Nəsiman Yaqublu: “AXC-nin 100 illiyinə ölkə başçısı səviyyəsində yanaşma yüksək qiymətləndirilir”

Nəsiman Yaqublu: “AXC-nin 100 illiyinə ölkə başçısı səviyyəsində yanaşma yüksək qiymətləndirilir”
17:00
10.01.2018
1117
Siyasət
A
Azərbaycan Xalq Cümhuriyyəti (AXC) dövrünün araşdırmaçısı, tarixçi alim Nəsiman Yaqublu Prezident İlham Əliyevin 2018-ci ili ölkəmizdə “Azərbaycan Xalq Cümhuriyyəti İli” elan etməsinə münasibət bildirib.

N.Yaqublu “Ölkə.Az”-a açıqlamasında AXC-nin 100 illiyinə ölkə başçısı səviyyəsində bu cür yanaşmanı çox yüksək qiymətləndirdiyini söyləyib:

“Azərbaycan Xalq Cümhuriyyətinin 100 illik yubileyinin yüksək səviyyədə qeyd olunması xalqımız üçün çox vacib məsələdir. Yəni, AXC-nin 100 illiyi sırdan bir il olmamalıdır. Çünki Gürcüstan və Ermənistan da öz dövlətlərinin 100 illik yubileyini qeyd etməyə hazırlaşır. Ona görə də Qafqazda kim daha yaxşı öz 100 illik yubileyini qeyd edəcəyi ilə bağlı yarış gedəcək. Bu yarışda həm Ermənistan, həm də Gürcüstan öz demokratik dövlət tarixini qabartmağa çalışacaq. Azərbaycan bu yarışda uduzmamaq üçün AXC-nin 100 illik yubileyinə çox yüksək səviyyədə hazırlaşmalıdır. Bunun üçün də ilk növbədə dövlət başçısının müvafiq qərarı lazım idi. Artıq həmin qərar da var. Yəni, Prezident İlham Əliyev hər kəsin ürəyincə olaacaq bir addım ataraq, 02018-ci ili ölkəmizdə “Azərbaycan Xalq Cümhuriyyəti İli” elan edib. Bu çox vacib və lazımı qərardır”. 

N.Yaqublu qeyd edib ki, 1918-ci ildə Azərbaycan Xalq Cümhuriyyəti elan olunan zaman Qarabağ Azərbaycanın tərkib hissəsi kimi tanınıb:

“Həmin dövrdə 23-ə qədər dövlət də Qarabağın azərbaycan ərazisi olduğunu tanıyaraq qəbul edib. Biz AXC-nin 100 illik yubileyini qeyd edən zaman məhz bu məsələni xüsusilə önə çəkməliyik. Bu bizim üçün çox vacibdir. İşğalçı Ermənistan da ən çox bu məqamdan narahatdır. Digər tərəfdən isə AXC-nin quranların adını əbədiləşdirmək istiqamətində lazımı addımlar atılmalıdır. Ən azı Bakı şəhərində onların yaşadıqların evlərin divarlarına xatirə lövhələri vurulmalıdır, Bakıda AXC-nin abidəsi ucaldılmalıdır və sairə. Bütün bunlar həyata keçirən zaman Cümhuriyyət qurucularının da ruhu şad olacaq”.    

Vasif Həsənli
Ölkə.Az

ŞƏRH YAZ
0

"İlham Əliyevin Fransaya səfəri böyük əhəmiyyətə malikdir" — Deputat

12:24
Bu gün
138
Siyasət
A
Azərbaycan Sosial Demokrat Partiyasının (ASDP) sədri, Milli Məclisin deputatı Araz Əlizadə Azərbaycan prezidenti İlham Əliyevin Fransaya səfərindən və orada keçirdiyi görüşlərdən danışıb.

