KORONAVİRUSA YOLUXANLARIN SAYI - CANLI STATİSTİKA

Nə Stalin, nə Xruşov, nə də Brejnev Qarabağın ermənilərə verilməsinə razılıq vermədi, sonradan... — KQB GENERALINDAN ŞOK ETİRAFLAR

Nə Stalin, nə Xruşov, nə də Brejnev Qarabağın ermənilərə verilməsinə razılıq vermədi, sonradan...
16:46
21.02.2020
57507
Siyasət
A
“Hələ Stalin dövründə Dağlıq Qarabağın Azərbaycandan alınaraq Ermənistana verilməsini Moskvadan istəsək də, buna razılıq verilmədi. Nə Stalin, nə Xruşov, nə də Brejnev heç cür bu məsələ ilə razılaşmadı. Ancaq Mixail Qorbaçov SSRİ Mərkəzi Komitəsinin Baş katibi seçildikdən və 1985-ci ildə ABŞ-a səfəri zamanı arvadı Raisa Qorbaçovaya erməni diasporu ilə görüşündən sonra, məsələyə müsbət cavab verildi”.

“Ölkə.Az” xəbər verir ki, bu fikirlər 1983-cü ilin iyun ayından 1988-ci ilin mart ayına qədər Dövlət Təhlükəsizlik Komitəsinin (KQB) Dağlıq Qarabağ Muxtar Vilayəti bölməsinə rəhbərlik etmiş general-mayor Georgi Septaya məxsusdur.

Bunu  “Azeri.Today”-ə müsahibəsində Georgi Septa  erməni millətçilərinin separatçı fəaliyyəti və Kremlin Qarabağ münaqişəsində oynadığı rolla bağlı bəzi faktları açıqlayıb.

“Mixail Qorbaçova ABŞ-da səfərdə olarkən erməni diasporu onun arvadı Raisa Qorbaçovaya  bahalı  brilyant üzük hədiyyə ediblər və əvəzində o da zamanında Stalinin, Xruşovun və Brejnevin ermənilərə rədd cavabının əksinə olaraq Qarabağ məsələsinin onların xeyrinə həll olunmasına  razılıq verib.
 R.Qorbaçova ABŞ-da olarkən erməni diasporuna cavabı bu olub: “Qarabağ məsələsi tezliklə həll olunacaq”.

Özü haqqında danışan general-mayor G. Septa bildirib ki, 1939-cu ildə Naxçıvanda anadan olub və atası xüsusi xidmət orqanlaıında çalışıb. “Ona görə də əminliklə deyə bilərəm ki, “mən naxçıvanlıyam!”.Çünki mənim atam Naxçıvanda  çalışıb və xidməti vəzifəsini yerinə yetirərkən orada ölüb. Onu Naxçıvanda dəfn ediblər”- G. Septa deyib.

Onun sözlərinə görə, atası 1939-cu ildə öləndən sonra anası ilə Bakıya köçüblər və burada məktəbdə çalışıb.  Anası Ali Partiya məktəbini bitirdiyindən   indiki Yasamal rayonu ərazisindəki 211 saylı məktəbin direktoru işləyib. 

Azərbaycan Pedoqoji İnstitutunu bitirdikdən sonra  komsomolda müxtəlif vəzifələrdə çalışdığını deyən  Septa bildirib ki, 1968-ci ildə Mərkəzi Komsomol Komitəsinin Plenumunda  çıxış etdim və çıxışımın bir hissəsi Azərbaycan dilində oldu. Bu çıxışımı  Azərbaycan  KQB-sinin rəhbəri Heydər Əliyevin  gördüyünü və  yanına çağırdığını deyən Septa bildirib ki, H.Əliyev ondan xüsusi xidmət orqanlarına çalışmaq istəyib-istəmədiyini soruşub. “Mən  bu təklifə hazır olmadığım üçün özümü itirdim və dedim ki, anamla məsləhətləşim. H.Əliyev məni sakitləşdirərək dedi ki, anan etiraz etməyəcək. Növbəti gün gələrək KQB-də işləmək istədiyimi dedim. Əliyev mənə baş leytenant rütbəsi  verərək Birinci şöbənin 5-ci bölməsinə rəis müavini təyin etdi. Sonra mən İkinci  bölmənin  5-ci şöbəsinin rəisi işlədim. Daha sonra isə  Azərbaycan KQB-nin kadrlar şöbəsinin rəisi işlədim. Mənim Bakıda “Ermənikənd”də böyüdüyümü və bacarğımı bildiklərindən 1983-cü ildə  Azərbaycanın o zamankı Birinci katibi Kamran Bağırov məni  Azərbaycan KQB-nin Dağlıq Qarabağ Muxtar Viləyəti üzrə bölməsinə rəis göndərdi.

