Nəsimi rayonunda gecə yarısı kişini soydular
Nəsimi rayonu ərazisində soyğunçuluq faktı qeydə alınıb.
“Ölkə.Az”ın xəbərinə görə, Rüfət Qəniyev adlı şəxs gecə saat 4 radələrində yol ilə gedərkən tanımadığı şəxs ondan yol pulu üçün 2 manat pul istəyib.
R.Qəniyev yolda qalan şəxsə 2 manat vermək üçün cibində olan pulları çıxaranda gözləmədiyi hal ilə üzləşib. Yolda qalan şəxs onun əlindən bütün pullarını alaraq ərazidən uzaqlaşıb.
Özü yolda qalan Rüfət Qəniyev ərazi üzrə 19-cu Polis Bölməsinə müraciət edib. Zərərçəkənin izahatı alınıb və təhqiqat araşdırmalarına başlanılıb.
