Nəticəsiz danışıqlara cavab olaraq aprel savaşı kimi hadisələrin təkrarlanmasına ehtiyac var — Politloq şərhi

Nəticəsiz danışıqlara cavab olaraq aprel savaşı kimi hadisələrin təkrarlanmasına ehtiyac var
13:21
21.11.2017
2967
Siyasət
A
Rusiya XİN rəhbəri Lavrovun Bakı səfəri yekunlaşdı.

Lavrov həmkarı Elmar Məmmədyarovla görüşdə əvvəldən deyildiyi kimi Dağlıq Qarabağ probleminin həlli ilə bağlı danışıqlar aparıb.

Görüşlərin yekununda keçirilən mətbuat konfransında ən diqqət çəkən məqamlardan biri isə Lavrovun "Minsk qrupu yaradılandan sonra Azərbaycan ərazilərinin azad olunması və Dağlıq Qarabağın son statusunun müəyyən edilməsi ilə bağlı danışıqlar onun səlahiyyətinə keçib"deməsi olub.

Lavrovun Bakı səfəri, danışıqlar və səfərin nəticəsini politloq Elxan Şahinoğlu "Ölkə.Az"a şərh edib:

"Lavrov deyib ki, Minsk qrupu yaradılandan sonra Azərbaycan ərazilərinin azad olunması və Dağlıq Qarabağın son statusunun müəyyən edilməsi ilə bağlı danışıqlar onun səlahiyyətinə keçib. Bu o deməkdir ki, Dağlıq Qarabağ probleminin həlli Rusiyanın nəzarəti altındadır. Lavrov ötən səfərində də demişdi ki, Dağlıq Qarabağ münaqişəsinin həlli Azərbaycanın daxili işi deyil. Sülh danışıqlarında irəlləyiş yoxdur. Lavrovun açıqlamalarından həm də bu nəticəyə gəlmək olar ki, Azərbaycan istəsə də güc yolu ilə münaqişəni həll edə bilməz. Göründüyü kimi Lavrovun bu səfəri nəticəsiz oldu.

Lavrov dünən başqa bir mesaj da verdi ki, BMT Təhlükəsizlik Şurasının Qarabağla bağlı qətnamələrindəki bəzi məsələlər səylər tələb edir. Necə yəni "səylər tələb edir"? BMT Təhlükəsizlik Şurasının qətnamələrinin yerinə yetirilməsi məcburi xarakter daşıyır. Ancaq Lavrovun sözü bunu deməyə əsas verir ki, Rusiya Ermənsitana təsir etməyəcək. Danışıqlar nəticəsiz qalmasını onu göstərir ki, Rusiyanın münaqişəni həll etmək istəyi və həvəsi yoxdur".

Son danışıqları şərh edən politoloq bildirib ki, bu danışıqların uzadılmasının və status-kvonun olduğu kimi saxlanımasının göstəricisidir. Bu isə işğalçının xeyrinədir.

Putin Ərdoğan görüşünü şərh edən Elxan Şahinoğlu qeyd edib ki, Türkiyə prezidenti Putinlə görüşdən sonra Rusiya prezidentinin bu münaqişənin həll edəcəyinə ümidli olmadığını dedi:

"Rusiya münaqişəni həll etmək istəmir. Bununla bağlı heç bir addım atmaq fikirində deyil. Azərbaycan ancaq öz qüdrətini artırmalı, işğalçıya təzyiqlər etməlidir.

"Aprel savaşı kimi hadisələr təkrarlanmalıdır ki, qarşı tərəf itkilər versin və bu yolla Ermənistan təzyiq altında qalsın. Sülh danışıqları nəticə verməyəcək. Müharibə aparmaq da çətindir. Aprel savaşında Rusiyanın təzyiqi ilə üzləşməyimizi hər kəs gördü. Ancaq buna baxmayaraq hərbi qüdrətimizi artırmalıyıq".

Səxavət Məmməd
Ölkə.Az

ŞƏRH YAZ
0

Prezident onları təltif etdi — SİYAHI

Prezident onları təltif etdi
17:35
Bu gün
888
Siyasət
A
Prezident İlham Əliyev Azərbaycan Respublikasında idmanın inkişafında xidmətləri olan bir qrup şəxsin “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.

"Ölkə.Az" xəbər verir ki, sərəncamla Azərbaycanda idmanın inkişafında xidmətləri olan aşağıdakı şəxslər “Azərbaycan Respublikası Prezidentinin fəxri diplomu” ilə təltif ediliblər:

Gözəl Tahir Abdolbari oğlu

Qayıbov Fərid Fazil oğlu

Məmmədov Elxan Salhab oğlu.

Dövlət başçısının digər sərəncamı ilə Azərbaycanda idmanın inkişafında xidmətləri olan aşağıdakı şəxslərə Azərbaycan Respublikasının fəxri adları verilib:

“Əməkdar bədən tərbiyəsi və idman xadimi”

Axundzadə Ağayar Əbdüləzim oğlu

Babayev Nağı Məcidoviç

Davudov Vaqif Cəlil oğlu

Əhmədov Kamal Məhəmməd oğlu

Əliyev Qərib Tələt oğlu

Hüseynov Firat Alışan oğlu

Meftahəddinova Zemfira Əli qızı

“Əməkdar jurnalist”

Şirəliyev Aslan Bəybala oğlu

“Əməkdar həkim”

İsgəndərov Kamil Vəliyullah oğlu.

Bundan başqa, Prezident Azərbaycanda idmanın inkişafında xidmətlərinə görə Əhəd Əliağa oğlu Əliyevə Azərbaycan Respublikası Prezidentinin fərdi təqaüdünün verilməsi barədə də sərəncam imzalayıb.

ŞƏRH YAZ
0

Elmar Məmmədyarov Rusiya səfiri ilə vida görüşü keçirdi

Elmar Məmmədyarov Rusiya səfiri ilə vida görüşü keçirdi
17:24
Bu gün
554
Siyasət
A
Xarici işlər naziri Elmar Məmmədyarov Rusiyanın Azərbaycandakı fövqəladə və səlahiyyətli səfiri Vladimir Doroxini diplomatik fəaliyyətinin başa çatması münasibətilə qəbul edib.

Xarici İşlər Nazirliyinin mətbaut xidmətindən "Ölkə.Az"a verilən məlumata görə, görüşda Azərbaycan və Rusiya arasında münasibətlərin hazırkı səviyyəsindən, yüksək səviyyəli səfərlər mübadiləsindən məmnunluq ifadə olunub.

Səfir V.Doroxin fəaliyyət müddəti ərzində Azərbaycan və Rusiya arasında ikitərəfli münasibətlərin möhkəmləndirilməsi istiqamətində səylə çalışdığını bildirib və ölkələr arasında münasibətlərin səmimi xarakterinin bundan sonra da davam etdiriləcəyinə, əldə olunmuş təcrübənin hər iki dövlət və xalqların maraqları naminə istifadə ediləcəyinə ümidvar olduğunu vurğulayıb. V.Doroxin həmçinin Azərbaycanın sabitliyi və tərəqqisi istiqamətində Azərbaycan hökumətinə uğurlar arzulayıb. 

Nazir Elmar Məmmədyarov fəaliyyəti müddətində səfir V.Doroxinin dövlətlər arasında münasibətlərin inkişafına töhfə verdiyini bildirərək, ona təşəkkür edib və gələcək fəaliyyətində uğurlar arzulayıb. 

ŞƏRH YAZ
0
BAĞLA