"Neftçilər" xəstəxanasının mühasibi özəl klinikanı şantaj edir — BÖHTAN

15:02
17.10.2017
2807
Ölkə
A
Bakı şəhər sakini Səidə Əliyeva estetik klinika haqqında məlumatlar yaydıraraq pul istəyir.

Eyni zamanda həkim olan S.Əliyeva mühasib işlədiyi Mərkəzi Neftçilər Xəstəxanasından da rəy aldığını bildirərək qarşı tərəfi məhkəmə və mətbuatla hədələyir. O, mütəmadi olaraq bir neçə aydan bir fərqli mətbu orqanlara müraciət edərək guya estetik klinikanın onun üzünü yandırdığını bildirir.

Məsələnin maraqlı tərəfi budur ki, təqribən 3 ay öncə fərqli mətbu orqanlar vasitəsilə məqalə "dərc etdirən" S.Əliyeva dünən yenidən "fəaliyyətini" bərpa edərək estetik klinika haqqında böhtan xarakterli məlumatlar yaydırıb.

Üzünün klinika tərəfindən yandırıldığını deyən Əliyevanın bu iddiası ilə əlaqədar VİP Style Estetik Klinikasının rəsmisi Fatimə İsayeva saytımıza bildirdi ki, böhtanla üz-üzə qalıblar. O, S.Əliyevanın prokuraturaya da müraciət etdiyini, lakin oradan nəticə əldə edə bilmədiyi üçün yenidən mətbuat vasitəsilə "hücuma" keçdiyini bildirib:

"Səidə xanım 17 dəfə (26.02, 01.03, 05.03, 10.03, 15.03, 18.03, 22.03, 27.03, 31.03, 05.04, 12.04, 17.04, 22.04, 28.04, 08.05, 03.06 və 10.06 tarixlərində) bizim klinikamızda prosedurlarda olub. Əgər həqiqətən iddia etdiyi kimi problem olsa idi bu qədər prosedura gəlməz, ardıcıl məhsullar əldə etməzdi".

F.İsayeva S.Əliyevanın məsuliyyətsizliyinə görə üzünün yandığını, ona bu barədə xəbərdarlıq etdiklərini vurğulayıb:

"S.Əliyeva mütəmadi olaraq xarici ölkələrdə səfərlərdə olur, klimatik hava şəraitini dəyişirdi. Biz ona bu barədə bildirmişdik və qeyd etmişdik ki, dərisi günəş və küləyin mənfi təsirinə məruz qalaraq yana bilər. Klinikamızın üzə qulluq vasitələrindən istifadə edilən dövrdə pasiyentlərə xüsusilə bildirilir ki, günəş şüalarından uzaq qalınmalıdır. Səidə xanımın isə may ayında baş tutan son xarici səfərindən sonra üzündə qaralma müşahidə edilmiş, ondan sonra klinikamıza gələrək şikayət etmişdir. Biz ona üzündəki qaralmanın günəş şüasından yarandığını bildirsək də, o, israrla ödədiyi pulu geri istədi. Biz ona istifadə etmədiyi 1100 manatlıq kremləri geri götürə biləcəyimizi bildirdikdə, o, bununla razılaşmayıb bizi hədələməyə başladı. Haqqımızda mətbuata açıqlamalar verərək bizi biabır edəcəyini qeyd etdi".

Klinika rəsmisi pasiyentləri ilə aralarında ilk dəfədir belə xoşagəlməz vəziyyət yarandığını bildirdi: 

"İlk dəfədir ki, belə bir hadisə ilə rastlaşırıq. Bilirik ki, bizim klinikamızın məhsulları heç kimə mənfi təsir edə bilməz. Bu məhsullar dünyanın ən tanınmış firmalarının istehsalıdır və ölkəmizdə də uyğunluq sertifikatı var".

ŞƏRH YAZ
0

Turistlərə bələdçilik edib mənzillərini soydu

Turistlərə bələdçilik edib mənzillərini soydu
12:48
Bu gün
21
Ölkə
A
Bakıda iranlı turistlərə bələdçilik edən şəxs onların yaşadığı mənzildən oğurluq etdiyinə görə, hakim qarşısına çıxarılacaq.

“Ölkə.Az”ın məlumatına görə, cinayət məcəlləsinin 177.2.3-cü maddəsi ilə təqsirləndirilən Nəbiyev Ramid Təbriz oğlunun məhkəmə prosesinin hazırlıq iclası iyul ayının 24-də Səbail Rayon Məhkəməsinin hakimi Anar Tanrıverdiyevin sədrliyi ilə keçiriləcək. Cinayət işində 4 nəfər İran İslam Respublikasının vətəndaşı zərərçəkmiş qismində tanınıb. 

Belə ki, bu ilin may ayında DİN-in “102 Zəng Mərkəzi” Xidmətinə müraciət edən ölkəmizə turist kimi gəlmiş əcnəbi vətəndaş Səbail rayonu ərazisində yaşadıqları mənzildən oğurluq edildiyini bildirib.

Səbail Rayon Polis İdarəsi 39-cu Polis Bölməsinin əməkdaşları Nizami küçəsindəki hadisə baş verən ünvana gələrək müvafiq tədbirlər həyata keçiriblər.
Araşdırmalar zamanı məlum olub ki, aprel ayının 30-u axşamdan mayın 1-i səhərədək olan müddətdə orada yaşayan 4 əcnəbi vətəndaşın ümumilikdə 815 ABŞ dolları, 280 manatı, 220 tüməni və 1 mobil telefonu oğurlanıb.

Təxirəsalınmaz əməliyyat-axtarış tədbirləri ilə oğurluğu törətməkdə şübhəli bilinən şəxs qısa zamanda müəyyən edilərək “isti izlər”lə saxlanılıb.
Araşdırmalarla onun həmin turistlərə bələdçilik edən Astara rayon sakini Ramid Nəbiyev olduğu müəyyən edilib. Məlum olub ki, o, kirəkeşlərin mənzildə olmadıqlarından istifadə edərək əvvəlcədən hazırladığı ehtiyat açarla mənzilə qanunsuz daxil olaraq onların pulunu və mobil telefonunu oğurlayıb.
“Samsung S-3” markalı mobil telefon maddi sübut kimi ondan götürülüb.

ŞƏRH YAZ
0

Mikayıl Cabbarov Belçikanın səfiri ilə görüşdü

Mikayıl Cabbarov Belçikanın səfiri ilə görüşdü
12:23
Bu gün
183
Ölkə
A
Vergilər Nazirliyində Belçika Krallığının Azərbaycandakı fövqəladə və səlahiyyətli səfiri Bert Şufs ilə görüş keçirilib.

Nazirliyin Media və Kommunikasiya Mərkəzindən "Ölkə.Az"a verilən məlumata görə, vergilər naziri Mikayıl Cabbarov Azərbaycanda mövcud olan vergi mühiti və xarici investorlar üçün yaradılan şərait barədə məlumat verib. Görüşdə Azərbaycanda iqtisadi sahədə aparılan islahatlar, ölkələrarası ticarətin genişlənməsi, investisiyaların yatırılması və əməkdaşlıq məsələlərinə toxunulub.

Tərəflər Azərbaycan və Belçika Krallığı arasında iqtisadi əməkdaşlığın perspektivləri, həmçinin qarşılıqlı maraq doğuran digər məsələləri müzakirə ediblər.

ŞƏRH YAZ
0
BAĞLA