"Nəsiminin qəzəllərinə cılız mahnılar qoşub, həm bizi, həm də özlərini biabır edirlər" — Gülüstan Əliyeva

23:00
09.09.2019
9425
Maqazin
A
"Səviyyəsiz formada hansısa şairimizin sözlərinə mahnı bəstələyib tamaşaçılara təqdim edirlərsə, bu, kənardan çox biabırçı və iyrənc görünür. Mahnını dinləmək belə, insanın könlünü bulandırır".

"Ölkə.Az" bildirir ki, bu sözləri əməkdar artist Gülüstan Əliyeva Oxu.Az-ın əməkdaşı ilə söhbətində dilə gətirib. O, dahi şair Nəsiminin qəzəlinə mahnı bəstələyib toylarda, el şənliklərində ifa edənlərə sərt ismarıc yollayıb.

"Bildiyimiz kimi, bu il Nəsimi ili elan olunub. Nəsimi ili ilə əlaqədar böyük konsert proqramı hazırlayıram. Nəsiminin sözlərinə yazılmış əsərləri simfonik orkestrin müşayiəti ilə televiziya layihəsi formatında oktyabr ayının sonunda tamaşaçılara təqdim edəcəyəm. 

 

"Nəsiminin qəzəllərinə cılız mahnılar qoşub, həm bizi, həm də özlərini biabır edirlər. Bu isə yolverilməzdir. Bəstəkarlar İttifaqının Nəsimiyə aid keçirdiyi elmi-bədii konfranslarda dəfələrlə iştirak etmişəm. Şairimizin sözlərinə həsr olunmuş İctimai televiziya tərəfindən lentə alınan "Mahur-Hindi" dəstgahını ifa etmişəm. Bu konsert "Youtube" video platformasında da var. 

Dediyim budur ki, əsərlər səviyyəli şəkildə təqdim edilməlidir ki, şairimizin ruhu inciməsin, tamaşaçıların da ürəyincə olsun. Amma bəzi səviyyəsiz müğənnilər də var ki, qəzəli hansısa işlənmiş musiqinin üzərinə oturdaraq hər yerdə utanmadan ifa edirlər. Heç oxuduğu toy səviyyəsində də deyil. Çünki o səviyyədə Azərbaycanda toy mahnısı olmur. İnanmıram ki, özünə hörmət edən xalqımızın bir nümayəndəsi aparıb həmin müğənnini o səviyyədə oxutsun və qonaqlarına təqdim etsin".

"Bayağı ifaçıları görüb-eşidəndə şəxsən mən anında reaksiya verirəm. Ya o ifaçının işlətdiyi sosial şəbəkə hesabında,  ya da öz səhifəmdə yazıb, öz etirazımı bildirirəm" söyləyən Gülüstan Əliyeva bu cür müğənnilərin olmasının onun qismində olan sənətkarlara yeni əsərlər yaratmaqda rəvac verdiyi bildirdi.

"Bayağı ifaçılar tək indi yox, əvvəllər də olub. Zamanın süzgəcindən keçərək, sənətdən uzaqlaşmalı olublar. Bayağı ifaçıları bədiiləşmiş formada bu cür qələmə verirəm. Sənət dünyasını operanın səhnəsinə bənzədirəm. Səhnədə tamaşa getdiyi zaman dekorlar necə dəyişirsə, həmin o "müğənniciklər" də, musiqilər də dekorlar kimi səhnənin fonunda zaman-zaman dəyişirlər. Qalan isə yalnız sənət, sənətkarlar və Azərbaycan musiqisi olur. Bayağı ifaçılar isə təsadüfi kəmiyyətdirlər. Aktyorlar hər zaman səhnədədirlər, dəyişən isə yalnız dekorasiyadır. Onlar isə mutasiya edərək, hər zaman müvəqqəti xarakter daşıyırlar. Onların varlıqları əslində bizə yeni əsərlər yaratmağa, dərindən çalışmağa rəvac verir.

Əməkdar artistin Xalq artisti Güyanaq Məmmədova ilə sosial media hesabında paylaşdığı foto səs-küyə səbəb olub. Belə ki, şəkildə sənətçinin bir gözünün digərindən böyük görünməsi izləyicilərin "Bu uğursuz əməliyyatın fəsadı"dır kimi şərhlərlə qarşılanıb. G.Əliyeva redaksiyamız vasitəsi ilə məsələyə bu cür aydınlıq gətirdi.

