"Neftçi"nin məşhur oyunçusundan TƏRBİYƏSİZLİK — Azarkeşləri təhqir etdi

14:30
22.08.2019
1838
İdman
A
“Neftçi”nin futbolçusu Baqali Dabo komandanın azarkeşlərini təhqir edib.

"Ölkə.Az" xəbər verir ki, 31 yaşlı hücumçu ilk olaraq,  şəxsi “İnstagram” səhifəsinin hekayə bölməsindən “neftchi.baku.fan.page” adlı azarkeş səhifəsi təhqir edib, daha sonra öz fotosunu paylaşaraq azarkeşlərin şərhlərinə qeyri-etik cavab yazıb.

Qeyd edək ki, buna səbəb azarkeş səhifəsinin futbolçu haqda tənqidi paylaşımı olub. Dabonun bu qeyri-etik, peşəkar futbolçu adına yaraşmayan davranışı azarkeşlərin haqlı etirazına səbəb olmaqla yanaşı sual yaradır? Elementar tənqidə dözümsüz yanaşan və tənqidə təhqirlə cavab verməklə böyük azarkeş kütləsini təhqir edən futbolçu barədə ölçü götürüləcəkmi?

Ümumiyyətlə, "Neftçi" rəhbərliyi legionerlərinə fanatlarla normal rəftar və ünsiyyətin yolunu başa salmalıdır. Unutmayaq ki, belə mədəniyyətsiz, sayğısız davranış ilk dəfədir baş vermir. Bir neçə gün əvvəl "Neftçi"nin italiyalı baş məşqçisi Roberto Bordin və ukraynalı futbolçusu Kirill Petrov uğursuz çıxışlara görə stadionda istefa şüarı səsləndirən "Neftçi"nin sadiq fanatlarını "əsl azarkeş" saymadıqlarını demişdilər.

ŞƏRH YAZ
0

Avropa Liqasında günün oyunları — NƏTİCƏLƏR

Avropa Liqasında günün oyunları
00:50
Bu gün
417
İdman
A
Avropa Liqasında 1/16 final mərhələsinin ilk oyunları keçirilib.

"Ölkə.Az" nəticələri təqdim edir:

20 fevral 2020

21:55. "Şaxtyor" (Donetsk, Ukrayna) - "Benfika" (Portuqaliya) - 2:1
Qollar:
 Patrik, 56. Kovalenko, 72 – Pitsi, 67-pen

21:55. "Ayntraxt" (Frankfurt, Almaniya) - "Zalsburq" (Avstriya ) - 4:1
Qollar:
 Kamada, 12, 43, 53, Kostiç, 56 – Huanq, 85-pen

21:55. "Ludoqorets" (Bolqarıstan) - "İnter" (İtaliya) - 0:2
Qollar:
 Eriksen, 71, Lukaku, 90+4-pen

21:55. "Brügge" (Belçika) - "Mançester Yunayted" (İngiltərə) - 1:1
Qollar
: Dennis, 15 – Marsyal, 36

21:55. ÇFR (Rumıniya) - "Sevilya" (İspaniya) - 1:1
Qollar:
 Deaç, 59-pen - En Nesiri, 82

21:55. "Kopenhagen" (Danimarka) - "Seltik" (Şotlandiya) - 1:1
Qollar
: Ndoye, 52 - Eduard, 14

21:55. "Xetafe" (İspaniya) - "Ayaks" (Hollandiya) - 2:0
Qollar
: Deyverson, 38, Kenedi, 90+3

21:55. "Sportinq" (Portuqaliya) - "Başakşəhər" (Türkiyə) - 3:1
Qollar
: Koates, 3, Sporar, 44, Vietto, 51 - Vişça, 77-pen

ŞƏRH YAZ
0

Döyüşü yarımçıq saxlanılan idmançımız — “Özünü artistliyə vurmuşdu” - FOTO/VİDEO

Döyüşü yarımçıq saxlanılan idmançımız
09:28
20.02.2020
1100
İdman
A
“Bəli, Moldovada keçirdiyim görüşüm yarımçıq saxlanıldı. Rəqibim ayağa qalxmadı. Dursaydı, hakim mənim əlimi qaldıracaqdı”.

"Ölkə.Az" bildirir ki, bunu Oxu.Az-a açıqlamasında MMA üzrə döyüşçümüz Mehman Məmmədov deyib.  

Dörd gün əvvəl Moldovanın paytaxtı Kişinyovda keçirilmiş “Eagles Next Level” döyüş gecəsində azərbaycanlı idmançı Mehman Məmmədovla Əfqanıstan döyüşçüsü Nurəddin Həzrət arasında keçirilmiş görüş yarımçıq saxlanılıb.  

Görüşün bitməsinə 3:11 dəqiqə qalmış əfqanıstanlı idmançı yerə yıxılıb və zədələndiyini bildirib. Onu oktaqondan xərəklə aparıblar. Hakimlər isə görüşdə qalibin olmadığını bildiriblər.  

Lakin Mehman Məmmədov saytımıza açıqlamasında sonradan qələbənin ona verildiyini bildirib: “O, uzandı və ayağa qalxmadı. Rəqibimi xəstəxanaya apardılar. Ancaq sonra məlum oldu ki, ona heç nə olmayıb. Özünü artistliyə vurmuşdu. Mənim ayağım heç onun qasıq nahiyəsinə dəyməyib. Hamı, hətta hakimlər də şokda idi. Belə şey olar?!

Hələ sonradan qışqırırdı ki, qələbə onundur. Ayağım ona toxunmur. Videoya baxsanız, görərsiniz ki, əvvəlcə fikirləşir, sonra yerə uzanır. Xəstəxanadan həkim rəyindən sonra təşkilatçılar bu döyüşdə qələbəni sonradan mənə verib. Bunu həmin təşkilatın prezidenti Dorin Damir məşqçim Ruslan Əfəndiyevə də deyib. Buna görə də iyunda mənə kəmər uğrunda döyüş veriləcək”.

Qeyd edək ki, həmin döyüşdə daha iki azərbaycanlı idmançı gücünü sınayıb. Lakin həm Tünzalə İmanlı, həm də Elçin Hüseynov müvafiq olaraq moldovalı və özbəkistanlı rəqiblərinə uduzub.
ŞƏRH YAZ
0
BAĞLA