“Neftçi”də ayrılıq

“Neftçi”də ayrılıq
00:04
16.07.2019
4911
İdman
A
"Neftçi” futbolçu Kvame Karikari ilə vidalaşıb.

"Ölkə.Az” xəbər verir ki, 27 yaşlı qanalı hücumçu ilə müqaviləyə qarşılıqlı razılaşma əsasında xitam verilib.

Bakı təmsilçisi ona xidmətlərinə görə təşəkkür edib, gələcək karyerasında uğurlar arzulayıb.

Qeyd edək ki, 2017/2018-ci illər mövsümündə "Neftçi”nin heyətində 10 oyunda 2 qola imza atmış Karikari son mövsümü icarə əsasında BƏƏ-nin "Əl Oruba” klubunda keçirib.

Ölkə.Az

ŞƏRH YAZ
0

Azərbaycan idmançısı vizaya görə yarışdan kənarda qalıb

Azərbaycan idmançısı vizaya görə yarışdan kənarda qalıb
23:30
21.01.2020
306
İdman
A
Karate millimizin aparıcı üzvlərindən olan Asiman Qurbanlının Fransanın paytaxtı Parisdə keçiriləcək Premyer Liqa yarışına yollana bilməməsinin səbəbinə aydınlıq gəlib.

"Ölkə.Az" oxu.az-a istinadən xəbər verir ki, ötən il Belarusun paytaxtı Minskdə baş tutmuş II Avropa Oyunlarının qalibi olan karateçimiz Şengen vizası açdıra bilməyib. Belə ki, Fransanın Bakıdakı səfirliyi +84 kq-da çıxış edən idmançımıza məlum olmayan səbəbdən viza açmaqdan imtina edib.

Digər karateçimiz Şahin Atamov üçün isə əvvəlcədən viza üçün səfirliyə müraciət edilməyib deyə, bu çəkidə idmançımız mübarizə aparmayacaq.

Həmçinin qadın karateçilərimizdən İlahə Qasımova və Fəridə Abiyevanın millimizlə yarışa aparılan heyətdə yer almaması da təsadüfi deyil. Hər iki karateçi son yarışlarda uğursuz nəticələri ilə yadda qaldıqlarından, federasiya artıq xərc çəkib onları yarışa aparmaq istəməyib. Çünki bu idmançıların Tokio Olimpiya Oyunlarına lisenziya qazanmaq şansları olduqca azdır.

Bununla belə, əldə etdiyimiz son məlumata görə, 2015-ci ildə Bakıda keçirilmiş I Avropa Oyunlarının bürünc mükafatçısı İlahə Qasımova şəxsi kolleksiyasında medal sayını artırmaq üçün yarışda iştirak edəcək. O, Parisə federasiya yox, öz hesabına gələcək.

Ölkə.Az

ŞƏRH YAZ
0

Ronaldunun bu görüntüsü sosial şəbəkəni bir-birinə vurdu — FOTO

Ronaldunun bu görüntüsü sosial şəbəkəni bir-birinə vurdu
21:30
20.01.2020
2006
İdman
A
“Yuventus” klubunun forvardı Kriştianu Ronaldu qarşılaşmanın 58-ci dəqiqədə “Parma”nın qapısına vurduğu qoldan sonra ona ötürmə verən komanda yoldaşı Paulo Dibalanı qucaqlamaq istəyərkən kurioz hadisə yaşanıb. Belə ki, qolun sevincini yaşayarkən onların üzləri toqquşub və təsadüfən öpüşüblər.

"Ölkə.Az" bildirir ki, bu barədə life.ru xəbər verib. Bildirilib ki, həmin an kameraların obyektivinə düşüb.

Qeyd edək ki, sözügedən görüntü bir anda bütün sosial şəbəkələrdə yayılıb və böyük müzakirələrə səbəb olub. 

Xatırladaq ki, “Yuventus” - “Parma” qarşılaşması 2:1 hesabı ilə başa çatıb. Ronaldu oyunda dubl edib. oxu.az

ŞƏRH YAZ
0
BAĞLA