Septa deyir ki, əvvəlcə orada sakitlik idi. “Erməni gənclər əsasən Ermənistandakı ali  məktəblərdə oxuyub  Qarabağa qayıdırdılar.  Özü də  ideoloji hazırlıqlı vəziyyətdə... Təbii ki, mənə  müəyyən məlumatlar çatırdı.  Mən də öz növbəmdə  təcili olaraq  bütün bu məsələləri əvvəlcə  Bakı ilə bölüşürdüm, sonra isə Moskvaya və  SSRİ KQB-nin mərkəzi aparatına xəbər verirdim. Mənim həyəcanlı siqnallarıma isə  hər hansı reaksiya verilmirdi”- G.Septa vurğulayıb.

Septa onu da əlavə edib ki, o Xankəndində  Dağlıq qarabağ Muxtar Vilayət Partiya Komitəsinin rəhbəri Boris Gevorkovla qonşu olub: “Onun arvadı azərbaycanlı idi. Onu da deyim ki,  Bakıdan Xankəndinə köçən ermənilər yerli ermənilərdən fərqli olaraq azərbaycanlılara qarşı daha loyal idi”. 
Septanının arvadı Xankəndində Pedoqoji  İnstitutda müəllimə işləyib və o da bu hadisələrin birbaşa içində olub: “Erməni tələbə qızlar evdə olan bütün söhbətləri ona danışıb, o da öz növbəsində mənə danışırdı.1985-ci ildə Mixail Qorbaçov SSRİ-nin Baş katibi seçiləndə ermənilərin sevincinin həddi-hüdudu olmayıb. Onların sözlərinə görə, zamanında Stalin, Xruşov,Brejnev dövründə  Qarabağın Ermənistana verilməsi reallaşmadı, ancaq indi bu olacaq. Tələbələr bunu yoldaşıma deyiblər”.

Septanın sözlərinə görə, ermənilər deyirmiş ki, Qorbaçov bizə kömək edəcək: “Xüsusən də Raisa Qorbaçova. O, Qarabağ məsələsində onların  dayağı və müdafiəçisi olacaq.  O zaman  hesab edirdim ki, bu, mənasız söhbətdir.  Ancaq sonrakı proseslər göstərdi ki, bu, boş söhbət deyilmiş”.
 Bir KQB işçisi kimi erməni separatizmi ilə mübarizə aparmaq məsələsinə gəldikdə isə G. Septa deyib ki, hadisələr qarışanda, artıq mübarizə aparmaq gec idi:.  “Mən o zaman nə Azərbaycan, nə də SSRİ KQB-si tərəfindən ciddi addımların atıldığının şahidi olmadım.  Onlar görüntü yaradırdılar ki, guya işləyirlər.  Mən bir dəfə İrəvana Zori Balayanla görüşə getdim. Səmimi olaraq deyəcəyəm.  Xankəndində əsas  “mutilşik” Zori Balayan idi. Görüşdə mənə açıqca dedi ki, o “dənizdən dənizə” Ermənistan yaratmaq arzusundadır və  Bakını da erməni şəhəri hesab edirdi. O psixi cəhətdən xəstə adam idi. Onun xəstəliyi “Böyük Ermənistan”yaratmaq idi”.

