“Neftçi” qalmaqallı qol vurdu — Dava düşdü

“Neftçi” qalmaqallı qol vurdu
21:35
01.09.2019
1698
İdman
A
Azərbaycan Premyer Liqasının 3-cü turunda daha bir oyun keçirilib.

“Ölkə.Az” xəbər verir ki, “Neftçi” öz meydanında “Sumqayıt”la qarşılaşıb.

3 qolun vurulduğu matçda 3 futbolçuya da qırmızı vərəqə göstərilib. Gərgin keçən matçın son saniyələrində dava düşüb.

90+3-cü dəqiqədə “Sumqayıt”ın futbolçusu zədələnərək yerdə qaldığından qapıçı Mehdi Cənnətov topu kənara çıxarıb. Amma “Neftçi” futbolçuları bu jestə qarşılıq verməyib. Dərhal topu meydana daxil edən Anton Krivotsyuk Stiven Monroza ötürmə edib. Monroz da topu qapıya göndərib və “Neftçi” 2:1 hesabı ilə qalib gəlib.

“Sumqayıt”ın kapitanı Vurğun Hüseynov Krivostyukun bu hərəkətinə sərt şəkildə etirazını bildirib və ona sillə vurub. Hakim də hər iki futbolçunu meydandan qovub. Krivotsyuk ikinci sarı vərəqə, Vurğun isə birbaşa qırmızı vərəqə alıb.

Həmin epizoda görə hər iki komandanın məşqçiləri arasında da dava düşüb.

“Neftçi” - “Sumqayıt” 2:1

Qol: E.Mahmudov, 64. S.Monroz, 90+4 - M.Şərifi, 31-pen.

Qırmızı vərəqə: M.Xaçayev, 82 (ikinci sarı, “Sumqayıt”), Krivostyuk, 90+5 (ikinci sarı, “Neftçi”), Vurğun Hüseynov, 90+5 (“Sumqayıt)

ŞƏRH YAZ
0

Avro-2020 könüllüləri üçün xüsusi gecə təşkil olunub — FOTO

Avro-2020 könüllüləri üçün xüsusi gecə təşkil olunub
23:01
25.01.2020
406
İdman
A
AFFA tərəfindən 2019-cu ilin iyun ayından etibarən könüllülərin qeydiyyat mərhələsinə start verilib.

"Ölkə.Az" xəbər verir ki, 5 ay ərzində 6797 könüllü namizəd qeydiyyatdan keçib.

Müraciət sayına görə Bakı şəhəri Avropa çempionatı təşkil olunacaq 12 şəhər arasında ən yüksək göstəriciyə sahibdir. 6000-dən çox namizədlə təkbətək müsahibə aparılıb.

Bu oyunlarda fəaliyyət göstərəcək könüllülər üçün bu gün “Elektra Events Hall”da xüsusi gecə təşkil olunub. Tədbirdə AFFA-nın prezidenti Rövnəq Abdullayev, Gənclər və İdman naziri Azad Rəhimov, AFFA-nın baş katibi Elxan Məmmədov, Avro-2020-nin Bakıda keçiriləcək oyunlarının səfiri Vəli Qasımov, Könüllülər proqramının səfiri Taleh Yüzbəyov iştirak edib. Çıxışlar zamanı Prezident İlham Əliyevin gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə 2020-ci ili Azərbaycanda “Könüllülər ili” elan etməsi xüsusi qeyd olunub. Rövnəq Abdullayev və Azad Rəhimov çıxışlarında öz kreativliyi, təşəbbüskarlığı, innovativ düşüncə tərzi və müasir dünyagörüşləri ilə Avro-2020-yə yeni nəfəs verən könüllülərin və könüllü fəaliyyətinin əhəmiyyətindən bəhs ediblər.

Çıxışlardan sonra Rövnəq Abdullayev, Azad Rəhimov və Elxan Məmmədov tərəfindən Avro-2020-nin Bakını təmsil edən səfiri Vəli Qasımova, həmçinin Bakı Könüllülər Proqramının səfiri Taleh Yüzbəyova ölkə əhəmiyyətli idman tədbirində göstərdikləri dəstək və fəaliyyətə görə mükafatlar təqdim edilib. Eyni zamanda, 4 ən aktiv könüllü hədiyyələrlə təltif olunub. 1500-dən çox könüllünün qatıldığı gecənin sürpriz qonağı isə sevilən müğənni Dilarə Kazımova olub. Daha sonra gecə əyləncə proqramı ilə davam edib.

ŞƏRH YAZ
0

Şəhriyar Məmmədyarovdan növbəti heç-heçə

Şəhriyar Məmmədyarovdan növbəti heç-heçə
22:35
25.01.2020
278
İdman
A
Yanvarın 25-də Cəbəllütariqdə beynəlxalq şahmat festivalının “Masters” turnirinin beşinci turunun oyunları keçirilib.

"Ölkə.Az" azərtac-a istinadən xəbər verir ki, Azərbaycan şahmatçısı Şəhriyar Məmmədyarov növbəti heç-heçəyə imza atıb.

Beşinci turda onun təqibi argentinalı Fernando Peralta olub. Komandamızın digər üzvü Vasif Durarbəyli isə çinli idmançı Hao Yanqın öhdəsindən gələ bilməyib. Beş turdan sonra hər iki şahmatçımızın aktivində 3,5 xal var.

“Masters” turnirinə dünyanın müxtəlif ölkələrindən 241 şahmatçı, o cümlədən 116 qrossmeyster qatılıb.

ŞƏRH YAZ
0
BAĞLA