“Neftçi”nin ərizəsi hazırdır

“Neftçi”nin ərizəsi hazırdır
01:34
06.07.2019
2322
İdman
A
“Neftçi” də Avropa Liqasının birinci təsnifat mərhələsi çərçivəsində Moldovanın “Sperantsa” klubu ilə keçiriləcək oyunlar üçün iştirak ərizəsini UEFA-ya təqdim edib.

"Ölkə.Az" bildirir ki, klubun rəsmi facebook səhifəsindən verilən məlumata görə, ərizədə 24 futbolçu yer alıb.

Baş məşqçi Roberto Bordin aşağıdakı futbolçuların xidmətindən yararlana biləcək:

Qapıçılar: 1.Səlahət Ağayev, 12.Kamran İbrahimov, 30.Aqil Məmmədov;

Müdafiəçilər: 3.Mamadu Mbodj, 5.Anton Krivotsyuk, 6.Voislav Stankoviç, 18.Tural Axundov, 25.Kirilo Petrov, 26.Ömər Buludov, 51.Mehmet Serin, 85.Şöhrət Yusifov;

Yarımmüdafiəçilər: 7.Namik Ələskərov, 8.Emin Mahmudov, 10.Dario Frederiko, 11.Vanqelis Platellas, 17.Rəhman Hacıyev, 28.Stiven Jozef-Monroz, 33.Turan Vəlizadə, 36.Mamadu Kane, 37.Vüsal Əsgərov, 80.İsmayıl Zülfüqarlı, 93.Soni Mustivar;

Hücumçular: 9.Baqali Dabo, 19.Rauf Əliyev.

Qeyd edək ki, “Sperantsa” ilə ilk oyun iyulun 11-i “Zimbru” stadionunda, cavab matçı isə ayın 18-i “Bakcell Arena”da olacaq. Hər iki görüş Bakı vaxtı ilə saat 21:00-da başlanacaq.

Ölkə.Az

ŞƏRH YAZ
0

“Bu haqda fikirləşməyə vaxtımız yoxdur” — Qurban Qurbanov

“Bu haqda fikirləşməyə vaxtımız yoxdur”
00:13
Bu gün
1187
İdman
A
“Bütün fikrimizi sabahkı oyuna cəmləmişik. Rəqibimiz elə bir komandadır ki, həm ev, həm də səfərdə eyni oyunu göstərməyə çalışır”.

“Ölkə.Az” verir ki, bu sözləri “Qarabağ”ın baş məşqçisi Qurban Qurbanov deyib.

Çempionlar Liqasının II təsnifat mərhələsinin ilk oyununda səfərdə İrlandiya təmsilçisi “Dundalk”la qarşılaşacaq “Qarabağ”ın baş məşqçisi oyundan əvvəl mətbuat konfransı rəqib haqqında ehtiyatlı danışıb:

“Orta xəttdə çox sürətli və təhlükəli futbolçuları var. Başda baş məşqçi olmaqla, bütün komanda olduqca istəklidir. Düzdür, sabah süni örtüklü meydanda oynayacağıq, bu da futbola təsir edir. Təbii örtüklü meydançada oynamaq istərdik, amma hazırda bu haqda fikirləşməyə vaxtımız yoxdur, sabahkı oyuna tam konsantrasiya olmalıyıq. İlk turun ilk oyununda qeydə alınan heç-heçə növbəti mərhələ üçün faydalı olmuşdu, amma bunu sabahkı oyun haqda demək olmaz. Bilirik ki, sabah bizə qarşı tam motivasiya olunmuş bir komandaya qarşı oynayacağıq".

Qeyd edək ki, “Dundalk” - “Qarabağ” matçı sabah Bakı vaxtı ilə saat 22:45-də start götürəcək.

Ölkə.Az

ŞƏRH YAZ
0

Güləşçilərimizdən daha bir medal

Güləşçilərimizdən daha bir medal
20:47
23.07.2019
1713
İdman
A
XV Avropa Gənclər Yay Olimpiya Festivalında (EYOF) Azərbaycan daha bir qızıl medal qazanıb.

“Ölkə.Az” xəbər verir ki, güləş yarışlarında Azərbaycan pəhləvanı Cəbrayıl Hacıyev 65 kq çəki dərəcəsində qalib olmaqla komandasına 8-ci qızıl medalı qazandırıb.

Qalib güləşçi finala gedən yolda David Patsinaşvilini (Gürcüstan), Hamza Duhan Dumanı (Türkiyə), yarımfinalda isə Umar Mavlayevi (İsveçrə) məğlub edib. Finaldakı rəqibi, rusiyalı Batırbek Tsxovrebov qarşılaşmanın əvvəlində 4:0 hesabı ilə irəli çıxıb, ancaq möhtəşəm geridönüş edən yerli pəhləvan Cəbrayıl Hacıyev qələbə qazanmaqla fəxri kürsünün ən yüksək pilləsinə qalxıb.

Bu, Azərbaycan komandasının Bakı-2019-da artıq 8-ci qızıl medalıdır.

Qeyd edək ki, bununla da güləş yarışlarına yekun vurulub. Azərbaycan güləşdə 18 idmançı ilə təmsil olunub və bunlardan 16-sı medal qazanıb.

Hazırda Azərbaycanın 8 qızıl, 5 gümüş və 3 bürünc medalı var və medal siyahısında liderdir.

Ölkə.Az

ŞƏRH YAZ
0
BAĞLA