Nazirlikdən “NAZ-Lifan”ın istehsalının dayandırılmasına dair xəbərlərə — MÜNASİBƏT

Nazirlikdən “NAZ-Lifan”ın istehsalının dayandırılmasına dair xəbərlərə
11:34
20.04.2017
47
İqtisadiyyat
A
Ölkəmizdə fəaliyyət göstərən bəzi informasiya saytları “Naxçıvan Avtomobil Zavod”unda istehsalın dayandırılması ilə bağlı həqiqətəuyğun olmayan məlumatlar yayırlar.

"Ölkə.Az" xəbər verir ki, Naxçıvan Muxtar Respublikası İqtisadiyyat Nazirliyinin mətbuat xidmətindən AZƏRTAC-a bildirilib ki, “NAZ-Lifan” avtomobillərinin istehsalının dayandırılması ilə bağlı yayılan məlumatlar tamamilə əsassızdır. 

“Belə ki, cari ilin ötən dövründə “Naxçıvan Avtomobil Zavod”unun istehsal sahəsində yenidənqurma işləri aparılıb, bu səbəbdən də istehsal prosesində planlaşdırılmış fasilə yaranıb. 

2017-ci ilin birinci rübündə müəssisə tərəfindən “NAZ-Lifan 820” və “Naz-Lifan 620” modellərinin satışı həyata keçirilib.

Əgər zavodda 2010-cu ildə 4 modeldə avtomobil istehsal olunurdusa, hazırda 15 modeldə “NAZ-Lifan” avtomobili istehsal edilir. Müəssisə tərəfindən avtomobillərin xarici ölkələrə ixracının genişləndirilməsi istiqamətində də iş aparılır”, - deyə nazirlik qeyd edib.

ŞƏRH YAZ
0

Azərbaycanın ümumi daxili məhsulunun həcmi açıqlandı

Azərbaycanın ümumi daxili məhsulunun həcmi açıqlandı
19:17
15.12.2017
3531
İqtisadiyyat
A
2017-ci ilin yanvar-noyabr aylarında ölkədə 63071,3 milyon manat və ya əhalinin hər nəfərinə 6481,8 manat məbləğində ümumi daxili məhsul istehsal edilib.

"Ölkə.Az" Dövlət Statistika Komitəsinə istinadən xəbər verir ki, ÜDM istehsalının 40,1 faizi sənayenin, 10,1 faizi ticarət; nəqliyyat vasitələrinin təmiri sahələrinin, 8,8 faizi tikintinin, 6,8 faizi nəqliyyat və anbar təsərrüfatı, 5,5 faizi kənd təsərrüfatı, meşə təsərrüfatı və balıqçılıq, 2,4 faizi turistlərin yerləşdirilməsi və ictimai iaşə, 1,6 faizi informasiya və rabitə sahələrinin, 17,0 faizi digər sahələrin payına düşüb, məhsula və idxala xalis vergilər ÜDM-in 7,7 faizini təşkil edib. 

İqtisadiyyatın qeyri-neft bölməsində istehsal olunan əlavə dəyər əvvəlki ilin müvafiq dövrünə nisbətən 2,4 faiz artıb, neft bölməsində isə 5,1 faiz azalıb. 

ŞƏRH YAZ
0

“Azərbaycan Xəzər Dəniz Gəmiçiliyi”nə yeni — TƏYİNAT

“Azərbaycan Xəzər Dəniz Gəmiçiliyi”nə yeni
18:41
15.12.2017
1935
İqtisadiyyat
A
“Azərbaycan Xəzər Dəniz Gəmiçiliyi” Qapalı Səhmdar Cəmiyyəti (QSC) sədrinin birinci müavini vəzifəsinə təyinat olub.

"Ölkə.Az" xəbər verir ki, Prezident İlham Əliyevin sərəncamı ilə bu vəzifəyə Mübariz Cabbarov təyin edilib.

Qeyd edək ki, sədrin sabiq birinci müavini Zamiq İsmayılov öz ərizəsi ilə vəzifədən azad olunub.

Mübariz Mustafa oglu Cabbarov 1968-ci ildə Zaqatala rayonunun Yuxarı Tala kəndində anadan olub. Evlidir, iki övladı var.

ŞƏRH YAZ
0
BAĞLA