"Neftçi"nin məşhur oyunçusundan TƏRBİYƏSİZLİK — Azarkeşləri təhqir etdi

14:30
22.08.2019
1752
İdman
A
“Neftçi”nin futbolçusu Baqali Dabo komandanın azarkeşlərini təhqir edib.

"Ölkə.Az" xəbər verir ki, 31 yaşlı hücumçu ilk olaraq,  şəxsi “İnstagram” səhifəsinin hekayə bölməsindən “neftchi.baku.fan.page” adlı azarkeş səhifəsi təhqir edib, daha sonra öz fotosunu paylaşaraq azarkeşlərin şərhlərinə qeyri-etik cavab yazıb.

Qeyd edək ki, buna səbəb azarkeş səhifəsinin futbolçu haqda tənqidi paylaşımı olub. Dabonun bu qeyri-etik, peşəkar futbolçu adına yaraşmayan davranışı azarkeşlərin haqlı etirazına səbəb olmaqla yanaşı sual yaradır? Elementar tənqidə dözümsüz yanaşan və tənqidə təhqirlə cavab verməklə böyük azarkeş kütləsini təhqir edən futbolçu barədə ölçü götürüləcəkmi?

Ümumiyyətlə, "Neftçi" rəhbərliyi legionerlərinə fanatlarla normal rəftar və ünsiyyətin yolunu başa salmalıdır. Unutmayaq ki, belə mədəniyyətsiz, sayğısız davranış ilk dəfədir baş vermir. Bir neçə gün əvvəl "Neftçi"nin italiyalı baş məşqçisi Roberto Bordin və ukraynalı futbolçusu Kirill Petrov uğursuz çıxışlara görə stadionda istefa şüarı səsləndirən "Neftçi"nin sadiq fanatlarını "əsl azarkeş" saymadıqlarını demişdilər.

ŞƏRH YAZ
0

Karateçilərimiz Parisdə iki medal qazandı

Karateçilərimiz Parisdə iki medal qazandı
20:52
26.01.2020
390
İdman
A
Milli komandamızın üzvləri İrina Zaretska (-68 kq) və Rafiz Həsənov (-67 kq) Parisdə Karate1 Premyer Liqa turnirinin medallarına sahib olublar.

"Ölkə.Az" Karate Federasiyasına istinadən xəbər verir ki, bürünc medal görüşündə R.Həsənov Vinisius Fiqueyranı (Braziliya) 4:2 hesabı ilə məğlub edib. İ.Zaretska isə Feryal Abdelazezə (Misir) 3:0 hesabı ilə qalib gəlib.

İdmançılarımızın əvvəlki mərhələlərdə çıxışlarından nəticələri təqdim edirik. 

Rafiz Həsənov 

1. R.Həsənov - Əmir Mehdizadə (İran ) 2:1

2. R.Həsənov - Luka Mareska (İtaliya) 1:4

Təsəlliverici görüşlər

R.Həsənov - Marvin Qarin (Fransa) 4:3

R.Həsənov - Jihvan Li (Koreya) 2:0

Bürünc medal görüşü

R.Həsənov - Vinisius Fiqueyra (Braziliya) 4:2

İrina Zaretska 

1. İ.Zaretska - Endrin Hilton (Norveç) 2:0

2. İ.Zaretska - Andriana Vasoviç (Serbiya) 8:0

3. İ.Zaretska - Qonq Li (Çin) 3:0 

Yarım final

İ.Zaretska - Kayo Someya (Yaponiya) 5:0 

Final 

İ.Zaretska - Feryal Abdelazez (Misir) 3:0

Olimpiadaya lisenziya verən reytinq xalları qazandıran turnirdə 92 ölkədən 703 karateçi iştirak edib.

 

 

ŞƏRH YAZ
0

Könüllülər üçün möhtəşəm gecə — FOTOREPORTAJ

Könüllülər üçün möhtəşəm gecə
16:30
26.01.2020
325
İdman
A
AFFA tərəfindən 2019-cu ilin iyun ayından etibarən könüllülərin qeydiyyat mərhələsinə start verilib. 5 ay ərzində 6797 könüllü namizəd qeydiyyatdan keçib. Müraciət sayına görə Bakı şəhəri Avropa çempionatı təşkil olunacaq 12 şəhər arasında ən yüksək göstəriciyə sahibdir. 6000-dən çox namizədlə təkbətək müsahibə aparılıb.

"Ölkə.Az" xəbər verir ki, bu oyunlarda fəaliyyət göstərəcək könüllülər üçün bu gün “Elektra Events Hall”da xüsusi gecə təşkil olunub. Tədbirdə AFFA-nın prezidenti Rövnəq Abdullayev, Gənclər və İdman naziri Azad Rəhimov, AFFA-nın baş katibi Elxan Məmmədov,  Avro-2020-nin Bakıda keçiriləcək oyunlarının səfiri Vəli Qasımov, Könüllülər proqramının səfiri Taleh Yüzbəyov iştirak edib. Çıxışlar zamanı Prezident İlham Əliyevin gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə 2020-ci ili Azərbaycanda “Könüllülər ili” elan etməsi xüsusi qeyd olunub. Rövnəq Abdullayev və Azad Rəhimov çıxışlarında öz kreativliyi, təşəbbüskarlığı, innovativ düşüncə tərzi və müasir dünyagörüşləri ilə Avro-2020-yə yeni nəfəs verən könüllülərin və könüllü fəaliyyətinin əhəmiyyətindən bəhs ediblər. 
Çıxışlardan sonra Rövnəq Abdullayev, Azad Rəhimov və Elxan Məmmədov tərəfindən Avro-2020-nin Bakını təmsil edən səfiri Vəli Qasımova, həmçinin Bakı Könüllülər Proqramının səfiri Taleh Yüzbəyova ölkə əhəmiyyətli idman tədbirində göstərdikləri dəstək və fəaliyyətə görə mükafatlar təqdim edilib. Eyni zamanda, 4 ən aktiv könüllü hədiyyələrlə təltif olunub. 1500-dən çox könüllünün qatıldığı gecənin sürpriz qonağı isə sevilən müğənni Dilarə Kazımova olub. Daha sonra gecə əyləncə proqramı ilə davam edib.

ŞƏRH YAZ
0
BAĞLA