Nazirlik tikinti şirkətini məhkəməyə verib

Nazirlik tikinti şirkətini məhkəməyə verib
16:40
24.05.2018
3229
Ölkə
A
Ekologiya və Təbii Sərvətlər Nazirliyinə (ETSN) Nəsimi rayonu S.Rüstəm, H.Ələsgərov, X.Şuşinski və Q.Quliyev küçələrinin kəsişməsindəki məhəllədə ağacların kəsilməsi ilə bağlı şikayət daxil olub.

ETSN-nin mətbuat xidmətindən "Ölkə.Az"a verilən məlumata görə, şikayət Ətraf Mühitin Mühafizəsi Departamentinin əməkdaşları tərəfindən araşdırılıb.

Sözügedən əraziyə keçirilən baxış zamanı köküstə yaş altı ədəd ağacın kökündən çıxarıldığı aşkar edilib.

Araşdırma zamanı ərazidəki yaşayış binalarının sökülərək yerində yeni binaların tikintisi məqsədilə Nazirlər Kabinetinin müvafiq qərarına əsasən Nəsimi rayon İcra Hakimiyyətinin sərəncamı ilə 1,06 hektar torpaq sahəsinin “Grand Plaza” MMC-yə verildiyi məlum olub.

Söküntü işləri zamanı ağacların MMC tərəfindən çıxarıldığı müəyyən olunub, faktla bağlı akt və protokol tərtib edilib.

“Grand Plaza” MMC barəsində hüquqi şəxs qismində cərimə qərarı qəbul edilməsi və qanunamüvafiq tədbirlərin görülməsi üçün toplanmış sənədlər müvafiq rayon Məhkəməsinə və rayon Polis İdarəsinə göndərilib.

ŞƏRH YAZ
0

Ölkə ərazisində qeyri-sabit hava şəraiti ilə bağlı — XƏBƏRDARLIQ

Ölkə ərazisində qeyri-sabit hava şəraiti ilə bağlı
13:12
Bu gün
1727
Ölkə
A
Sentyabrın 23-də Bakıda və Abşeron yarımadasında arabir yağış yağacağı gözlənilir. Bəzi yerlərdə leysan xarakterli olacağı, şimşək çaxacağı ehtimalı var. Cənub-şərq küləyi əsəcək.

"Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, havanın temperaturu 2-4° aşağı enəcək.

Rayonlarda şimşək çaxacağı, arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var.

Qərb küləyi ayrı-ayrı yerlərdə güclənəcək. Havanın temperaturu gecə 14-19°, gündüz 23-28° isti, dağlarda gecə 6-11°, gündüz  13-18° isti təşkil edəcək. 

Çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur.

Qeyri-sabit hava şəraitinin sentyabrın 24-ü gündüzədək davam edəcəyi bildirilir.

Ölkə.Az

ŞƏRH YAZ
0

Bakıya aylıq normadan çox yağıntı düşüb

Bakıya aylıq normadan çox yağıntı düşüb
12:55
Bu gün
1266
Ölkə
A
2018-ci il sentyabrın 22-si axşamdan 23-ü səhərədək müşahidə olunmuş faktiki hava şəraiti açıqlanıb.

Bu barәdә "Ölkә.Az"a Ekologiya vә Tәbii Sәrvәtlәr Nazirliyinin (ETSN) Milli Hidrometeorologiya Departamentindən verilən məlumatda deyilir.

Məlumatda bildirilir ki, Milli Hidrometeorologiya Departamentindən əvvəlcədən xəbr verildiyi kimi sentyabrın 22-si hava gündüz əsasən yağmursuz keçib, lakin 22-si axşamdan 23-ü səhərədək şimşək çaxıb, arabir yağış yağıb, bəzi şimal və qərb rayonlarında leysan xarakterli intensiv olub.

Yağış Bakıda 21.0 mm (aylıq normanın 122 %-i) (norma 17.2 mm), Oğuzda 31.0 mm(aylıq normanın 42 %-i) (norma 73.7 mm), Qəbələdə 28.0 mm (aylıq normanın 36%-i) (norma 78.5 mm), Kişçayda (Şəki) 27.0 mm (aylıq normanın 41 %-i) (norma 68.1mm), Ordubadda 22.0 mm (aylıq normanın 175 %-i) (norma 12.6 mm), Mingəçevirdə 15.0 mm (aylıq normanın 60%-i) (norma 12.6 mm) olub.

Ölkә.Az

ŞƏRH YAZ
0
BAĞLA