Neftçalada iki nəfəri ildırım vurdu

Neftçalada iki nəfəri ildırım vurdu
19:28
10.09.2019
3074
Hadisə
A
Neftçalada iki nəfəri ildırım vurub.

"Ölkə.Az"ın oxu.az-a istinadən məlumatına görə, hadisə rayonun Tatarməhlə kənd ərazisində qeydə alınıb.

Belə ki, ərazidə yerləşən obada çalışan Şamaxı sakini, 1991-ci il təvəllüdlü Qarayev Vaqif Azər oğlu və 1990-ci il təvəllüdlü Abdullayev Təvəkkül Tural oğlu açıq havada çörək yedikləri zaman onları ildırım vurub.

Neftçala Rayon Mərkəzi Xəstəxanasına çatdırılan xəstələrdən birinin vəziyyəti stabil olduğundan ambulator müalicəyə buraxılıb.

Vaqif Qarayev isə reanimasiya şöbəsinə yerləşdirilib.

Ölkə.Az

ŞƏRH YAZ
0

Gömrükdən daxili orqanında narkotik keçirmək istəyən şəxs tutuldu

Gömrükdən daxili orqanında narkotik keçirmək istəyən şəxs tutuldu
03:52
Bu gün
406
Hadisə
A
Azərbaycan gömrükçüləri ölkəyə daxili orqanında narkotik vasitə keçirmək istəyən şəxsi saxlayıblar

"Ölkə.Az" xəbər verir ki, Dövlət Gömrük Komitəsinin Cənub Ərazi Baş Gömrük İdarəsi Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, piyada yolla İran İslam Respublikasından gələn Azərbaycan Respublikası vətəndaşı Biləsuvar gömrük postunda saxlanılıb.
Şifahi sorğu-sual zamanı vətəndaş üzərində gömrük nəzarətindən gizlədilən və mütləq bəyan olunmalı hər hansı bir predmetin, o cümlədən narkotik vasitə, psixotrop maddələrin olmadığını bildirib.

Sonra vətəndaşın daxili orqanlarının tibbi müayinədən keçirilməsi zərurəti yaranıb. Biləsuvar Mərkəzi Rayon Xəstəxanasında aparılan tibbi müayinə nəticəsində vətəndaşın düz bağırsağından, şəffaf sellofana bükülü, ümumi çəkisi 94 qram olan qəhvəyi rəngli, narkotik vasitə - heroin, çəkisi 3 qram olan tünd qəhvəyi rəngli, narkotik vasitə - tiryək aşkarlanıb.

Faktla bağlı araşdırma aparılır.

Natiq Allahverdiyev
Ölkə.Az

ŞƏRH YAZ
0

FHN universitetdə yanğın xəbərini təkzib etdi

FHN universitetdə yanğın xəbərini təkzib etdi
02:58
Bu gün
237
Hadisə
A
FHN ADNSU-da yanğın olması barədə yayılan məlumatlara münasibət bildirib.

"Ölkə.Az" xəbər verir ki, FHN-in mətbuat xidmətinin rəhbəri Gülçin Mehdiyeva APA-ya açıqlamasında deyib ki, nazirliyin "112" xidmətinə ADNSU-da yanğın olması barədə məlumat daxil olub.

Daxil olan məlumat əsasında hadisə yerinə yanğınsöndürənlər çıxıb. Lakin məlumat təsdiqini tapmayıb:

"Yanğın olması barədə yayılan məlumatlar yalandır".

Ölkə.Az

ŞƏRH YAZ
0
BAĞLA