"İndi o qədər ustalıqla oyun alqı-satqısı gedir ki, mən belə baş aça bilmirəm" — Şahin Diniyev

15:50
07.12.2017
935
İdman
A
Son günlər Azərbaycan futbolunun gündəmini oyun alqı-satqısı zəbt edib.

AFFA İntizam Komitəsinin qərarı ilə "Keşlə” Peşəkar Futbol Klubunun futbolçuları - Nizami Hacıyev, Mirhüseyn Seyidov və “Neftçi”nin məşqçisi Ağakişi Mehdizadə futboldan ömürlük kənarlaşdırılıblar.

Azərbaycan futbolundakı oyun alqı-satqısı ilə bağlı "Ölkə.Az"-ın suallarını Azərbaycan milli komandasının keçmiş baş məşqçisi Şahin Diniyev cavablandırıb.

- Azərbaycan futbolundakı oyun alqı-satqısı ilə bağlı fikirlərini bilmək istəyərdik.

- Desək ki, Azərbaycan futbolunda oyun alqı-satqısı olmayıb bu yalan olar. Nəinki Azərbaycan futbolunda, dünya futbolunda bu adi hala çevrilib. İtaliya nəhəngi "Yuventus"un bir neçə il əvvəl ikinci dəstəyə atılması buna bir sübutdur. Avropadakı dalğa Azərbaycana da gəlib çıxıb. Bukmeker kontorları yaranandan futbol oynamırıq, onlar futbolla oynayırlar. İnsan özünün xəbəri olmadan bukmekerlərin qurbanı ola bilər.

Bukmekerlər yaranmamışdan əvvəl "danışılmış oyunlar" var idi. SSRİ dövründə belə hansısa klubun güclülər dəstəsində qalması üçün oyunu "verirdilər". Burada alqı-satqıdan söhbət getmirdi. Sadəcə kimlərsə hansısa klubu güclülər dəstəsində saxlamaq istəyirdi.

- Məşqçi olduğunuz zaman belə halla rastlaşmısınızmı?

- Baş məşqçi olduğum dövrdə yox, futbolçu olduğum dövrdə belə halla rastlaşmışam. Ad çəkməyəcəm, SSRİ çempionatında 2 Azərbaycan klubundan birini qabağa çəkmək üçün ona digər klub ona xal verirdi. O zaman pul söhbəti olmamışdı. O dövrdə oyun alqı-satqısı bu qədər kütləvi deyildi.

- Azərbaycanda rəsmilər elə fikirlər səsləndirirlər ki, sanki oyun alqı-satqısı Azərbaycan futbolunda görünməmiş bir şeydir.

- Oyun alqı-satqısı çoxdan var və köklü bir şeydir. İngiltərədə futbol yaranandan bu olub. Sadəcə bunun formaları var - alqı-satqı, hansısa kluba kömək məqsədi ilə danışılmış oyun kimi. Bukmekerlər yaranandan futbola nöqtə qoyuldu. Baxın böyük klubların formalarında bukmeker kontorlarının reklamı gedir. Futbolun təmizə çıxması üçün bukmeker kontorlarını ləğv etmək lazımdır.

- Azərbaycanda da bukmeker kontoru var.

- Rəsmi olsa belə bu qumar oyunudur.

- Hakimlərin də oyun alqı-satqısında iştirak etdikləri bəllidir. Yəqin ki, siz də hakimin tərəf tutduğu oyunları görmüsünüz.

- Desəm ki, bu yoxdur, o zaman səmimiyyətdən kənara çıxmış olaram. Əlimdə fakt olmadan danışmaq doğru deyil. Bu gün təkcə oyunun hesabına müdaxilə olunmur. Meydanın mərkəzindən kim başlayacağına, sarı kartı kimin alacağına, kırmızı kartın kimə veriləcəyinə qədər müdaxilələr var.

- Azərbaycan çempionatında hakimlərin hansısa kluba simpatiyasının olduğu barədə çox yazılıb, danışılıb. Bu həqiqətən belədir?