Onun fikrincə, 80-ci illərdə Dağlıq Qarabağda azərbaycanlıların sayı ermənilərə nisbətə azalırdı: “Təkcə Şuşa və Xocalıda azərbaycanlılar  böyük əksəriyyət təşkil edirdi. Ona görə də  bu vəziyyətin yaranmaması üşün azərbaycanlıların demoqrafik vəziyyətinə diqqət yetirmək  və bunu dəyişmək lazım idi. Orada yaşayn azərbaycanlıların sayı mütləq artırılmalı idi”. 

Ermənilərə qarşı ayrı-seçkilik məsləsinə gəldikdə G.Septa bildirib ki, Azərbaycanda ermənilərə qarşı hər hansı ayrı-seçkilik və yaxud təzyiqlər yox idi:  “Elə götürək Bakı ermənilərini... Bakıda bəzi rayon partiya komitələrinin  katibi  ermənilər idi. Ermənilər Bakıda yaxşı vəzifədə çalışırdı. Hətta  indi də  Bakı ermələri Azərbaycan haqqında xoş xatirələrini danışırlar”.

Hazırladı: Mürtəza
Ölkə.Az

ŞƏRH YAZ
1

İlham Əliyev Bakı-Sumqayıt yolunun genişləndirilməsi çərçivəsində görülən işlərlə tanış oldu — FOTO / YENİLƏNİB

İlham Əliyev Bakı-Sumqayıt yolunun genişləndirilməsi çərçivəsində görülən işlərlə tanış oldu
14:43
Bu gün
1276
Siyasət
A
Azərbaycan Respublikasının Prezidenti İlham Əliyev aprelin 3-də Bakı-Sumqayıt yolunun genişləndirilməsi çərçivəsində görülən işlərlə tanış olub.

Dövlətimizin başçısı Moskva prospekti ilə 20 Yanvar küçəsinin kəsişməsində tikilən yerüstü piyada keçidinin açılışında da iştirak edib.

Bakı-Sumqayıt yolunun genişləndirilməsi çərçivəsində görülən işlər barədə Prezident İlham Əliyevə məlumat verən Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov deyib:

“Möhtərəm cənab Prezident, biz Sizin Sərəncamınızla Bakı-Quba-Rusiya Federasiyası ilə dövlət sərhədi avtomobil yolunun 7-ci kilometrindən başlayaraq 14-cü kilometrə - Masazır körpüsü deyilən yerə qədər yolların genişləndirilməsi ilə artıq beşinci aydır ki, məşğuluq. Burada bizim əsas məqsədimiz 20 Yanvar – “Şamaxinka” deyilən tunelin çıxışından başlayaraq mövcud dörd hərəkət zolaqlı avtomobil yolunu genişləndirmək idi. Ondan əlavə, Sizin göstərişinizlə “Xırdalan dairəsi” deyilən hissədə yeni tunelin inşasına başlamışıq. Deməli, mərkəzdən gələn maşınlar yalnız Bakı-Quba-Rusiya Federasiyası istiqamətində hərəkət edəcəklər. Biz 20 Yanvar dairəsindən hərəkətin istiqamətini yol nişanları ilə ayıracağıq. Yəni, Binəqədiyə, Biləcəriyə, ondan əlavə, Masazıra və Sumqayıta gedən avtomobillər sağ hissə ilə iki zolaqda hərəkət edəcəklər. Yolun Xırdalan dairəsi hissəsində yeni tunel və 495 metr uzunluğunda, 7,5 metr enində iki hərəkət zolaqlı yan yolu açmışıq. Yeni tikilən tunelin eni 9 metrdir. Bundan əlavə də bir yenilik etmişik. Deməli, Şamaxıdan, Xocəsəndən və Lökbatandan gələn avtomobillərin birbaşa 20 Yanvar dairəsinə girişini məhdudlaşdırmışıq. Biz bu hissədə işlərin artıq 80 faizini yerinə yetirmişik. May ayının sonuna qədər yəqin ki, tamamlayacağıq.

Möhtərəm cənab Prezident, bu dəmir yolu körpüsü 1960-cı illərdə tikilmişdir, onun dayaqları yeni açılacaq tunelə maneçilik törədirdi. Siz göstəriş vermisiniz, burada 65 metr uzunluğunda, orta dayaqları olmayan yeni bir körpünün inşası nəzərdə tutulub. Biz bu körpünü də tam hazır edəcəyik, dəmir konstruksiyadan ibarət olacaq. Dəmir yolu xəttinin dayandırılması məhdudiyyəti olmayacaq və hazır olan kimi biz o körpünü gətirib quraşdıracağıq. Burada isə əvvəlki ekologiya postu sökülür, yenisi tikilir”.

