"Neftçi"nin qayıdıb-qayıtmadığını 3-4 ay sonra görəcəksiniz" — Kamran Quliyev

01:20
13.07.2018
10274
İdman
A
"Oyun xeyli isti hava şəraitində keçdi. Qapımızda erkən qol gördük. Lakin komandamız toparlana və qollarını sıralaya bildi. Hansısa futbolçunun adını xüsusi qeyd etmək istəməzdim. Bütün komanda yaxşı oynadı. Biz sevinirik".

"Ölkə.Az"ın məlumatına görə, bunu "Neftçi" klubunun prezidenti Kamran Quliyev evdə Macarıstan "Uypeşt"ini 3:1 hesabı ilə yendikləri Avropa Liqasının I təsnifat mərhələsinin ilk görüşündən sonra jurnalistlərə müsahibəsində deyib. K.Quliyev digər sualları da cavablandırıb:

- Belə nəticəni gözləyirdiniz?

- Bəli, gözləyirdik. Yaxşı olardı ki, qapımızda qol görməyək. Amma hesab edirəm ki, bu, birinci addımdır. İkinci addımı bir həftə sonra Budapeştdə atmağa çalışacağıq. Macarıstan paytaxtında bizi daha çətin oyun gözləyəcək. Rəqib komandanın iki futbolçusu viza problemi ilə əlaqədar Bakıya gələ bilməmişdi. Onlar cavab görüşündə oynaya biləcəklər. Bizə qarşı daha istəkli və azarkeş dəstəyinə malik komanda çıxacaq. İnanmaq istərdik ki, öz oyunumuz sayəsində bu mərhələni keçə biləcəyik.

- İsti hava şəraitinin "Neftçi"nin xeyrinə olduğunu düşünmürsünüz?

- Fizioterapevt olsaydım, sizə daha dəqiqini deyərdim. Bizim komandada da xarici futbolçular var. Ola bilsin, onlar belə hava şəraitinə öyrəşməyiblər. Burada əsas üstünlüyümüz azarkeşlərimiz idi.

- Sizcə, qələbədə əsas rolu kim oynadı?

- Azarkeşlər! Belə deyək, havanın temperaturu 36 dərəcə idisə, azarkeşlər onu 45 dərəcə etdilər (gülür). Azakeşlərə, komandaya, klubumuzun bütün əməkdaşlarına və siz jurnalistlərə təşəkkürümü bildirirəm. Belə hava şəraitində bura gəlmisiniz, oyunumuzu işıqlandırırsınız. Buna çox sevinirəm. Bu gün tam bayram demək olmasa da, şad günümüzdür.

- Demək olarmı ki, "Neftçi" qayıtdı?

- Bunu 3-4 ay sonra soruşarsınız, deyə bilərəm. Həmin vaxt məndən soruşmayacaqsınız, "Neftçi"nin qayıdıb-qayıtmadığını özünüz görəcəksiniz. Amma inanmaq istərdim ki, biz düzgün yoldayıq.

- Oyundan sonra klubunuzun Müşahidə Şurasının sədri Çingiz Abdullayevlə birgə paltardəyişmə otağına daxil oldunuz və böyük səs-küy oldu. Komandaya mükafat verildimi?

- Çingiz Abdullayev, Müşahidə Şurasının bütün üzvləri burada idi. Komandamız mükafat barədə çox danışmaq istəmədi. Futbolçular bizdən mükafatı mərhələ adlayacağımız təqdirdə istəyiblər. Bu, futbolçuların bizə jestidir. Komandanın necə oynayacağını heç kim bilmir. Amma kollektivdaxili ab-havanın belə olması bizim qazancımızdır.

- Transferlər bitdi, yoxsa hələ davam edəcək?

- Baxarıq. Baş məşqçi, texniki heyətlə görüşümüz olacaq. Ondan sonra daha dəqiq nə isə deyə bilərik. Ola bilər ki, komandaya heç bir yeni futbolçu gəlməsin. Çünki hər mövqedə əvəzedici var. Baxarıq.

- Yeni transferlərdən nə dərəcədə razı qaldınız?

