"Nə qədər ki, müstəqil Azərbaycan var, Heydər Əliyev ideyaları daim yaşayacaq" — Deputat

17:30
11.12.2019
1096
Siyasət
A
“Ümummilli Liderimiz Heydər Əliyevin anım günü ərəfəsi olduğundan Azərbaycan xalqı onun əziz xatirəsini böyük ehtiramla yad edir. Artqı bir neçə gündür ki, cəmiyyətdə Ulu öndərin xatirəsinə həsr olunmuş müxtəlif tədbirlər, toplantılar keçirilir. Bu tədbirlərdə Ulu öndərin keçdiyi şərəfli həyat yolunu öyrənir və zaman keçdikcə onun müasir Azərbaycan dövlətçiliyi tarixində oynadığı rolun əhəmiyyətini dərk edirlər”.

 Bunu “Ölkə.Az” a açıqlamasında deputat Sevinc Fətəliyeva deyib.

 Onun sözlərinə görə, ölkə vətəndaşları  Heydər Əliyevin müdrik və uzaqgörən idarəçiliyi sayəsində Azərbaycan iqtisadi cəhətdən inkişaf etmiş, sosial rifah yolunda mətin addımlarla irəliləyən, demokratik təsisatların təşəkkül tapan müasir ölkə kimi görürlər.
 
O deyib ki, məhz Heydər Əliyevin siyasi kursu sayəsində Azərbaycan özünün geostrateji, iqtisadi və mədəni potensialından istifadə edərək Şərqlə Qərb arasında etibarlı körpü rolunu oynamış və onu dünyanın ən dinamik inkişaf edən ölkələrindən birinə çevirib: “Heydər Əliyev dövlət başçısı və siyasi xadim kimi beynəlxalq vəziyyəti düzgün təhlil edərək, Azərbaycan dövlətinin müstəqilliyinin qorunması və inkişafı yolunda müstəqil siyasət apararaq xalqı öz ətrafında birləşdirməyi bacarıb”.

Deputat əlavə edib ki, Heydər Əliyev mürəkkəb qlobal və regional vəziyyətin mövcudluğu, ölkə daxilində destruktiv qüvvələrin fəallaşdığı bir şəraitdə əsaslandırılmış xarici siyasət kursu müəyyənləşdirməyi bacaran  xilaskar lider oldu: “Bu, Azərbaycan dövlətçiliyi üçün tarixi töhfə idi”. 

S.Fətəliyeva qeyd edib ki, Ulu Öndər Heydər Əliyevin xaos və anarxiyadan, dövlətçiliyin itirilməsi təhlükəsindən xilas edib dinamik islahatlar yoluna çıxardığı Azərbaycan hazırda onun layiqli davamçısı - Azərbaycan Prezidenti İlham Əliyevin rəhbərliyi altında dünyanın ən sürətlə inkişaf edən, yeniləşən, müasirləşən, demokratikləşən dövlətinə çevrilib: “Qazanılan uğurlar Azərbaycanın beynəlxalq aləmdə mövqeyini də əhəmiyyətli dərəcədə gücləndirir. Əminliklə demək olar ki, bu gün ölkəmiz dünya birliyinin tam bərabərhüquqlu üzvüdür, söz sahibi olan dövlətdir. Artıq Azərbaycan yürüdülən bu uğurlu siyasət nəticəsində regional mərkəzə çevirməkdədir”. 

Millət vəkili bildirib ki, bu gün Azərbaycan beynəlxalq birliyin müstəqil üzvü kimi öz mənafelərini qarşılıqlı hörmət prinsipi çərçivəsində həyata keçirir: “Bu isə Azərbaycanın müstəqil inkişafını təmin etməklə yanaşı, öz gücünə inamını, eləcə də ölkəmizə olan etimadı artırır. Eyni zamanda, Azərbaycan təkcə siyasi, iqtisadi məsələlərdə deyil, humanitar, mədəni sahələrdə də yeni qlobal mərkəz rolunu oynayır. Bu gün Azərbaycan ictimai-siyasi sabitliyin yüksək səviyyədə təmin edildiyi ölkələr sırasındadır. Birmənalı şəkildə qeyd etmək olar ki, Azərbaycanda hökm sürən ictimai-siyasi sabitliyin əsaslarını dövlət tərəfindən həyata keçirilən uğurlu islahatlar və tətbiq edilən yeniliklər, inkişaf modelləri təşkil edir. İnsan və vətəndaş hüquq və azadlıqlarının ən yüksək səviyyədə təmin edilməsi, qanunvericilik bazasının zənginləşdirilməsi, sosial-siyasi təsisatların legitimləşdirilməsi, vətəndaşların siyasi həyatda iştirakına maksimum şərait yaradılması kimi göstəricilər və nəticələr deyilənləri təsdiq edir.

