Neymar \"Mançester Yunayted\" klubuna keçir
"Mançester Yunayted" klubu futbolçu Neymar üçün 200 milyon avro ödəməyə hazırdır.
"Ölkə.Az" xəbər verir ki, ingilis klubu hücumçuya aylıq 2 milyon maaş vermək niyyətindədir. Neymar hazırda "Barselona" klubunun formasını geyinir.
Braziliyalı futbolçu ingilis klubunun əsas transfer hədəfidir. Neymarın isə katalon klubu ilə müqaviləsi 2021-ci ilə qədər imzalanıb.
"Milan" klubunun eks-müdafiəçisi Alessandro Kostakurta Neymarı Ronaldu və Messidən də güclü futbolçu sayır. Alessandro deyib: "Düşünürəm ki, Neymar hazırda Kriştianu Ronaldu və Messidən üstündür. 2017-ci ildə braziliyalı planetin ən yaxşı oyunçusu sayılmalıdır. Portuqaliyalı və argentinalının indi necə oyun nümayiş etdirdiklərini və Neymarın özünü necə parlaq biruzə verdiyini müqayisə etmək kifayətdir".
Hikmət
Ölkə.Az
