"Nə qədər adam mənə müraciət etsə, hamısını Həcc ziyarətinə göndərməyə hazıram" — Şeyxin qudası

16:39
14.08.2018
8899
Ölkə
A
"Həcc ziyarətinə getmək istəyən nə qədər adam mənə müraciət etsə, onları öz vəsaitim hesabına ziyarətə göndərməyə hazıram".

Bu fikirləri "Ölkə.Az"a açıqlamasında Milli Məclisin keçmiş deputatı, Qafqaz Müsəlmanları İdarəsinin rəhbəri Allahşükür Paşazadənin qudası Hacı Qalib Salahzadə bildirib. 

Q.Salahzadə indiyədək yüzlərlə insanı Həcc ziyarətinə göndərdiyini deyib:

"İlk dəfə Həcc ziyarətinə 1990-cu ildə adam göndərmişəm. Həmin vaxtdan bəri 500 nəfərdən çox adamı müqəddəs Həcc ziyarətinə yollamışam. Bu ənənəni gələcəkdə də davam etdirəcəm. Artıq Həcc ziyarəti mövsümü başlayıb. Ancaq hazırda Ərəbistanda 50 dərəcə isti olduğu üçün nə özüm, nə də başqa adamları ziyarətə göndərməyəcəm. Çünki isti havada ziyarət etmək çox çətindir. Adətən mən Həcc ziyarətinə yanvar, fevral, mart aylarında adam göndərirəm. Bu dəfə də elə edəcəm. Nə qədər insan getmək istəsə, mənə müraciət edə bilər. Hamısını Həcc ziyarətinə göndərməyə hazıram. Ancaq müraciət edən adamlar da gərək isti havaya dözümü olsun. Çalışacam ki, çox yaşlı insanları ziyarətə göndərməyim. Çünki onların məsuliyyəti böyükdür". 

Sabiq deputat indiyədək 33 dəfə Həcc ziyarətində olduğunu söyləyib:

"Həcc ziyarətində olmağımın sayını itirmişəm, ya 32, ya da 33 dəfə Həcc ziyarətində olmuşam. Sonuncu dəfə isə bu ilin fevralında Həcc ziyarətində idim. Elə olub ki, mən Həcc ziyarətini bir-iki günə başa vurmuşam. Səhər Bakıdan Həccə gedib, axşam yenə evimə qayıtmışam".

Vasif Həsənli
Ölkə.Az

ŞƏRH YAZ
0

Sabirabadda 680 torpaq sahibi birləşərək kooperativ yaradıb

Sabirabadda 680 torpaq sahibi birləşərək kooperativ yaradıb
18:35
Bu gün
186
Ölkə
A
Sabirabad rayonunun Yaxadəllək və Beşdəli kənd sakinləri torpaqlarını birləşdirərək ilk kooperativin əsasını qoyublar.

Bu barədə “Ölkə.Az”a Kənd Təsərrüfatı Nazirliyindən bildirilib. 

Məlumata görə, 16 iyul 1996-cı il tarixdə imzalanmış “Torpaq islahatı haqqında" qanuna uyğun olaraq, adları çəkilən kəndlərin sakinlərinə, ümumilikdə, 1 100 hektar torpaq sahəsi verilib. Bunun isə 850 hektarı “Sabirabad rayonu Birlik İstehsal Kooperativi”nin tərkibində birləşib. 

Kooperativin tərkibində 133 ailənin birləşməsinə baxmayaraq, uzun illər ərzində vətəndaşlar arasında aparılan alqı-satqılar nəticəsində dövlət aktlarının sayı 198 nüsxə təşkil edir. 

Kooperativdə birləşən şəxslərdən 380 nəfəri kişi, 300 nəfəri isə qadındır. 680 nəfərlik kooperativdə orta hesabla adam başına 1,25 hektar torpaq sahəsi düşür. 

Ölkə.Az

ŞƏRH YAZ
0

14 maşından oğurluq edən şəxs saxlanıldı

14 maşından oğurluq edən şəxs saxlanıldı
18:08
Bu gün
893
Ölkə
A
Oğurluq etdiyinə görə tutulan şəxslərin törətdiyi digər cinayət əməli də müəyyən edilib.

DİN-dən "Ölkə.Az"a verilən xəbərə görə, oğurluq edən Emin Duduyevin ətrafında Sumqayıt ŞPİ 3-cü PB-nin əməkdaşları tərəfindən aparılmış əməliyyat tədbirləri ilə onun şəhər ərazisində daha 14 avtomobildən pul, akkumulyator və məişət əşyaları oğurlaması da müəyyən edilib.

Ölkə.Az

ŞƏRH YAZ
0
BAĞLA