""Nəsimi ili"nin elan edilməsi böyük tarixi, ədəbi elmi əhəmiyyətə malikdir" — AMEA-nın vitse-prezidenti

09:18
13.01.2019
4330
Ölkə
A
Prezident İlham Əliyev tərəfindən 2019-cu ilin ölkədə "Nəsimi ili" elan edilməsi Azərbaycanın öz görkəmli şəxsiyyətlərinə, klassik ədəbiyyat irsinə müstəqillik dövründə də sahib çıxdığını və yüksək qiymət verdiyini, onların nümunəsində yeni nəsli inkişaf etdirmək məqsədini aydın şəkildə göstərir.

"Ölkə.Az" bildirir ki, bunu trend-ə Azərbaycan Milli Elmlər Akademiyasının (AMEA) vitse-prezidenti, akademik İsa Həbibbəyli deyib.

Onun sözlərinə görə, "Nəsimi ili"nin elan edilməsi böyük tarixi, ədəbi elmi əhəmiyyətə malikdir.

İ.Həbibbəyli bildirib ki, vaxtilə ulu öndər Heydər Əliyevin İmadəddin Nəsimi ilə bağlı dövlət səviyyəsində qəbul etdiyi qərara əsasən, Nəsiminin yubileyinin keçirilməsi UNESCO-nun tədbirləri siyahısına daxil edilmişdi və bu tədbir ölkəmizdə geniş şəkildə qeyd edilmişdi. Eyni zamanda, ümummilli lider Heydər Əliyevin qərarı ilə ölkəmizdə ilk dəfə Nəsiminin heykəli ucaldıldı. Həmçinin Bakıda rayonlardan və metrostansiyalardan birinə Nəsimi adı verildi:

"Bütün bunlar azərbaycançılıq ideyalarına, Azərbaycanın sabahına hesablanmış tədbirlərdir. Prezident İlham Əliyev tərəfindən qısa müddətdə Nəsimi ilə bağlı iki sərəncamın imzalanması mühüm hadisədir. Bu sərəncamlarla Nəsiminin 650 illik yubileyinin keçirilməsi və 2019-cu ilin "Nəsimi ili" elan edilməsi artıq müstəqillik şəraitində insanlarda Nəsimi ideyaları əsasında azərbaycançılıq təfəkkürünün inkişaf etdirilməsi, bu böyük sənətkarın dünyaya tanıdılması baxımından özünəməxsus əhəmiyyət kəsb edir. Bir müddət əvvəl Prezidentin təşəbbüsü ilə Nəsiminin vəfatının 600 illiyinin UNESCO-da təntənəli şəkildə keçirilməsi Azərbaycan mədəniyyətinin təbliği, Nəsiminin dünyaya təqdim olunması baxımından böyük rol oynayıb".

AMEA-nın vitse-prezidenti qeyd edib ki, 2019-cu ildə "Nəsimi ili" ilə əlaqədar tədbirlərin keçirilməsi bir daha Nəsiminin yaradıcılığının, onun dövrünün daha dərindən öyrənilməsinə, bu böyük şairin məhz Azərbaycan şairi kimi dünyaya tanıdılmasına böyük təkan verəcək.

Akademik hesab edir ki, Nəsimi haqqında çox böyük elmi əsərlər yazılsa da, bu dahi şairin bu gün yenidən tədqiq edilməsinə, onun haqqında daha sanballı əsərlərin yazılmasına böyük ehtiyac var: "Əslində, Nəsiminin zəngin irsinin incəlikləri açılmamış qalıb. Sovet dövründə sovet ideologiyası bu incəlikləri açmağa imkan vermirdi, o dövrdə bunu etmək çox çətin idi. İndiki şəraitdə Nəsimini yenidən öyrənmək, onun haqqındakı tədqiqatları dünya dillərinə tərcümə etmək və nəşr etmək bizim qarşımızda duran əsas vəzifələrdən olacaq".

