Nərimanov rayonunda ağır yol qəzası
"Ölkə.Az"ın əldə etdiyi xəbərə əsasən, Heydər Əliyev prospektində “Opel” markalı avtomaşın hərəkətdə olarkən arxa tərəfdən onu "Lexus" markalı avtomobil vurub. Nəticədə “Opel” markalı avtomaşın qarşı yola çıxaraq başqa bir avtomobilə dəyib. Qəza nəticəsində 2 nəfər dünyasını dəyişib, 2 nəfər isə ağır vəziyyətdə 1 saylı şəhər xəstəxanasına çatdırılıb. Xəstəxanaya yerləşdirilən Manafov Rəhim Ağasəf oğlu və Əmiraslanov Ramin Kamil oğlunun vəziyyətləri ağır olduğundan müalicələrini reanimasiya şöbəsində davam etdirirlər.
Hadisə yerinə rayonun hüquq-mühafizə orqanlarının əməkdaşları gəlib və araşdırmalara başlayıblar. Baş vermiş qəza ilə bağlı avtotexnki ekspertiza təyin edilib.
Dünyasını dəyişənlər Quliyev Məmməd Əhməd oğlu və Manafov Rasim Agasəf oğlu müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nərimanov rayon şöbəsinə aparılıb.
Qeyd edək ki, qəzaya düşən 4 nəfər eyni avtomobildə olublar və iş yoldaşı sayılırlar. Qəza onlar işdən evə qayıdan zaman baş verib. Həmçinin dünyasını dəyişən Rasim Manafov və Rəhim qardaşdırlar.
Faktla bağlı Nərimanov rayon Polis İdarəsinin İstintaq Şöbəsində cinayət məcəlləsinin 263.3-cü ( Yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olma) maddəsi ilə cinayət işi başlanıb, araşdırmalara davam etdirilir.
Faktla bağlı Nərimanov rayon Polis İdarəsinin İstintaq Şöbəsində cinayət məcəlləsinin 263.3-cü ( Yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olma) maddəsi ilə cinayət işi başlanıb, araşdırmalara davam etdirilir.
Ölkə.Az
