Nazirlik və parlament ünvanlı sosial yardımı müzakirə edəcək

Nazirlik və parlament ünvanlı sosial yardımı müzakirə edəcək
10:52
11.08.2018
2892
Ölkə
A
Milli Məclisin (MM) Əmək və sosial siyasət komitəsi ilə Əmək və Əhalinin Sosial Müdafiəsi Nazirliyinin birgə ictimai dinləmələr təşkil etməsi nəzərdə tutulur.

"Ölkə.Az" Oxu.Az-a istinadən xəbər verir ki, MM-dən verilən məlumata görə, dinləmələrin parlamentin qarşıdan gələn 2018-ci il payız sessiyası ərəfəsində, sentyabr ayında keçirilməsi planlaşdırılır.

Qeyd olunur ki, dinləmələrin keçirilməsi təşəbbüsü parlamentin müvafiq komitəsindən gəlib və nazirlikdən bununla bağlı ilkin razılıq verilib.

Dinləmələrin keçirilməsində məqsəd əlilliyin müəyyənləşdirilməsində üzə çıxan və cəmiyyəti narahat edən problemlərin, o cümlədən, ünvanlı sosial yardımların verilməsi prosedurundakı çatışmazlıqların birgə müzakirə olunmasıdır.

Bildirilir ki, hər iki məsələ ilə bağlı müzakirələrin, dinləmələrin yekunu olaraq, qanunvericiliyin koordinasiyalı şəkildə təkmilləşdirilməsi yönündə addımların atılması gözlənilir. Yəni, hər iki qanunun yenilənməsi nəzərdə tutulur.

ŞƏRH YAZ
0

Məhkəmə sürücünün xeyrinə qərar çıxardı — DYP rəisi şikayət etdi

Məhkəmə sürücünün xeyrinə qərar çıxardı
11:58
Bu gün
27
Ölkə
A
Bakı şəhər Xətai Rayon Məhkəməsində Dövlət Yol Polisinin vətəndaş Ayaz Əliyevə içkili avtomobil idarə etmə ilə bağlı yazdığı inzibati protokol araşdırılıb.

"Ölkə.Az" xəbər verir ki, Cavid Hüseynin sədrliyi ilə keçirilən prosesdə qərar elan edilib.

Qərara əsasən, Əliyev Ayaz Nəsrəddin oğlunun əməlində İnzibati Xətalar Məcəlləsinin (İXM) 333.1-ci maddəsi ilə nəzərdə tutulan inzibati xəta hadisəsi olmadığına görə inzibati icraata xitam verilib.

Xətai Rayon Məhkəməsinin 24 iyun 2019-cu il tarixli qərarından Daxili İşlər Nazirliyi Bakı Şəhər Baş Polis İdarəsinin Dövlət Yol Polisi İdarəsinin rəisi, polis polkovniki Nuşirəvan Səfərov apellyasiya şikayəti verib. 

Şikayətə Bakı Apellyasiya Məhkəməsində hakim Habil Məmmədovun sədrliyi ilə baxılacaq. 

Qeyd edək ki, İXM-nin 333.1-ci maddəsi nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə məsuliyyəti nəzərdə tutur.

Bu əmələ görə dörd yüz manat məbləğində cərimə və ya nəqliyyat vasitəsini idarə etmək hüququnun altı aydan bir ilədək müddətə məhdudlaşdırılması nəzərə tutulub.

ŞƏRH YAZ
0

Daha 2 rayonda qaz olmayacaq

Daha 2 rayonda qaz olmayacaq
11:07
Bu gün
702
Ölkə
A
Ağstafa rayonunda istehlakçıların qaz təchizatının yaxşılaşdırılması və normadan artıq qaz itkilərinin qarşısının alınması məqsədilə təmir işlərinə başlanılıb.

Bu barədə "Ölkə.Az"  “Azəriqaz” İstehsalat Birliyinə istinadən xəbər verir.

Saat 10.00-dan təmir işləri başa çatanadək Ağstafa rayonunda bir qrup abonentin qaz təchizatı dayandırılıb.

Samux rayonunda da orta təzyiqli yeraltı qaz xəttinin yenidənqurulması məqsədilə bir qrup abonentin qaz təchizatı saat 11.00-dan dayandırılacaq.

Ölkə.Az

ŞƏRH YAZ
0
BAĞLA