"Nə Paşinyan, nə də Sarkisyan Dağlıq Qarabağ probleminin müharibə yolu ilə həllini istəmir” — Söyün Sadıqov

17:11
19.01.2019
9643
Siyasət
A
"Robert Köçəryan və Serj Sarkisyan hakimiyyətdən getdiyi üçün Dağlıq Qarabağ probleminin həllində böyük imkanlar yaranıb".

Bu fikirləri "Ölkə.Az"a açıqlamasında Rusiyada Azərbaycanlıların Federal Milli-Mədəni Muxtariyyətinin prezidenti, Rusiya prezidenti yanında Millətlər Şurasının üzvü, azərbaycanlı oliqarx Söyün Sadıqov bildirib.  

S.Sadıqov deyib ki, yaxın vaxtlarda Azərbaycan və Ermənistan dövlətləri arasında böyük sülh razılığı əldə olunacaq:

"İndiyədək bu münaqişənin həllinə Robert Köçəryan və Serj Sarkisyan hakimiyyətləri ciddi mane olurdular. Çünki bu şəxslər hakimiyyətə Qarabağ kartı üzərindən gəlmişdilər. Ümumiyyətlə, Qarabağ münaqişəsi yeni yaranan zaman bu şəxslərin heç bir Ermənistan vətəndaşları olmayıb. Onlar Azərbaycan vətəndaşları idilər. Sadəcə olaraq ötən əsrin 90-cı illərinin əvvəllərində SSRİ dağıldıqdan sonra bu ittifaqdan ayrılan ölkələrdə xaos hökm sürürdü, hər kəs prezident olmaq arzusuna düşmüşdü. Həmin dövrdə Roberty Köçəryan və Serj Sarkisyan da Qarabağda separatçılıq etməklə xalqları bir-birinə düşmən etdilər. Bunun nəticəsində də onlar hakimiyyətə gəldilər. Əgər Qarabağ problemi olmasaydı, nə Sarkisyan, nə də Köçəryan hakimiyyətə gələ bilməzdi".

Azərbaycanlı oliqarx qeyd edib ki, Ermənistanın indiki rəhbəri Nikol Paşinyan Qarabağ münaqişəsinin sülh yolu ilə həllinə maraqlıdır:

"Təkcə Paşinyana qalsa, günü bu gün işğal altında olan torpaqları geri qaytarar. Ancaq buna Ermənistan xalqını hazırlamaq lazımdır. İndi Nikol Paşinyan belə məqamın yaranmasını gözləyir. İndi Ermənistanın nə baş naziri, nə də prezidenti Dağlıq Qarabağ probleminin müharibə yolu ilə həllini istəmir. Onlar gözəl bilirlər ki, regionda uzun müddət  Azərbaycanla münaqişə şəraitində yaşamaq mümkün deyil. Bu səbəbdən də Ermənistan regionda Gürcüstan kimi Azərbaycanın inkişafından yararlanmaq istəyir. Paşinyan qərbpərəst siyasətçi olduğu üçün Qərbə inteqrasiya yolunu tutub. Ermənistanın Qərbi inteqtasiyası isə Azərbaycan dövləti ilə yaxşı əlaqələrin qurulmasından keçir. Bunu Ermənistan xalqı da artıq dərk edir. Ona görə də hesab edirəm ki, yaxın vaxtlarda Qarabağ problemi həllini tapacaq. Necə ki, ötən əsrin əvvəllərində də erməni və Azərbaycan xalqları arasında müharibələr olub, amma sonradan SSRİ dövründə iki xalqın münasibətləri normallaşıb. İndi də bu belə olacaq. Bunun üçün müəyyən zaman lazımdır".

Vasif Həsənli
Ölkə.Az

ŞƏRH YAZ
0

"Bu qüvvələr ölkə vətəndaşlarına saxta sənədlər verməklə, “siyasi mühacir” alveri ilə məşğul olurlar" — Deputat

12:58
Bu gün
400
Siyasət
A
“Qlobal böhranlar, kataklizmlər fonunda Azərbaycanın inkişafı anti-Azərbaycan qüvvələri tərəfindən qısqanclıqla qarşılandığından, ölkəmizin inkişafını dayandırıb, böhrana sürükləmək üçün ən müxtəlif vasitələrə əl atırlar. Ölkə daxilində birlik hökm sürdüyündən bu niyyətlərini həyata keçirə bilməyən qüvvələrə, müxtəlif saxta yollarla Avropaya gedən və özlərini “siyasi mühacir” hesab edən, Vətənini korporativ maraqları naminə satmağa hazır olan şəxslərin xidmətindən istifadə edir. Anti-Azərbaycan qüvvələr belə “insanlar”ın xidmətindən yararlanmaqla yalan, böhtan kampaniyasını təşkil etməklə, Azərbaycanda ictimai-siyasi proseslərı pozmağa cəhd göstərirlər”.

Bunu “Ölkə.Az”a açıqlamasında millət vəkili Kamran Bayramov deyib.

