8 nəfərin öldüyü qəza ilə bağlı DƏHŞƏTLİ fakt — "270 km yolu 1 saata gedib" + VİDEO

8 nəfərin öldüyü qəza ilə bağlı DƏHŞƏTLİ fakt
20:52
11.07.2019
8874
Hadisə
A
Masallı rayonunda səkkiz nəfərin ölümü ilə nəticələnən mikroavtobus qəzası bir neçə ailəni yasa boğub.

“Ölkə.Az” baku.tv-yə istinadən xəbər verir ki, bu gün onların üç mərasimdir.

Rzayevlər ailəsinin yaxınları qəzada birbaşa “99 LH 458” nömrəli “Mercedes” markalı avtomobilin sürücüsü, Lerik rayon sakini Nizami Mustafayevin günahkar olduğunu bildirirlər. Onların sözlərinə görə, qəzanı törədən şəxs hər zaman avtomobili yüksək sürətlə idarə edirmiş. İddiaya görə, hadisə baş verən gün sürücü 270 kilometrlik yolu bir saata qət edib.

Qəza baş verən günü sürücünün həyat yoldaşı, bacısı və bacısının azyaşlı övladı da avtobusda olub. İddia olunur ki, hətta Nizami Mustafayev maşını yüksək sürətlə idarə etdiyi üçün öz həyat yoldaşı avtobusdan düşərək qayınatasının avtobusuna minib.

Ailənin yaxınları sonda müvafiq qurumlara müraciət edərək, bu kimi sürücülərə qarşı ciddi tədbirlər görülməsini istəyiblər.

Ölkə.Az

ŞƏRH YAZ
0

Göygöldə toyda qan töküldü

Göygöldə toyda qan töküldü
05:15
Bu gün
463
Hadisə
A
Göygöldə bıçaqlanma hadisəsi baş verib.

"Ölkə.Az" APA-ya istinadən xəbər verir ki, hadisə rayondakı “Sultan Plaza” şadlıq sarayında qeydə alınıb. 

Rayon sakini, 1993-cü il təvəllüdlü Cəfərov Elman Elşən oğlu döş qəfəsinin kəsilmiş, deşilmiş yarası diaqnozu ilə xəstəxanaya yerləşdirilib. O, dərhal əməliyyat olunub.  

26 yaşlı xəstənin vəziyyətinin kafi olduğu bildirilir. 

E.Cəfərovun yaxınlarının sözlərinə görə, o, tanıdığı şəxs tərəfindən toy şənliyində bıçaqlanıb.  

Faktla bağlı Göygöl Rayon Polis Şöbəsində araşdırma aparılır. 

Ölkə.Az

ŞƏRH YAZ
0

Qaradağda avtomobil “Şaqman”la toqquşu — xəsarət alan var

Qaradağda avtomobil “Şaqman”la toqquşu
02:09
Bu gün
430
Hadisə
A
Bakının Qaradağ rayonu ərazisində ağır yol-nəqliyyat hadisəsi baş verib.

"Ölkə.Az" report-a istinadən xəbər verir ki, hadisə Səngəçal qəsəbəsində qeydə alınıb.

Belə ki, “Şaqman” markalı yük avtomobili ilə digər nəqliyyat vasitəsi toqquşub. Qəza nəticəsində Şirvan şəhər sakini Bünyadov Xəyal Nizami oğlu ağır bədən xəsarətləri alıb.

Yaralı dərhal təcili yardımın köməkliyi ilə xəstəxanaya çatdırılıb.

Müayinə zamanı ona, döş qəfəsinin küt travması və bədənin müxtəlif dərəcəli travmaları diaqnozu qoyulub. Qəzanın təfərrüatı DYP əməkdaşları tərəfindən araşdırılır.

Ölkə.Az

ŞƏRH YAZ
0
BAĞLA