"Neftin qiymətinin artması iqtisadiyyatımıza müsbət təsir edəcək" — Vahid Əhmədov

17:29
09.10.2018
1586
İqtisadiyyat
A
"Bu ilin sonuna qədər dünyada neftin qiyməti 100 dollar qədər qalxa bilər. Təbii ki, bu da Azərbaycan iqtisadiyyatına müsbət təsir göstərəcək".

Bu fikirləri "Ölkə.Az"a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat Vahid Əhmədov bildirib. 

V.Əhmədov deyib ki, dünyada neftin qiyməti nə qədər yüksək olacqsa, Azərbaycanın gəlirləri də bir o qədər artacaq: 

"Çünki neftin qiymətinin baha olmasının Azərbaycan iqtisadiyyatı üçün çox böyük əhəmiyyəti var. Neftdən gələn gəlirlər Azərbaycanın dövlət büdcəsinə birbaşa təsir etdiyi üçün bu, ölkə iqtisadiyyatına da müsbət təsir edir. Mənim proqnozuma görə, neftin qiyməti bu ilin sonunadək 100 dollar səviyyəsinə qalxa bilər. Ola bilsin ki, gələn ildən neftin qiymətində azalma baş versin. Bütün bunlar isə dünyada gedən geosiyasi proseslərdən asılı olacaq".

Deputat qeyd edib ki, neft gəlirləri Azərbaycanda sosial layihələrin həyata keçirilməsi üçün mühim şərait yaradır:

"Azərbaycanda qeyri-neft sektorunun inkişafı çox vacibdir. Kənd təsərrüfatı, turizm, insan kapitalı və digər bu kimi sahələrə diqqət daha da artırılmalıdır ki, sabah neft hasillatında və qiymətində müəyyən azalmalar yarananda, qeyri-neft sektorundan əldə olunan gəlirlərlə vəziyyətdən çıxmaq mümkün olsun. Bunun üçün də neft gəlirlərindən düzgün və səmərəli istifadə bizim üçün önəmlidir. Azərbaycanda bir sıra vacib layihələr, Strateji Yol Xəritəsi var ki, bunlar vaxtı-vaxtında yerinə yetirilməlidir. Bununla da biz sosial sahələri daha da inkişaf etdirə bilərik".

Vasif Həsənli
Ölkə.Az

ŞƏRH YAZ
0

Ölkədəki işsizlərin sayı açıqlandı

Ölkədəki işsizlərin sayı açıqlandı
20:00
16.09.2019
400
İqtisadiyyat
A
Bu ilin sentyabrın 1-nə olan statistikaya görə, məşğulluq xidməti orqanlarında qeydiyyata alınan işsiz şəxslərin sayı 70900 nəfər olub, onların 35,3 faizini qadınlar təşkil edib.

Dövlət Statistika Komitəsindən verilən məlumata görə, işsizlikdən sığorta ödənişinin orta məbləği 233,5 manat olub.  

Eyni zamanda, bu ilin sentyabrın 1-nə olan göstəricilərə əsasən, Azərbaycanda iqtisadi fəal əhalinin sayı 5 191 200 nəfər olub ki, onlardan 4 939 100 nəfərini məşğul əhali təşkil edib.

Ölkə.Az

ŞƏRH YAZ
0

Avtomobil benzini ilə bağlı RƏSMİ MƏLUMAT

Avtomobil benzini ilə bağlı RƏSMİ MƏLUMAT
14:04
16.09.2019
1095
İqtisadiyyat
A
Bu ilin yanvar-avqust ayları ərzində Azərbaycanda neft məhsullarının istehsalı sahəsində istehsalın ümumi dəyəri 2 139,9 mln. manat təşkil edib.

"Ölkə.Az" report-a istinadla xəbər verir ki, neft məhsullarının istehsalında əvvəlki ilin yanvar-avqust ayları ilə müqayisədə 1,6% artım qeydə alınıb.

Hesabat dövründə Azərbaycanda 818,2 min ton həcmində avtomobil benzini istehsal edilib. Avtomobil benzini istehsalında ötən ilin müvafiq dövrü ilə müqayisədə 1,4% artım qeydə alınıb. Bu il sentyabrın əvvəlinə 25,8 min ton həcmində avtomobil benzini ehtiyatı yaranıb.

Hesabat dövründə ölkədə 184,6 min ton həcmində neft-kimya sənayesində istifadə üçün benzin, 1 450,2 min ton dizel yanacağı, 76,8 min ton yanacaq mazutu istehsal edilib.

Neft-kimya sənayesində istifadə üçün benzin istehsalında 21,9%, dizel yanacağı istehsalında 6,5%, yanacaq mazutu istehsalında 50,9% artım qeydə alınıb.

Hesabat dövründə ölkədə 406,2 min ton həcmində ağ neft, 13,4 min ton sürtkü yağları, 163,1 min ton neft bitumu, 168,5 min ton həcmində neft koksu istehsal edilib.

Ağ neft istehsalı ötən ilin müvafiq dövründən 2,8%, sürtkü yağlarının istehsalı 84,5%, neft bitumunun istehsalı 15,3%, neft koksunun istehsalı 2,9% azalıb.

Ölkə.Az

ŞƏRH YAZ
0
BAĞLA