“Neftçi” iki futbolçu ilə müqavilənin müddətini artırdı
“Neftçi” PFK futbolçu Namik Ələskərovla 2019/2020 mövsümünün sonunda bitməli olan müqavilənin müddətini artırıb.
“Ölkə.Az” xəbər verir ki, anlaşmaya görə, 24 yaşlı yarımmüdafiəçi 2020/2021 mövsümünün sonunadək klubun formasını geyinəcək.
Namik Ələskərov 2016-2019-cu illər ərzində “Neftçi”nin heyətində 70 oyuna çıxıb, 12 qol vurub.
Bundan başqa, Rəhman Hacıyevlə də müqavilə daha 1 il müddətinə artırılıb. Anlaşmaya görə, 25 yaşlı yarımmüdafiəçi 2020/2021 mövsümünün sonunadək komandamızın şərəfini qoruyacaq.
Qeyd edək ki, 2014/2015 mövsümündən “Neftçi”də çıxış edən Rəhman Hacıyev bu müddət ərzində meydana çıxdığı 145 oyunda 15 qola imza atıb.
Ölkə.Az