“Nəticədən razı qaldıq” — Qriqorçuk

“Nəticədən razı qaldıq”
21:59
10.02.2018
1317
İdman
A
“Qəbələ”nin baş məşqçisi Roman Qriqorçuk Topaz Premyer Liqanın 15-ci turunda "Qarabağ"la oyundan (0:0) sonra mətbuat konfransı keçirib.

"Ölkə.Az"ın Qol.az-a istinadən məlumatına görə, o, əvvəlcə matç barədə fikirlərini bildirib.

- Çox yaxşı komandaya qarşı oynadıq. Heç-heçə bizim üçün yaxşı nəticədir. Rəqibin oyunçularının fərdi ustalıq qabiliyyəti çox yaxşı idi. Ancaq onları zərərsizləşdirə bildik. Nəticəni qənaətbəxş sayıram.

- Nəticəni qənaətbəxş saydığınızı dediniz. Bura heç-heçə üçün gəlmişdiniz?

- Əlbəttə, istəyərdik ki, bu matçda təkqapı oynayaq. Bu gün nəticədən razı qaldım. Mən artıq buna cavab verdim. “Qarabağ” da çempion olmaq istəyir. Buna görə, rəqib meydanında heç-heçə yaxşı nəticədir. Komandamdan razı qaldım.

- Dabonun zədəsi nə yerdədir?

- Hələ ki, heç nə bəlli deyil. Sabah ya birigün onun vəziyyətinə aydınlıq gələcək.

- Qış fasiləsində Ekiqo Ehiosun komandanı tərk etsə də, hücum xəttinə transfer edilmədi. Bu, mövsümün gedişində komandaya problem yaratmayacaq ki? 

- Əlbəttə, bizə hücumameyilli futbolçu lazımdır. Xüsusilə, “Qarabağ” kimi komandaya qarşı bizim belə oyunçuya ehtiyacımız var. Ancaq bu cür futbolçunu tapmaq heç də asan deyil.

Ölkə.Az

ŞƏRH YAZ
0

Elmar Vəliyevin oğlu istefa verib

Elmar Vəliyevin oğlu istefa verib
15:42
Bu gün
3215
İdman
A
“Kəpəz” Peşəkar Futbol Klubu İctimai Birliyinin İdarə Heyətinin sədri Elmir Vəliyev tutduğu vəzifədən istefa verib.

"Ölkə.Az" klubun rəsmi saytına istinadən xəbər verir ki, E.Vəliyev qərarını işlərinin çoxluğu ilə əlaqələndirib. Onun yerinə hələlik heç bir təyinat yoxdur. 

Xatırladaq ki, Elmir Vəliyev 2015-ci ilin may ayından “Kəpəz” PFK İctimai Birliyinin İdarə Heyətinin sədri idi. O, Gəncə şəhərinin keçmiş icra başçısı Elmar Vəliyevin oğludur. 

ŞƏRH YAZ
0

"Keşlə"dən ilk qələbə, "Sabah" yenidən üçüncü pillədə — VİDEO

22:25
21.10.2018
2308
İdman
A
Bu gün Topaz Premyer Liqada 8-ci tura yekun vurulub.

"Ölkə.Az" qol.az-a istinadən xəbər verir ki, son oyun günündə 2 qarşılaşma keçirilib. Günün ilk matçında "Sumqayıt" "Sabah"ı qəbul edib. 1:0 hesabı ilə qalib gələn "Sabah" turnir cədvəlində yenidən 3-cü pilləyə yüksəlib.

Turun son oyunu isə autsayderlər arasında olub. "Zirə" "Keşlə"nin qonağı olub. Rəqibini 1:0 hesabı ilə məğlub edən "Keşlə" bu mövsüm ilk qələbəsini qazanıb və 7-ci pilləyə yüksəlib.

21 oktyabr (bazar)

19:00."Keşlə" - "Zirə" - 1:0
Qol: Denis Silva, 2
Hakimlər: Əliyar Ağayev, Zeynal Zeynalov, Rza Məmmədov, Kamal Umudlu
"ASK Arena"

17:00."Sumqayıt" - "Sabah" - 0:1
Qol: Miloş Bosançiç, 36
Qırmızı vərəqə: Vurğun Hüseynov, 15 ("Sumqayıt")
Hakimlər: İnqilab Məmmədov, Namiq Hüseynov, Vüqar Bayramov, Səbuhi Bayramov
"Dalğa Arena"

20 oktyabr (şənbə)

19:00."Qarabağ" - "Səbail" - 1:0 

17:00."Qəbələ" - "Neftçi" - 3:1

Ölkə.Az

ŞƏRH YAZ
0
BAĞLA