Nazirlikdən I qrup əlilin şikayətiə cavab: "Obyektiv qərar qəbul ediləcək" — FOTO

Nazirlikdən I qrup əlilin şikayətiə cavab:
10:55
16.10.2018
3882
Ölkə
A

Salyan rayonu Yuxarı Noxudlu kənd sakini, I qrup əlil Əhmədov Əkbər İsaxan oğlunun ünvanlı sosial yardım ala bilməməsi ilə bağlı "Ölkə.Az"ın redaksiyasına müraciət edib. Salyan sakini bildirir ki, özü və iki qız övladı - Əhmədova Ayşən və Əhmədova Gülbeydə birinci qrup əlildirlər:

"Özüm və iki qızım birinci qrup əlilik, həyat yoldaşım əsəb xəstəsidir. İndiyə qədər nəyim varsa, satıb övladlarımın, həyat yoldaşımın müalicəsinə xərcləmişəm. Hazırda övladlarımın müalicəsinə görə 18 min borcum var. Mən kimdənsə borcumu ödəməyini xahiş etmirəm. İstədiyim odur ki, bizə ünvanlı sosial yardım verilsin ki, heç olmasa bəzi dərmanların özümüz ala bilək. Dəfələrlə aidiyyatı qurumlara müraciət etsəm də, heç bir xeyri olmayıb. Hətta Səlim Müslümov əmək və əhalinin sosial müdafiə naziri olanda Neftçalada qəbuluna yazıldım. Dərdimi danışandan sonra mənə iki yüz manat pul verdi. Elə bildim ki, həmin məbləği bizə sosial yardım kimi daimi yazıblar. Sən demə, mənim səsimi kəsmək üçün imiş. Bilsəydim heç o iki yüz manatı da götürməzdim. Səlim Müslümovdan sonra da elektron qaydada müraciətim olub. Ancaq hələ ki, bunun da nəticəsi yoxdur".

"Ölkə.Az" vətəndaşın səsləndirdiyi fikirlərlə bağlı Əmək və Əhalinin Sosial Müdafiə Nazirliyinin də mövqeyini öyrənib. Nazirliyin mətbuat xidmətinin rəhbəri Fazil Talıblı bildirib ki, Əkbər Əhmədov sonuncu dəfə təxminən bir il öncə elektyor qaydada müraciət edib 

"Salyan rayonu Yuxarı Noxudlu kənd sakini, I qrup əlil Əhmədov Əkbər İsaxan oğlu ünvanlı sosial yardım ala bilməməsi ilə bağlı müraciəti nazirlik tərəfindən araşdırılıb.  

Araşdırma zamanı müəyyən edilib ki, ailəsinə sosial yardım təyin olunması üçün Ə.Əhmədov tərəfindən sonuncu dəfə təqribən bir il qabaq, yəni 2017-ci ilin sentyabr ayında elektron qaydada müraciət olunub. Bundan sonra da onun heç bir müraciəti olmayıb. 

Ötən ilin sentyabr ayında etdiyi müraciətə cavab olaraq da onun ailəsinə sosial yardım təyin olunmasından imtina edilməsinin səbəbi  Ə.Əhmədovun ailə gəlirləri, xərcləri və s. ilə bağlı məlumatları elektron sistemdə daxil edərkən yanlışlığa yol verməsi, qeyri-düzgün məlumatlar daxil etməsi olub. 

Hesab edirik ki, sosial yardımın alınması üçün elektron qaydada müraciət etməkdə Ə.Əhmədovun müəyyən çətinliyi vardır. Ona görə də ailəsinə sosial yardımın alınması üçün elektron qaydada müraciət olunmasında Ə.Əhmədova texniki köməklik göstəriləcəkdir. Beləliklə də bütün müvafiq məlumatları düzgün daxil etdikdə, onun müraciətinə qanunauyğun qaydada baxılaraq, obyektiv qərar qəbul ediləcəkdir".

 

Ölkə.Az

ŞƏRH YAZ
0

Ölkəyə külli miqdarda qanunsuz dərman keçirmək istədilər

Ölkəyə külli miqdarda qanunsuz dərman keçirmək istədilər
11:05
Bu gün
197
Ölkə
A
Rusiya Federasiyası istiqamətindən “Xanoba” gömrük postunun gömrük nəzarəti xəttinə daxil olan Azərbaycan vətəndaşının idarə etdiyi “Ford Transit” markalı avtomobilə gömrük baxışı keçirilib.

Dövlət Gömrük Komitəsindən "Ölkə.Az"a verilən məlumata görə, yoxlama zamanı, avtomobilin yük yerində və salonunda gömrük nəzarətinə bəyan edilməmiş, cəmi 9034 ədəd müxtəlif adda dərman vasitələri aşkar edilib. 

Faktla bağlı araşdırma aparılır.

ŞƏRH YAZ
0

Plastik qapı-pəncərələr qış rejiminə necə keçirilir? — VİDEO

Plastik qapı-pəncərələr qış rejiminə necə keçirilir?
10:51
Bu gün
430
Ölkə
A
Sən demə plastik pəncərələrdə və qapılarda yay və qış rejimləri var. Ustaların sözlərinə görə, qış rejiminə keçilməsi evinizin istiliyini daha da artıra bilər. Bəs qış rejiminə necə kəçilməlidir?

"Ölkə.Az" xezerxeber-ə istinadən xəbər verir ki, əksər vətəndaşlar elə bu şəxslər kimi plastik qapı və pəncərələrin iki rejimdə olduğundan xəbərsizsiz. Əslində isə Siz plastik qapı və pəncərələrdə qış rejiminə keçməklə evinizi soyuqdan qoruya bilərsiz. Bu sizi həm də maddiyat tərəfdən də irəli sala bilər

Ustaların sözlərinə görə, bu funksiyanın tətbiqi soyuq havalarda evin istiliyini 50% artıra bilər.

Usta Hüseyn Tağızadəyə görə, eyni prosesi plastic qapılarda da etmək mümkündür.

Usta onu da əlavə etdi ki, plastik pəncərə alarkən diqqətli olmaq lazımdır. Çünkü əksər belə pəncərələrin rezinləri əllə taxılma olur. Bu isə öz növbəsində pəncərələrin daha tez sıradan çıxmasına və evin soyuq olmasına gətirib çıxarır.

Odur ki, siz də bu sadə üsulu həyata keçirməklə evinizin istiliyini artıra bilərsiniz.

Ölkə.Az

ŞƏRH YAZ
0
BAĞLA