Nazirlikdən əhali arasında yayılan xəstəliklə bağlı — AÇIQLAMA

Nazirlikdən əhali arasında yayılan xəstəliklə bağlı
09:45
20.10.2017
474
Ölkə
A
Azərbaycanda bu ilin 9 ayı ərzində kəskin respirator virus infeksiyalarına yoluxma səviyyəsi keçən ilin müvafiq dövrü ilə müqayisədə 11 faiz azalıb.

"Ölkə.Az" xəbər verir ki, bunu Trend-ə Səhiyyə Nazirliyi Respublika Gigiyena və Epidemiologiya Mərkəzinin (RGEM) direktor müavini Afaq Əliyeva deyib.Onun sözlərinə görə, oktyabrın ötən 2 həftəsi ərzində də xəstələnmə səviyyəsi ötən ilin müvafiq dövründəki səviyyə ilə eyni olub: "Respublika üzrə qeydə alınan yoluxma hadisələri barədə mərkəzə məlumatlar verilir. Məlumatların təhlili göstərir ki, kəskin respirator virus infeksiyalarının artımı hələ müşahidə olunmur, vəziyyət stabildir. Yəni, xəstəlik sayı mövsümi qaydada qeydə alınır. Buna baxmayaraq, profilaktik, müşahidə tədbirləri aparılır, dezinfeksiya tədbirlərinin gücləndirilməsi üçün işlər görülür".

A.Əliyeva bildirib ki, Səhiyyə Nazirliyinin Respublika Taun Əleyhinə Stansiyasında aparılan laborator müayinələr zamanı Azərbaycanda qrip virusu aşkarlanmayıb: "Xəstəliyə o zaman qrip deyilə bilər ki, nümunələrdə hər hansı virus aşkarlanır və bunun da əsasında qrip diaqnozu qoyulur. Amma daxil olan nümunələrdən aydın olur ki, insanlarda müşahidə edilən xəstələnmələr soyuqdəymələr və kəskin respirator virus infeksiyalarıdır. Bunlar da mövsümi xarakter daşıyan xəstəliklərdir".

Qeyd edək ki, Ümumdünya Səhiyyə Təşkilatı 2017-2018-ci ilin payız-qış mövsümündə qripin növbəti ştamlarının - qrip B-Brisben, qrip A-H3N2 (Honkonq) və H1N1-Miçiqan qriplərinin üstünlüyünü proqnozlaşdırıblar.

ŞƏRH YAZ
0

Bank Respublikanın elektron bankçılıq xidməti həyatınızı asanlaşdırır

Bank Respublikanın elektron bankçılıq xidməti həyatınızı asanlaşdırır
17:13
Bu gün
54
Ölkə
A

Bank Respublikadan gündəlik həyatınızı asanlaşdıracaq 5 dəyərli məsləhət.

Bank Respublikadan 5 faydalı layfxak.

Bir çox hallarda gündəlik istifadə etdiyimiz üsullara o qədər alışmışıq ki, bu üsulların daha yaxşı alternativləri haqqında heç düşünmürük. Məsələn, kommunal xidmət ödənişlərini bəzi insanlar hələ də bankın ofisində və ya yaxındakı marketdə gedib terminal üzərindən ödəyir. Elələri də var ki, vəsaiti ödəniş üçün dost-tanışdan göndərir. Bu vasitələrə rəğmən, vaxtınız və enerjinizi daha vacib işlərə sərf etmək üzərində düşünün. 

Məhz bu məqsədlə, Bank Respublika həyatınızı asanlaşdıracaq 5 faydalı məsləhətini verir.  

Kommunal xidmətlərin ödənilməsinə vaxtımız gedir.

İşıq, qaz, su, telefon və digər vacib xidmətlərin ödənişlərini bankın Mobil və İnternet şöbələri üzərindən yerinə yetirmək olar. Buradan “Avtoödəniş” xidmətinə qoşulsanız həmin ödənişlərin qayğısı bir daha Sizi narahat etməyəcək. Avtoödənişi tarix və ya yaranmış borc üzrə seçdikdən sonra tələb olunan məbləğ kartdan avtomatik ödəniləcək.