Onun sözlərinə görə,   bu şəxslərin bir qisminin Azərbaycana heç bir aidiyyatı yoxdur. “Onların eləsi var ki,  ümumiyyətlə Azərbaycanda olmayıb. Sadəcə ölkəmizi sevməyən qüvvələr belə insanların da “xidmət”indən maksimum “yararlanmağa”  çalışır. Məqsəd nə yolla olur-olsun Azərbacanın daxili işlərinə müdaxilə etməklə  inkişafı dayandırmaq və sabitliyi pozmaqdır.  Ümumiyyətlə,  bəzi dövlətlərin beynəlxalq hüquqa zidd olaraq başqa ölkələrin daxili işinə kobudcasına müdaxiləsinin şahidi oluruq. Bu qüvvələr ən müxtəlif metod və taktikalardan, müasir texnologiyaların imkanından yararlanmaqla, həm daxildə, həm da xaricdə  istənilən ölkə haqqında mənfi imic formalaşdırmağa çalışırlar. 

Azərbaycan da belə hallarla üzləşir. Bu gün saxta sənədlərlə ölkəni tərk edib, Avorpa ölkələrində “siyasi mühacir” həyatı yaşayanlar anti-Azərbaycan qüvvələrin əlində ölkəmizə qarşı bir vasitə kimi istifadə olunur. Onlar həqiqətdən, reallıqdan uzaq,  böhtan, qərəz, təhqir dolu ifadələrlə Azərbaycan rəhbərliyinin və ölkəmizin ünvanına ifadələr işlədir. Yəni, bu insanların  müasir siyasi  və informasiya kommunikasiya texnologiyaları vasitələrindən istifadə etməklə belə, qərəzli kampaniyalar aparması ölkəmizə qarşı düzənlənən çox ciddi məkrli planlardan xəbər verir. Bunun qarşısı alınmalıdır”, - deputat qeyd edib.

Deputat  deyib ki, Azərbaycan demokratik və hüquqi dövlət olduğundan ölkədə siyasi plüarizm,  fikir və söz azadlığı hökm sürür, istənilən şəxs və ya siyasi qüvvə fikirlərini sərbəts ifadə edir. “Bu gün Azərbaycanda  siyasi mövqeyinə, düşüncəsinə, səsləndirdiyi ifadəyə görə təqiblərə məruz qalmır. Əksinə demokratik bir ölkə olaraq onların hüquqları qanunla qorunur. Lakin bəzi qüvvələri ölkədəki sabitlik narahat etdiyindən və ictimai-siyasi sabitliyi poza bilmədiyindən, cəmiyyətin onları dəstəkləmədiyindən  xaricdəki anti-Azərbaycan qüvvələrlə əlbir olub, niyyətlərini reallaşdırmaq istəyirlər. Bu qüvvələr  ölkə vətəndaşlarına saxta sənədlər verməklə “siyasi mühacir” alveri ilə məşğul olurlar. Göndərdiyi şəxsləri isə anti-Azərbaycan qüvvələrin yanına göndərməklə, onlarında xidmətindən istifadə edirlər. Biz  hüquq-mühafizə orqanlarının belə şəbəkələri ifşa etməsinin şahidi olmuşuq. Hesab edirəm ki, cəmiyyət olaraq  ölkədə sabitliyin pozulmasına xidmət edən  qərəzli, təhqir, böhtan xarakterli kampaniya aparmasına həssas yanaşmalı və diqqətli olmalıyıq.  Ona görə də bütün sağlam, milli mövqedə dayanan siyasi qüvvələri Azərbaycana qarşı xarici təbliğata və təsirlərə, ilk növbədə isə siyasi proseslərə və seçkilərə müdaxilələrə qarşı vahid cəbhədə birləşməlidir. İnanıram ki, milli mənafeləri hər şeydən üstün tutan partiyalar siyasi baxışlarından asılı olmayaraq,  ölkənin suverenliyinə, Azərbaycanın müstəqilliyinə qarşı çıxış edənlərə qəti və layiqli cavab verəcək, dövlətimizə qarşı çıxmasına imkan verməyəcək”. 

Mürtəza
Ölkə.Az

ŞƏRH YAZ
0

Bu şəxslər min manat cərimələnəcək — Qanun dəyişdi

Bu şəxslər min manat cərimələnəcək
10:16
Bu gün
1450
Siyasət
A
Prezident İlham Əliyev İnzibati Xətalar Məcəlləsində dəyişiklik edilməsi haqqında qanunu imzalayıb.

"Ölkə.Az" xəbər verir ki, sənədə əsasən Məcəllənin 471-ci maddəsi aşağıdakı redaksiyada verilir:

"Maddə 471. Maliyyə bazarlarına nəzarət orqanına haqların ödənilməməsi

Banklar və xarici bankların yerli filialları, bank olmayan kredit təşkilatları, sığorta bazarının peşəkar iştirakçıları, poçt rabitəsinin milli operatoru, kredit büroları, idman mərc oyunlarının operatorları, qiymətli kağızlar bazarında fəaliyyəti lisenziyalaşdırılan şəxslər və mərkəzi depozitar, lotereya təşkilatçısı, investisiya fondları və onların idarəçiləri tərəfindən qanuna uyğun olaraq müəyyən edilən məbləğdə və qaydada haqların müvafiq icra hakimiyyəti orqanının müəyyən etdiyi orqana (quruma) ödənilməməsinə görə –vəzifəli şəxslər min manat məbləğində, hüquqi şəxslər üç min manat məbləğində cərimə edilir".

ŞƏRH YAZ
0
BAĞLA