdığı problemlərin həlli istiqamətində işlər aparılır.

Ölkə.Az

ŞƏRH YAZ
0

Nazir şadlıq evlərinə xəbərdarlıq etdi: Cərimələr çox olacaq

Nazir şadlıq evlərinə xəbərdarlıq etdi: Cərimələr çox olacaq
23:06
22.05.2018
7805
Ölkə
A
Paytaxtın Nizami, Xətai, Binəqədi rayonlarında yerləşən şadlıq saraylarına xəbərdarlıq edilib. Ekologiya və Təbii Sərvətlər Nazirliyi tərəfindən aparılan monitorinqlər zamanı həmin restoran və şadlıq evlərinin atmosferi kanserogen maddələrlə çirkləndirdiyi müəyyən edilib.

"Ölkə.Az"ın xəbərinə görə, ekologiya və təbii sərvətlər naziri Muxtar Babayev Real TV-ə müsahibəsində bildirib ki, bu restoranların ərazisindən qalxan tüstü saat 8-dən sonra ərazinin atmosferini bürüməklə yanaşı çirklənməyə də səbəb olur.

Bunula bağlı həmin iaşə obyektlərinə xəbərdarlıq olunub ki, filtr və müasir havalandırma sistemlərindən istifadə etsinlər.

Xəbərdalıqdan nəticə çıxarmayanlar cərimə olunacaq. Özü də bu cərimələrin məbləği nəzərəçarpacaq dərəcədə çox olacaq.

Bunlarla yanaşı Xəzər sahilində yerləşib çirkab sularını dənizə axıdan iaşə obyektləri sahibləri qarşısında da təmizləyici qurğulardan istifadə etmələri ilə bağlı tələb qoyulub. Tələbləri yerinə yetirməyənlər isə cərimə olunacaqlar.

Nazirlik təkcə havanı, dənizi çirkləndirənləri deyil, ağackəsənlərə qarşı da sərt addımlar atmaq niyyətindədir. Bu addımlardan ilki cərimə məbləğlərinin artırılması olacaq. Nazir bu günlərdə səfərdə olduğu Naxçıvanın təcrübəsindən də danışıb. 

“Naxçıvanda insanlar təbiəti qoruyurlar, təbiətə hər kəs diqqətlə yanaşır. Bakıda da bunu tətbiq etmək lazımdır. Marifəndirmə ilə yanaşı cərimələr artırılmalıdır. Bilməlidirlər ki, ciddi cəza və cərimələr tətbiq olunacaq”, - deyə nazir qeyd edib.

Ölkə.Az

ŞƏRH YAZ
0
BAĞLA