İ.Həbibbəyli bildirib ki, AMEA-da hazırlanmış tədbirlər planına uyğun olaraq, bu il ərzində Nəsimiyə həsr olunmuş ikinci beynəlxalq konfansın keçirilməsi nəzərdə tutulur. Nəsimiyə həsr olunmuş birinci beynəlxalq konfansın 2016-cı ildə keçirildiyini xatırladan akademik qeyd edib ki, ikinci beynəlxalq konfransın daha möhtəşəm təşkili planlaşdırılır.

O, cari il ərzində ölkə miqyasında da şairə həsr olunmuş konfransların keçiriləcəyini söyləyib.

Ölkə.Az

ŞƏRH YAZ
0

Sabah Bakıda 32 dərəcə isti olacaq

Sabah Bakıda 32 dərəcə isti olacaq
13:11
Bu gün
37
Ölkə
A
Sabah Azərbaycanda gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında iyunun 19-da hava dəyişkən buludlu olacaq, əsasən yağmursuz keçəcək. Şimal-qərb küləyi arabir güclənəcək.

Havanın temperaturu Abşeron yarımadasında gecə 20-24, gündüz 28-32, Bakıda gecə 21-23, gündüz 30-32 dərəcə isti təşkil edəcək.

Atmosfer təzyiqi normadan aşağı 756 mm civə sütunu, nisbi rütubət gecə 60-70, gündüz 35-40 faiz olacaq.

Abşeronun Şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) dəniz suyunun temperaturu 21-22 dərəcə isti təşkil edəcək. Cənub çimərliklərində (Türkan, Hövsan, Sahil, Şıx) şimal-qərb küləyi arabir güclənəcək. Dəniz suyunun temperaturu 23-24 dərəcə isti təşkil edəcək.

Azərbaycanın rayonlarında sabah hava əsasən yağmursuz keçəcək, lakin gecə və axşam bəzi şimal və qərb rayonlarında şimşək çaxacağı, yağış yağacağı gözlənilir. Ayrı-ayrı yerlərdə leysan xarakterli olacağı, dolu düşəcəyi ehtimalı var. Qərb küləyi bəzi yerlərdə arabir güclənəcək.

Havanın temperaturu gecə 19-24, gündüz 30-35, dağlarda gecə 11-16, gündüz 20-25 dərəcə isti təşkil edəcək.

Tibbi-meteoroloji proqnoza gəlincə, iyunun 19-20-də Abşeron yarımadasında mülayim xəzri küləyinin üstünlüyü gözlənilir ki, bu da meteohəssas insanlar üçün müsbət amildir.

Ölkə.Az

ŞƏRH YAZ
0

Zakir Həsənov: "Mxitaryandı, Kardaşyandı, Tonoyandı, hamısı eyni şeydir"

Zakir Həsənov:
12:34
Bu gün
922
Ölkə
A
"Vətən, millət, dövlət məsələsində cılız maraqlar kənara qoyulmalıdır. Biz hamımız bir olmalıyıq. Birinci Qarabağ müharibəsində ermənilər bizim aramızda nifaq saldılar və nəticəsi göz önündədir”.

"Ölkə.Az" APA-ya istinadən xəbər verir ki, bunu Azərbaycanın Müdafiə naziri general-polkovnik Zakir Həsənov deyib.

Nazir bildirib ki, sosial şəbəkələrdə onun haqqında yazılar yayımlanır:

"Ermənilərin xüsusi xidmət orqanları boş dayanmırlar. Mənim adıma səhvlərlə dolu saxta raport hazırlayıblar. Biz araşdırma aparırıq və məlum olur ki, sosial şəbəkələrdə bizim əleyhimizə yazanların 90 faizi ermənilərdir, onlar azərbaycanlı adı altında qeydiyyatdan keçiblər".

Z. Həsənov onun ermənilərin hədəf dairəsi düşməsinə də münasibət bildirib. O qeyd edib ki, Şuşa ilə bağlı flaşmob keçirilərkən erməni silahlı bölmələrindən 38 kilometr məsafədə olub:

"Ermənilərin heç 35 kilometr məsafədə atan topu da yoxdur. Onlar məni necə vura bilərlər axı?! Bir də bu Mxitaryandı, Kardaşyandı, Tonoyandı, hamısı eyni şeydir. Bunlardan az yazmaq lazımdır". 

Ölkə.Az

ŞƏRH YAZ
0
BAĞLA