Prezident İlham Əliyev: “Bu yol oradan genişləndiriləcək?”

Saleh Məmmədov: “Bəli, genişləndirəcəyik. Post götürülür və Xırdalandan, Şamaxıdan gələn avtomobillərin mərkəzi yola girməsi üçün burada döngə də yaradacağıq. Həm Rusiya-Quba istiqamətindən, həm Sumqayıtdan, həm də Şamaxıdan və Sulutəpədən gələn avtomobillərin mərkəzi yola çıxışını təmin edəcəyik.

Möhtərəm cənab Prezident, bu isə “Şamaxinka” deyilən ərazidə yeni inşa olunmuş piyada keçididir. Bu piyada keçidi Azərbaycanda ilk dəfə olaraq pilon üsulu ilə, yəni orta dayağı olmadan tikilib, aşırımı burazlar saxlayır“.

Prezident İlham Əliyev deyib:

“Son illər ərzində Bakıda bir çox yol-nəqliyyat layihələri icra edilmişdir. Əgər bu layihələr icra edilməsəydi, bu gün Bakıda tıxacdan tərpənmək mümkün deyildi”.

Saleh Məmmədov: “Bəli, cənab Prezident”.

Prezident İlham Əliyev: “Onlarla körpü, yol qovşaqları, yeni yolların çəkilişi, yolların genişləndirilməsi, yol çəkilişində nəzərdə tutulan standartlar. Təsadüfi deyil ki, Davos Ümumdünya İqtisadi Forumu Azərbaycanda yol təsərrüfatının keyfiyyətini ən yüksək qiymətlərlə fərqləndirir və yolların keyfiyyətinə görə biz dünyada 30-cu yerlərdəyik. Ancaq əhali artır, fəallıq artır. Baxmayaraq ki, indi koronavirus dövründə iqtisadi fəallıq aşağı düşüb, amma bu, müvəqqəti məsələdir. Bu xəstəliyə qarşı mübarizə yekunlaşandan sonra iqtisadi fəallıq bərpa ediləcək.

Nəzərə alsaq ki, Bakı-Sumqayıt yolu artıq mövcud olan nəqliyyatı götürə bilmir və hərəkət çox intensiv xarakter daşıyır, əlbəttə, bu yolun genişləndirilməsi zəruri idi. Çünki indi Bakı ilə Sumqayıt elə bil ki, birləşib, bir çox adamlar Bakıda işləyib Sumqayıtda yaşayırlar və əksinə. Ona görə bu yolun strateji xarakterini nəzərə alaraq, - eyni zamanda, bu, şimal istiqamətə gedən yoldur, - biz bu layihəni icra edirik. Bu, əlbəttə, texniki cəhətdən asan layihə deyil. Çünki çoxlu köçürülmələr, yeni körpülərin tikintisi, bəzi obyektlərin köçürülməsi nəzərdə tutulur. Bu nəqliyyat layihəsinin icrası Dövlət İnvestisiya Proqramında da nəzərdə tutulur. Ona görə piyada keçidlərinin tikintisi, - bu istiqamətdə də son illər böyük işlər görülüb və vətəndaşların təhlükəsizliyi üçün bunun çox böyük əhəmiyyəti var, - yol infrastrukturunun müasirləşdirilməsi, tıxacların azalması və aradan qaldırılması istiqamətində əlavə addımlar atılacaqdır. Əlbəttə, Azəravtoyol, Bakı Nəqliyyat Agentliyi, nəqliyyatla məşğul olan digər qurumlar həm yolların genişləndirilməsi, həm də keyfiyyəti ilə bağlı bütün bu işləri əlaqəli şəkildə aparmalıdırlar. Eyni zamanda, yollarda tənzimləyici qaydaların tətbiq edilməsi nəticəsində “yaşıl dəhlizlər”in yaradılması da nəzərdə tutulur və bu istiqamətdə işlər aparılır. Ona görə bu işləri davam etdirmək lazımdır. Yol və bütün qovşaqlar nəzərdə tutulmuş vaxtda, yəni, təqribən iki aya və maksimum üç ay ərzində istifadəyə verilməlidir. Bu, insanlara rahatlıq gətirəcək və bu yolda tıxacların yaranmasına imkan verməyəcək”.