"Heç bir estetik və plastik əməliyyatdan söz gedə bilməz. Sadəcə həmin zaman bir az yorğun olmuşam. Ümumiyyətlə, plastik əməliyyata çox müsbət baxıram. Qadın hər yaşda gözəl olmalıdır. Xüsusi ilə söhbət xanım sənətçilərdən gedirsə. Biz efir adamlayırıq. Hər zaman gözəl, baxımlı və formada olmalıyıq. Hazırda isə pəhrizdəyəm. Yeni mövsüm üçün daha da gözəl görünmək üçün bir neçə kiloqram arıqlamalıyam. Amma ehtiyac yaranarsa, mən də bizim digər sənətçilər kimi estetik və ya plastik əməliyyat etdirərəm. Burada isə ayıb bir şey görmürəm".

ŞƏRH YAZ
0

Olga Buzova müsəlman qadın kimi geyindi — qəzəbə tuş gəldi - FOTO

Olga Buzova müsəlman qadın kimi geyindi
01:15
Bu gün
1146
Maqazin
A
Rusiyanın pop ulduzu Olga Buzovanın "İnstagram"da paylaşdığı foto izləyicilərini qəzəbləndirib.

"Ölkə.Az" Rusiya mətbuatının verdiyi məlumata istinadən  xəbər verir ki, onlar sənətçini ikiüzlülükdə günahlandırıb.

Müğənni və "Ev-2" (Dom-2) nin keçmiş ulduzu Olqa Buzovanın paylaşdığı fotoda Dövlət Dumasının deputatı Adam Delimxanov, arxa planda müğənni Timati görünür. Abunəçilər Buovanın "ayaqqabılarını dəyişdirdiyini" və müsəlman kimi olmağa çalışdığına görə qəzəbləniblər. Buzova Çeçenistan rəhbərinin qızı Aişat Kadırovanın rəhbərlik etdiyi Çeçenistandan moda evində qapalı paltar geyinib. Buzova yaratdığı gözəlliyə görə ona təşəkkür edib. Müğənni, eyni zamanda, Çeçenistan rəhbəri Ramzan Kadırova təşəkkür edib.

Bu yazı çox mənfi şərhlərə səbəb olub. İstifadəçilər Buzovanın ikiüzlü davrandığını qeyd ediblər. Çılpaq bir fotoşəkil göstərib və sonra paltarda İslam normaları haqqında danışmağa başlayıb. Üstəlik, "Buzova Çeçenistandakı kostyumunda çıxış etsəydi, orada anlaşılmazdı", "Çeçenistanda öz kostyumlarında çıxış etmək lazım idi", "Hər yerdə rəngini dəyişən və hər yerə  burnunu soxan”, "Buzovanı müsəlman qadınlar üçün belə yaxşı bir tədbirə necə dəvət edə bilərdiniz?", "Əgər müsəlman deyilsinizsə, onda niyə şal taxmısan?" - belə şərhlər Buzova rekordu altında ortaya çıxıb. "Niyə çılpaq arxası yoxdur?" kimi şərhlər də yazılıb. 

Müşfiq Məmmədov
Ölkə.Az

ŞƏRH YAZ
0

Viktoriya Bekham üçün özəl gün — FOTOLAR

Viktoriya Bekham üçün özəl gün
20:00
17.09.2019
34915
Maqazin
A
Viktoriya Bekham müğənnilik karyerasına son qoyduqdan sonra modelyer-dizayner kimi fəaliyyət göstərməyə başlamışdı. Viktoriyanın son moda sərgisində əri və uşaqları onu tək qoymayıb.

Ölkə.Az xəbər verir ki 45 yaşlı ingilis modelyer moda dünyasında olduğunun 10 cu ilini qeyd edib.

Karyerasına başladığı ilk illərdə bədənə yapışan əlbisə modelləri ilə diqqət çəkən Bekham, Londanda tanıtdığı 2020 yaz-yay kolleksiyasında da diqqətləri öz üzərinə çəkə bilib.

Həcmli, rahat və iddialı rənglərlə dizayn etdiyi əlbisələri ilə özgüvənli qadınları hədəf alan Bekham, 1970 ci ilin modellərindən ilham aldığını deyib.

Devid Bekham və uşaqları onun həyəcanını paylaşmaq üçün moda sərgisini ön sırada izləyiblər.

Bu arada Viktoriya Bekham ərinin podiuma baxdığı anda həm də uşaqları ilə maraqlanmasını ''Eyni anda bir neçə işi görə bilən ərimin uğuruna çox sevindim'' başlığı ilə öz instagram hesabında paylaşım edib.

Bekham ailəsinin ən balaca üzvü olan Harper podium sonrası modellərlə çoxlu xatirə şəkilləri çəkdirib.

Nərmin

Ölkə.Az

ŞƏRH YAZ
0
BAĞLA