Prezident İlham Əliyevin həyata keçirdiyi inkişaf strategiyasının fonunda reallaşdırılan demokratik islahatlar mütəmadi xarakter daşıyır. Azərbaycan siyasi, hüquqi, iqtisadi islahatları davam etdirmək əzmindədir və həyata keçirilən bütün tədbirlər ölkəmizin davamlı inkişafına xidmət edir. Xüsusilə də müxtəlif sahələrdə islahatların paralel aparılması reallaşdırılan siyasi kursun səmərəliliyini təmin edir. Prezident İlham Əliyvin də qeyd etdiyi kimi Azərbaycanda bütün azadlıqlar təmin edilib. Ona görə də, bu gün Azərbaycn sivil, demokratik dövlət kimi beynəlxalq müstəvidə qəbul olunur. Beləliklə,  əminliklə söyləmək olar ki, Ümummilli Lider Heydər Əliyevin qurduğu müasir Azərbaycan dövləti öz tarixinin yüksəlişlə müşayiət olunan şərəfli bir dövrünü yaşayır. Bu günün fövqündən baxanda Azərbaycanın gələcəyi işıqlı və firavan görünür. Bu faktorun əsasında da Ulu Öndər Heydər Əliyevin müəyyənləşdirdiyi siyasi kurs dayanır. Nə qədər ki, müstəqil Azərbaycan var, Heydər Əliyev ideyaları daim yaşayacaq və ölkəmizin inkişafının fövqündə dayanacaq”-deyə, S.Fətəliyeva qeyd edib.

Mürtəza
Ölkə.Az

ŞƏRH YAZ
0

Məmmədyarov və Mnatsakanyan arasında görüş başladı — FOTO

Məmmədyarov və Mnatsakanyan arasında görüş başladı
14:43
Bu gün
198
Siyasət
A
Azərbaycanın Xarici İşlər naziri Elmar Məmmədyarov və Ermənistanın Xarici İşlər naziri Zöhrab Mnatsakanyan arasında görüş başlayıb.

"Ölkə.Az" xəbər verir ki, görüş İsveçrənin Cenevrə şəhərində təşkil olunub.

Görüşdə Minsk Qrupunun rusiyalı həmsədri İqor Popov, ABŞ-lı həmsədri Endryu Şofer, fransalı həmsədri Stefani Viskonti və ATƏT-in Fəaliyyətdə olan sədrinin şəxsi nümayəndəsi Anjey Kasprşik iştirak edir. 

XİN başçıları Dağlıq Qarabağ münaqişəsinin dinc vasitələrlə nizamlanmasını müzakirə edirlər.

XİN rəhbərlərinin Cenevrə görüşü başladı - Yenilənir

ŞƏRH YAZ
0

Azərbaycan və Ermənistan XİN başçılarının görüşündən irəliləyiş gözləməyə dəyməz — Politoloq

Azərbaycan və Ermənistan XİN başçılarının görüşündən irəliləyiş gözləməyə dəyməz
13:17
Bu gün
208
Siyasət
A
Azərbaycan və Ermənistan XİN başçılarının Qarabağ münaqişəsinin tənzimlənməsi ilə bağlı keçiriləcək növbəti görüşündən hər hansı irəliləyiş gözləməyə dəyməz.

 Bunu “Ölkə.Az”a açıqlamasında politoloq İlqar Vəlizadə deyib.

 Onun sözlərinə görə, bu gün münaqişə tərəfləri problemin həllinə baxışda  diametral mövqe mövcuddur. “Daha doğrusu İrəvan indiyədək danışıqlar prosesində əldə olunan razılıqlardan imtina edib və faktiki olaraq danışıqlar prosesini pozub. Paşinyanın Qarabağla bağlı son bəyanatları bunun  bariz nümunəsidir. Paşinyanın verdiyi bu açıqlamalar, əslində, danışıqlar prosesini pozmağa və vaxt udmağa xidmət edir. Onun indi əsas hədəfi Qarabağ münaqişəsinin həlli deyil, həm Ermənistanda, həm də separatçı Dağlıq Qarabağ rejimində  tam hakimiyyəti ələ keçirib mövqelərini möhkəmləndirmə dir. Bununla da daxildə hakimiyyətə gözlənilən risklərdən qurtulmaqdır. Ona görə də Paşinyan məqsədyönlü şəkildə Ermənistanın keçmiş rəhbərliyi Dağlıq Qarabağın ətrafındakı rayonların azad olunması, o cümlədən Qarabağda referenduma razılıq verməsi barədə fikirləri dövriyyəyə buraxıb. O, bununla əsas rəqibləri olan “Qarabağ” klanını vurmaqla  separatçı Dağlıq Qarabağ rejimində keçiriləcək “prezident” seçkilərində öz admaını  burada hakimiyyətə gətirməklə siyasi mövqeyini möhkəmləndirmək istəyir. Belə olan şəraitdə münaqişənin həllində hər hansı məhsuldar və nəticəli   danışıqlardan söhbət gedə bilməz”- politoloq bildirib.

Mürtəza
Ölkə.Az

 

ŞƏRH YAZ
0
BAĞLA