"Neftçi" Avropa Liqasına qələbə ilə başladı

23:52
12.07.2018
2522
İqtisadiyyat
A
"Neftçi" klubu Avropa Liqasında mübarizəyə qələbə ilə başlayıb.

"Ölkə.Az" xəbər verir ki, "ağ-qaralar" I təsnifat mərhələsinin evdə keçirdikləri ilk matçında Macarıstan "Uypeşt"ini üstələyiblər.

Oyunda hesabı 8-ci dəqiqədə Daniel Naginin qolu ilə qonaqlar açıb. Ancaq Baqali Dabo 24 və 71-ci dəqiqələrdə fərqlənməklə, "Neftçi"ni önə keçirib.

Emin Mahmudov isə 90+2-ci dəqiqədə son nöqtəni qoyub - 3:1.

Qeyd edək ki, Avropa Liqasının bu gün keçirilən digər matçlarında Azərbaycan təmsilçiləri "Qəbələ" və "Keşlə" uduzub. "Qırmızı-qaralar" öz meydanında Lüksemburq "Proqres"inə yenilib - 0:2. Keşləlilər isə Maltada "Baltsam"a 1:4 hesabı ilə məğlub olub. 

I təsnifat mərhələsinin cavab oyunları iyulun 19-da keçiriləcək.

Ölkə.Az

ŞƏRH YAZ
0

Maliyyə bazarlarındakı yoxlamalara məhdudiyyət olmayacaq

Maliyyə bazarlarındakı yoxlamalara məhdudiyyət olmayacaq
13:44
Bu gün
1445
İqtisadiyyat
A
Azərbaycan Prezidenti İlham Əliyev “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanuna dəyişikliyi təsdiqləyib.

“Ölkə.Az” xəbər verir ki, sənədə əsasən "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun 2.2-ci maddəsinə “vergi yoxlamalarına” sözlərindən sonra “və maliyyə bazarları sahəsində aparılan yoxlamalara” sözləri əlavə edilib.

Bu dəyişiklik maliyyə bazarlarındakı yoxlamalara tətbiq edilən məhdudiyyətin aradan qaldırılmasını nəzərdə tutur. 

Ölkə.Az

ŞƏRH YAZ
0

Neftimiz ucuzlaşdı

Neftimiz ucuzlaşdı
13:43
Bu gün
782
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,11 dollar və yaxud 0,16% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 68,49 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0
BAĞLA