Saleh Məmmədov: “Cənab Prezident, bunlar hamısı Sizin göstərişiniz əsasında həyata keçirilir. Biz də söz veririk ki, bütün bu işləri iki ay müddətinə başa çatdıraq və bununla da insanların Sumqayıt və Rusiya istiqamətində rahat hərəkətini tam tənzimləyək”.

Prezident İlham Əliyev: “Şamaxı yolunun bu hissəsini də genişləndirirsiniz?”

Saleh Məmmədov: “Bəli. Buradan gələn maşınların düz keçəndə bir-birinə maneə törətməməsi üçün”.

Prezident İlham Əliyev: “Burada həmişə tıxac yaranırdı, döngə də çox dar idi”.

Saleh Məmmədov: “Bəli, bu hissə dar idi”.

Prezident İlham Əliyev: “Hansı tərəfin hesabına genişləndirirsiniz?”

Saleh Məmmədov: “Sağ tərəfdəki o dairənin hesabına”.

Qeyd edək ki, son dövrlərdə dünyada neftin qiymətinin kəskin sürətdə aşağı düşməsinə və iqtisadi çətinliklərə baxmayaraq, Azərbaycanda Prezident İlham Əliyevin rəhbərliyi ilə sosial-iqtisadi inkişafla bağlı nəzərdə tutulan bütün işlər uğurla və vaxtında icra olunur. Sosial sahənin mühüm elementi olan yol infrastrukturunun müasirləşdirilməsi, respublikanın hər yerində yol təsərrüfatının yenidən qurulması bunun əyani göstəricisidir. Son illərdə Bakıda da yolların müasir səviyyədə yenidən qurulması və genişləndirilməsi istiqamətində çox mühüm işlər görülür. Bütün bu tədbirlər vətəndaşların rahatlığının və onların təhlükəsizliyin təmin olunmasına yönəlib. Prezident İlham Əliyevin tapşırığına uyğun olaraq Bakı-Sumqayıt yolunun genişləndirilməsi layihəsi bu baxımdan çox böyük rol oynayır. Bakı şəhərinin şimal girişində xüsusən günün pik saatlarında yaranan tıxac və avtomobillərin sıxlığının aradan qaldırılması baxımından bu layihənin olduqca mühüm əhəmiyyəti var. Layihənin icrası ilə nəqliyyat vasitələrinin paytaxta rahat və təhlükəsiz giriş-çıxışı təmin olunacaq.

Sonra dövlətimizin başçısı Moskva prospekti ilə 20 Yanvar küçəsinin kəsişməsində tikilən yerüstü piyada keçidinin açılışında iştirak edib.

Prezident İlham Əliyevin tapşırıq və göstərişləri, müvafiq sərəncamları ilə hazırda avtomobil yollarında hərəkətin təhlükəsizliyini və vətəndaşların avtomobil yollarını rahat və təhlükəsiz şəkildə keçməsini təmin etmək məqsədilə kompleks tədbirlər icra olunur. Bu baxımdan yerüstü və yeraltı piyada keçidlərinin tikintisi işləri xüsusi əhəmiyyəti ilə seçilir. Görülən işlər ümumilikdə paytaxtımızın nəqliyyat infrastrukturunun müasirləşdirilməsinə töhfə verir. Bu istiqamətdə icra olunan kompleks tədbirlərin bir hissəsi kimi Moskva prospekti ilə 20 Yanvar küçəsinin kəsişməsində tikilən yerüstü piyada keçidinin də mühüm əhəmiyyəti var. Belə ki, bu ərazi həm nəqliyyat vasitələrinin, həm də piyadaların çox olduğu yerdir. Yerüstü piyada keçidinin burada inşası piyadaların təhlükəsizliyini təmin etməklə yanaşı, ərazidə yarana biləcək tıxacların qarşısını da alacaq və nəticədə avtomobillərin hərəkətinin intensivliyi təmin olunacaq. Keçidin inşasına 2018-ci ildə başlanılıb. Keçidin uzunluğu 130, eni isə 3 metrdir.