- Bunu gizlətməyə ehtiyac yoxdur. Daha çox zəif klublar əzilir, daha çox güclü klublara güzəşt edilir. Bu isə yazılmamış qanunlardandır. Dünya futbolunda bu hal yaşanır. Futbol çox ədalətli oyundur, ancaq hazırda futbolu çox ədalətsiz oyuna çeviriblər. Bunun başında da dayanan şəxslər var.

- Azərbaycan futbolundan 3 şəxs ömürlük futboldan kənarlaşdırıldı. Onların adları oyun alqı-satqısında hallaınır. Bunlarla bağlı da fikirinizi bilmək istəyərdik.

- Bu gün məhkəmə qərarı çıxmadan kiməsə cinayətkar demək düz deyil. Hal hazırda bu məsələnin ətrafında fırlana bilərik, mülahizələrimizi yürüdə bilərik. Ancaq əlimizdə fakt yoxdur. Faktlar varsa da, o bizdə deyil.

- Futbolçuların Azərbaycanda yox, digər ölkələrdən oyunlara pul qoyduğu deyilir. Baş məşqçi olduğunuz dövrdə futbolçularınızda belə bir şey görüb, eşidib, hiss etmisiniz?

- Əvvəllər çox primitiv idi. Nəinki futbolçu, futboldan başı çıxmayan adam belə oyuna baxan kimi bilirdi ki, bu oyunda düz getməyən nəsə var. İndi o qədər ustalıqla edirlər ki, İyo- Kiyo bunların yanında toya getməlidir. O qədər ağılla, savadla iş görürlər ki, bu qədər zamandır futbolun içindəyəm, mən də baş aça bilmirəm.

- Nə vaxtsa bukmeker kontorlarında pul qoymusunuz?

- Allaha and olsun o necə bir şeydir bilmirəm.

Səxavət Məmməd
Ölkə.Az

ŞƏRH YAZ
0

Məşhur futbolçu karyerasını rəsmən başa vurdu

Məşhur futbolçu karyerasını rəsmən başa vurdu
22:18
17.12.2017
876
İdman
A
"Orlando Siti" komandasının braziliyalı yarımmüdafiəçisi Kaka karyerasını rəsmi olaraq başa vurub.

Ölkə.Az Trend-ə istinadən bildirir ki, bu barədə 35 yaşlı oyunçu özü TV Globo-nun efirində açıqlama verib.

"Son sözüm budur ki, peşəkar karyeram başa çatdı", - deyə "sambaçı" bildirib.

Kaka Braziliyanın "San Paulu", İtaliyanın "Milan", İspaniyanın "Real Madrid" və ABŞ-ın "Orlando Siti" komandalarında forma geyinib. O, 2002-ci ildə dünya çempionu, 2007-ci ildə isə "Qızıl top"un sahibi olub. 2002 - 2016-cı illərdə Braziliya millisinə çağırılmış ulduz futbolçu 92 oyuna 29 qol vurub.

ŞƏRH YAZ
0

Əfsanəvi qapıçının heykəli qoyuldu

Əfsanəvi qapıçının heykəli qoyuldu
20:06
17.12.2017
1381
İdman
A
Argentinanın "Velez Sarsfield" klubunun ev oyunlarının keçirdiyi stadionun yanında Paraqvayın əfsanəvi qapıçısı Xose Luis Çilavertin heykəli ucaldılıb.

Ölkə.Az goal.az-a istinadən xəbər verir ki, heykəlin açılışı dekabrın 6-da baş tutub 52 yaşlı Çilavert mərasimdə iştirak edib və nitq söyləyib. Bu təşəbbüs "Velez"in 400 azarkeşi tərəfindən irəli sürülüb.

Çilavert "Velez Sarsfield"də 10 ildən çox müddətdə (1991-2001) forma geyinib. O, komanda ilə Argentina çempionu, Libertadres kuboku və Klublararası dünya çempionatının qalibi olub.

ŞƏRH YAZ
0
BAĞLA