Deputat "Ölkə.Az"a açıqlamasında bildirib ki, Fransa çox əhəmiyyətli dövlətdir və ATƏT-in Minsk qrupunun həmsədr ölkələrindən biridir:

"Ona görə də Azərbaycanın Fransa ilə yaxşı əlaqələr qurması vacib məsələdir. Fransanın ermənipərəst dövlət olmasından asılı olmayaraq, biz bütün ölkələrdən təcrid olub yaşaya bilmərik. Azərbaycan beynəlxalq aləmdə fəal oyunçudur. Bu baxımdan da Fransa ilə yaxın münasibətlərin qurulması bizə çox lazımdır".

A.Əlizadə deyib ki, Azərbaycanla Fransanı mədəni, iqtisadi və siyasi əlaqələr birləşdirir:

"Ona görə də prezident İlham Əliyevin Fransaya səfəri böyük əhəmiyyətə malikdir".

Deputat əlavə edib ki, kiminsə ermənipərəst olmasından asılı olmayaraq Azərbaycan hər bir ölkə ilə yaxşı münasibətlər qurmalıdır:

"Fransa ermənipərəstdir deyə, biz ondan üz döndərməli deyilik. Ən düzgün siyasət odur ki, düşməni ən azı neytarllaşdırmaq lazımdır".

Fransanın Qarabağ münaqişəsinin həllində olan roluna da toxunan A.Əlizadə qeyd edib ki, Qarabağ münaqişəsinin yeganə həlli yolu müharibədən keçir: 

"Bunun ayrı həlli yolu yoxdur".  

Vasif Həsənli
Ölkə.Az

ŞƏRH YAZ
0

PA rəsmisi: "Media xalqla dövlət arasında körpü rolunu oynayır"

PA rəsmisi:
11:44
Bu gün
237
Siyasət
A
"Ermənistan Azərbaycanın torpaqlarını işğal edib, 1 milyondan artıq insan qaçqın düşüb. Ona görə də Azərbaycan hərbi sahə ilə yanaşı, informasiya sahəsində də mübarizə aparır".

"Ölkə.Az"ın Report-a istinadən verdiyi xəbərinə görə, bunu Azərbaycan Prezident Administrasiyasının İctimai-siyasi məsələlər şöbəsinin əməkdaşı Bəhruz Həsənov Xalq Cümhuriyyətinin 100-cü ildönümü və Azərbaycan milli mətbuatının yaranmasının 143 illiyi münasibətilə Bakıda keçirilən Beynəlxaq Media Forumunda deyib. 

O qeyd edib ki, erməni diaspor təşkilatları informasiya resurslarından istifadə etməklə Türkiyə və Azərbaycana qarşı məkrli niyyətlərini həyata keçirirlər:

"Biz onlara qarşı ciddi şəkildə mübarizə aparırıq. Türkiyə ilə Azərbaycan arasında informasiya sahəsindəki əməkdaşlığı genişləndirmək vacibdir".

Prezident Administrasiyasının rəsmisi vurğulayıb ki, bəzi hallarda böyük dövlətlər də informasiya müharibəsinə qoşulurlar:

"Həmin dövlətlərin media orqanlarında Azərbaycan və Türkiyə əleyhinə yazılar dərc edilir. Biz birgə əməkdaşlıqla bu cür addımların qarşısını ala bilərik".

B.Həsənov qeyd edib ki, 2016-cı ilin iyulun 15-də Türkiyədə dövlət çevrilişinə cəhd zamanı media xalqın və dövlətin yanında olub:

"Bu, çox önəmlidir. Medianın xalqla dövlət arasında körpü rolunu oynaması çevrilişin qarşısını aldı. Türkiyənin dövlət rəsmiləri media vasitəsilə xalq müraciət etdilər, onları birliyə çağırdılar".

Xatırladaq ki, forumun təşkilatçıları Türkiyənin Azərbaycandakı səfirliyi, Anadolu Yayımçılar Dərnəyi, “Yeni Çağ” Media Qrupu və Mətbuat Şurasıdır.

ŞƏRH YAZ
0
BAĞLA