Hərdən cərimələrimiz olur.

Təəssüf ki, arada sürət həddini aşmaq və ya qırmızı işıqda yolu keçmək kimi anlaşılmazlıqlar da baş verir. Bu qaydaların pozulması müqabilindəki cərimələri də Mobil Şöbə vasitəsilə ödəmək olar. Amma yaxşı olardı ki, sükan arxasında daha diqqətli olaq.

Qohumlara və dostlara pul göndəririk.

Bir çoxları üçün bəlkə yenilik olar, amma pulları birbaşa mobil telefondan da köçürmək olar və yaxın adamınız vəsaiti bankın istənilən filialından qəbul edə biləcək. Beləliklə, Mobil və İnternet şöbələrin “Vektor” bölümü üzərindən ölkə üzrə pul köçürmələrini bir toxunuşla yerinə yetirmək olar. Belə bir zərurət tez-tez yarandıqda “Vektor” kartını sifariş edirsizniz və köçürmə birbaşa karta mədaxil olunacaq.   

Ailə büdcəsinə nəzarət etmək zərurəti.

Nəzərə almaq lazımdır ki, ailəmizin hər bir üzvünün öz tələbatı var. Övladranızın məktəbdəki gündəlik xərclərini “İlk kart” ilə qarşılamaq olar. Bu vasitə uşaqlarda ödənişləri qeyri-nağd şəkildə aparmağı erkən vaxtlardan vərdiş halına gətirəcək, valideyinlərə isə ailə büdcəsinə nəzarət etməkdə yardımçı olacaq. Əlavə bank kartı ilə yaxınlarınız da Sizin bank hesabınızdan faydalana biləcəklər.

Banka getməyə vaxt yoxdur.

Növbə gözləməkdən heç kimin xoşuna gəlmir. Əsas odur ki, tez olsun, istər hesaba pul qoymaq, istərsə də kredit ödəmək. Biz bunu gözəl başa düşürük. Artıq vaxt itirməmək üçün “Mobil Vizit” xidmətindən istifadə edib növbədəki sıra nömrənizi öncədən alın. Banka gəldikdə isə həmin nömrəni təqdim etmək yetərlidir ki, Sizə dərhal xidmət göstərilsin.

Vərdiş etdiyimiz həll üsullarını bir çox hallarda ən düzgün çıxış yolu kimi zənn edirik. Lakin yuxarıda qeyd olunanlar onu göstərdi ki, həyatımızı bir qədər də asanlaşdıra bilərik. Bank Respublikanın analoji təklifləri haqqında ətraflı məlumat rəsmi saytda təqdim edilib. Əlavə suallara 144 qısa nömrəsinə zəng və ya Facebook üzərindən müraciət etsəniz məmnuniyyətlə cavab verərik.

Bank Respublika, Sizə Faydalı!

ŞƏRH YAZ
0

Türkmənistanda atlar arasında gözəllik müsabiqəsi keçiriləcək

Türkmənistanda atlar arasında gözəllik müsabiqəsi keçiriləcək
17:12
Bu gün
73
Ölkə
A
Türkmənistan prezidenti Qurbanqulı Berdımuxammedov yeni sərəncam imzalayıb.

 “Ölkə.Az” xəbər verir ki, sərəncama əsasən, Axaltəkə atları arasında növbəti gözəllik müsabiqəsi keçiriləcək.

Müsabiqə 28 aprel tarixində Aşqabadda keçiriləcək. 28 aprel tarixi Aşqabadda türkmən süvarisinin günü keçirilir. Bundan başqa, eyni gündə atları tərənnüm edən rəssam, heykəltaraş, xalçatoxuyan, zərgər, fotoqraf, dizayner, operatorlar arasında da müsabiqə keçiriləcək.

Ölkənin ən yaxşı Axaltəkə atının sahibi bir qayda olaraq, prezident tərəfindən yolsuzluq avtomobili ilə mükafatlandırılacaq.

Hikmət Həsənov
Ölkə.Az

ŞƏRH YAZ
0
BAĞLA