***

Azərbaycan Respublikasının Prezidenti İlham Əliyev aprelin 3-də Bakı-Sumqayıt yolunun genişləndirilməsi çərçivəsində görülən işlərlə tanış olub.

"Ölkə.Az" xəbər verir ki, dövlətimizin başçısı Moskva prospekti ilə 20 Yanvar küçəsinin kəsişməsində tikilən yerüstü piyada keçidinin açılışında da iştirak edib.

ŞƏRH YAZ
0

Əli Əhmədov: “Vəziyyət təsəvvür edildiyindən qat-qat ciddidir”

Əli Əhmədov: “Vəziyyət təsəvvür edildiyindən qat-qat ciddidir”
13:59
Bu gün
981
Siyasət
A
“Koronavirus pandemiyasının bir sıra ölkələr üzrə statistikası insanı dəhşətə gətirir. Vəziyyət təsəvvür edildiyindən qat-qat ciddidir”.

"Ölkə.Az"ın xəbərinə görə, bu fikirləri Baş nazirin müavini, hakim Yeni Azərbaycan Partiyası (YAP) sədrinin müavini - icra katibi Əli Əhmədov özünün “Facebook” səhifəsində yazıb.

Onun sözlərinə görə, Azərbaycan hökuməti virusa yoluxmaların qarşısının alınması və yoluxanların müalicəsi üçün Prezident İlham Əliyevin tapşırığı ilə və bilavasitə nəzarəti altında mümkün olan bütün qabaqlayıcı tədbirləri görür və bundan sonra da görəcək: “Lakin təhlükəli virusun yayılmasının və böyük faciələrə gətirib çıxarmasının qarşısının alınmasında hamının və hər kəsin iştirakı həyati əhəmiyyət kəsb etməyə başlayıb. Acı reallıqlarla və tükürpədən faciələrlə üz-üzə qalmış ölkələrin təcrübəsi göstərir ki, ayrılıqda götürülmüş fərdin sağlamlığı hamının, bütün cəmiyyətin sağlamlığı dərəcəsinə yüksəlib. Hər kəsin şəxsi məsuliyyət dərəcəsi heç zaman olmadığı qədər əhəmiyyət və dəyər kəsb etməyə başlayıb”.

YAP rəsmisi qeyd edib ki, amansız virusun törətdiyi insan faciələri qarşısında aciz qalan ölkələrin acı təcrübəsi hər birimizə ibrət dərsi olmalıdır: “Hər kəsin vətəndaş mövqeyini və şəxsi məsuliyyətini ortaya qoyması zamanıdır. Söhbət nə qədər şəxsi sağlamlığından, yaxınların sağlamlığından gedirsə, o qədər də dövlət və milli maraqlardan gedir.

İndiki həssas anlarda şəxsi məsuliyyət, birlik və həmrəylik anlayışları mahiyyət etibarilə çox sadə düstura malikdir: evdə qal, özünü virusa yoluxdurma, ata-ananı, övladlarını və nəvələrini virusa yoluxdurub təhlükə altına atma.

Bu sadə, lakin həyati məna daşıyan tələblərə biğanəlik göstərilməsi acı nəticələrə gətirən, bağışlanmaz səhv və günah olardı. Gəlin bağışlanmaz səhv etməyək, günaha batmayaq. Həm özümüzü və yaxınlarımızı, həm də xalqımızı dəhşətli faciələrdən birlikdə qoruyaq. Gəlin qarşıdakı üç həftədə “EVDƏ QAL ” şüarını gələcəyimiz naminə həyat tərzimizə çevirək. Buna hər birimizin, bizim sevdiklərimizin və bizi sevənlərin çox, lap çox ehtiyacı var”.

ŞƏRH YAZ
0
BAĞLA