"Neçəsindən imtina etdim, axırda birinə "ilişdim"" — Rasim Balayev

15:12
16.05.2019
6540
Mədəniyyət
A
Xalq artisti Rasim Balayev çəkiliş meydançasında soyuqlayıb.

 Bu barədə "Ölkə.Az"-a sənətkar özü danışıb:

Bu yaxınlarda möhkəm soyuqlamışdım, beş gün evdə müəlicə olundum, xeyri olmadı. Həkim iynə vurandan sonra düzəldim. Neçə ildən sonra bir film təklifini qəbul etdim. Həmin çəkilişdə hiss etdim ki, titrədirəm. Çəkiliş açıq məkanda idi. Gecə ikidə nazik kostyumda çəkildim. Gördüm ki, ondan sonra vəziyyətim pisləşir. Yenicə düzəlmək istəyirdim, bir də xəstələndim. Hiss edirəm ki, immunitetim zəifləyir. Havalar da dəyişkəndir deyə adam bilmir nə etsin".

Xalq artisti bildirib ki, bundan öncə iyirmiyə yaxın filmdən imtina edib: 

"Neçə ildir 15-20 filmdən imtina etdim, axırda birinə "ilişdim". O da belə oldu". 

İntiqam VALEHOĞLU
Ölkə.Az

ŞƏRH YAZ
0

Əməkdar artistin ölüm SƏBƏBİ AÇIQLANDI — FOTO

Əməkdar artistin ölüm SƏBƏBİ AÇIQLANDI
10:21
Bu gün
5232
Mədəniyyət
A
Ötən gün vəfat edən Gəncə Dövlət Kukla Teatrının aktyoru, əməkdar artist Nağəddin Məmmədovun ölüm səbəbi bilinib.

Bu barədə "Ölkə.Az"-a teatrda verilən məlumatda qeyd edilib ki, aktyorun başında onkoloji şiş var imiş:

"Hər gün işə gəlirdi. Amma vəfat edən gün gəlməmişdi. Evdə özünü pis hiss etdiyini deyib. Cəmi bir-iki saat sonra vəfat edib".

Qeyd edək ki, N.Məmmədovun 52 yaşı var idi.

İntiqam VALEHOĞLU
Ölkə.Az

ŞƏRH YAZ
0

Leyla Əliyeva “Mənim balaca şahzadəm” cizgi filminin təqdimatında iştirak edib

Leyla Əliyeva “Mənim balaca şahzadəm” cizgi filminin təqdimatında iştirak edib
00:11
Bu gün
1828
Mədəniyyət
A
Mayın 23-də Nizami Kino Mərkəzində “Azanfilm” studiyasının istehsalı olan “Mənim balaca şahzadəm” cizgi filminin təqdimatı keçirilib.

"Ölkə.Az" bildirir ki, tədbirdə Heydər Əliyev Fondunun vitse-prezidenti Leyla Əliyeva da iştirak edib.

Təqdimatı Azərbaycan Respublikası Kinematoqrafçılar İttifaqının birinci katibi, Əməkdar incəsənət xadimi Cəmil Quliyev açaraq gənc rəssam Məryəm Ələkbərlinin fransız yazıçısı Antuan de Sent-Ekzüperin məşhur “Balaca şahzadə” əsərinə həsr edilmiş 30-a yaxın rəsm əsərinin olduğunu və dünyanın bir çox nüfuzlu sərgi salonlarında bu əsərlərin nümayiş etdirildiyini diqqətə çatdırıb. Bu əsərlərin təsiri altında həmin bu animasiya filmi ərsəyə gəlib. Animasiya növü yaradıcı insanın xəyallarını canlandırmağa geniş imkanlar açır.

Məryəm Ələkbərlinin zəngin rəssamlıq dünyasından söhbət açan Xalq yazıçısı Elçin Əfəndiyev bildirib ki, animasiya filminin qəhrəmanı ilə Məryəmin mənəvi aləmi üst-üstə düşür. “Balaca şahzadə” dünya uşaq ədəbiyyatının klassik nümunəsidir. Bu filmin yaranmasının əsas səbəbi bu bağlılıq olub. Film üzərində çox istedadlı yaradıcı kollektiv çalışıb və ekran əsəri yeni texnologiyalar əsasında il yarım ərzində ərsəyə gəlib.

“Azanfilm” studiyasının direktoru Mansur Şəfiyev cizgi filmi barədə məlumat verib. Bildirib ki, cizgi filminin ideya müəllifi Xalq yazıçısı Elçin Əfəndiyev, prodüseri Müşfiq Hətəmov, rejissoru Arif Məhərrəmovdur. Filmin çəkilişlərində Cəfər Cabbarlı adına “Azərbaycanfilm” kinostudiyasında 2014-cü ildə istehsal olunan “Sirr” filminin materiallarından istifadə edilib.

Sonra animasiya filmi nümayiş olunub.

Ölkə.Az

ŞƏRH YAZ
0
BAĞLA