- Qoran Paratski hələ 90 dəqiqə oynamağa hazır deyil. Amma sonadək mübarizə apardı. Onun həmyerlisi Slavko Braliç meydana daxil olduqdan sonra müdafiə xətti daha da keçilməz, möhkəm oldu. Dario Frederikonun çıxışını özünüz gördünüz, mən əlavə şərh etmək istəmirəm. Baqali Daboya isə sadəcə əhsən! Digərlərindən kimisə unutmuşamsa, inciməsinlər. Yeni oyunçular öz yerində, amma öz futbolçularımızın da bizə necə kömək etdiklərini gördünüz. Bacardığımız qədər ötən mövsümkü sütunu - Səlahət Ağayev, Ruslan Abışov, Anton Krivotsyuk, Emin Mahmudov, Rəhman Hacıyev, Namik Ələskərov və s.. Onların da qələbədə çox böyük payları var.

Ölkə.Az

ŞƏRH YAZ
0

“Bakı”nın sabiq futbolçusu futboldan gedəcək

“Bakı”nın sabiq futbolçusu futboldan gedəcək
00:03
Bu gün
131
İdman
A
FİFA İntizam Komitəsi təşkilatın intizam kodeksini pozan səkkiz şəxsi ömürlük futboldan uzaqlaşdırıb.

"Ölkə.Az" Oxu.az-a istinadən bildirir ki, onlardan 7-si futbolçu, biri isə menecerdir.

Futbolçulardan Karlon Myurrey, Keyno Tomas (hər ikisi Trinidad və Tobaqo), Xellinqs Mvakasunqula (Malavi), İbrahim Karqbo (Sierra Leone), Seidat Çomoqo (Benin), Leonel Duarte (Kuba), Məhəmməd Salim İsrafil Koxistani (Əfqanıstan) və zimbabveli menecer Kudzanay Şaba danışılmış oyunlara görə futbol fəaliyyətindən ömürlük kənarlaşdırılıb.

Qurum keniyalı Cordc Obino Audiyə 10 illik cəza və 15 min İsveçrə frankı məbləğində cərimə təyin edib.

Qeyd edək ki, bunlardan İbrahim Karqbo vaxtilə ölkəmizdə oynayıb. O, hazırda həvəskar liqada mübarizə aparan, vaxtilə iki dəfə Azərbaycan Premyer Liqasının qalibi olmuş "Bakı" klubunun mərkəz müdafiəçisi olub.

Ölkə.Az

ŞƏRH YAZ
0

"İstərdik ki, ilk dəfə finalda iştirak edək" — Ayxan Abbasov

22:38
23.04.2019
603
İdman
A
"Bu gün ilk 45 dəqiqəni bitirdik. Rəqibi həftə boyunca analiz etmişdik. Hər şey ikinci matçda həll olunacaq. Çempionatda da işlərimiz yaxşı getmir".

"Ölkə.Az" Report-a istinadən bildirir ki, bunu "Sumqayıt" komandasının baş məşqçisi Ayxan Abbasov evdə "Zirə" ilə qolsuz heç-heçə etdikləri Azərbaycan Kubokunun ilk yarımfinal matçından sonra mətbuat konfransında deyib.

38 yaşlı mütəxəssis bildirib ki,itkilərə baxmayaraq, heyətdəki futbolçular heç də geri qalmayıblar: "Sevindirici haldır ki, qol buraxmadıq. Qol vəziyyətlərimiz də oldu. Hamıdan razıyam".

Legionerlə çıxış etməyin üstünlüyündən bəhs edən Abbasov hansı komandaya gəldiyini yaxşı anladığını söyləyib: "Komandamıza güvənirəm. İnanıram ki, onlar mərhələ adlayacaqlar. Əlbəttə, 3 gündənbir oynamaq çətin olacaq. "Neftçi" ilə matçda bəzi futbolçuları qoruya bilərik. İstərdik ki, ilk dəfə finalda iştirak edək. Eyni zamanda sonuncu olmağı da arzulamırıq".

Ölkə.Az

ŞƏRH YAZ
0
BAĞLA