Nicat Rəhimov uzun müddətdən sonra Vətənə dönür

Nicat Rəhimov uzun müddətdən sonra Vətənə dönür
09:03
09.11.2017
1429
İdman
A
Ağır atletika üzrə Qazaxıstanın azərbaycanlı olimpiya çempionu Nicat Rəhimov noyabrın 11-də vətənə gəlir.

O uzun müddətdən sonra ilk dəfə Bakıya səfər edəcək.

"Ölkə.Az" xəbər verir ki, ağırlıq qaldırma üzrə ilk azərbaycanlı olimpiya çempionunun vətəninə gəlməsi barədə atası Əli Rəhimov Unikal.org-a danışıb:

"Nicat birisi gün Bakıda olacaq. 4 ildən sonra o, çoxdandır gəlmədiyi vətəninə ailəsiylə birlikdə qonaq olaraq gəlir. Gələn ayın 10-u gedib yenə qayıdacaq. Yanvarın 5-i təlim-məşq toplantısı baş tutacaq”.

ŞƏRH YAZ
0

Ronaldinyo futbol karyerasını başa vurur

Ronaldinyo futbol karyerasını başa vurur
10:17
Bu gün
236
İdman
A
Əfsanəvi futbolçu Ronaldinyo futbol karyerasını başa vurur.

"Ölkə.Az" xəbər verir ki, karyerasında iki illik fasilədən sonra Ronaldinyo rəsmi olaraq idmanı tərk etdiyini bildirib.

37 yaşlı futbolçunun qardaşı Roberto de Assiş bəyan edib ki, "Barselona" klubu və Braziliya millisinin yarımmüdafiəçisi bundan sonra futbol meydançasında simvolik fiqur kimi peyda ola bilər.

"Globo" nəşriyyatı Robertonun müsahibəsini verib: "Ronaldinyo karyerasını başa vurdu. Artıq bitdi. Ola bilər ki, 2018-ci ilin dünya çempionatından sonra nəsə düşünək. Braziliya, Avropa və Asiyada tədbirlər təşkil edə bilərik".

Hikmət Həsənov
Ölkə.Az

ŞƏRH YAZ
0

“Qarabağ” dünyanın ən yaxşı 100 komandası arasında

“Qarabağ” dünyanın ən yaxşı 100 komandası arasında
17:59
16.01.2018
213
İdman
A
Dünyanın ən yaxşı klublarının siyahısı açıqlanıb.

"Ölkə.Az" Apasport.az-a istinadən xəbər verir ki, Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 402 komandası yer alıb.

2017-ci ilin yekunlarının əksini tapdığı siyahıda Azərbaycan 3 klubla təmsil olunub. Ən yaxşı təmsilçimiz “Qarabağ”dı.

Ağdam klubu 136 xalla planetin 93-cü komandasıdı. İlk “100-lük”dəki yeganə təmsilçimiz Çempionlar Liqasının qrupuna qədər irəliləsə də, 1 il əvvəlki ilə müqayisədə 39 pillə geriləyib. Bu, Qurban Qurbanovun yetirmələrinin ötən il Avropa Liqasının qrupunda daha çox xal yığması ilə bağlıdı.

“Qarabağ”dan başqa, dünyanın 2 klubu 136 xala malikdi. Təmsilçimizin şərikləri “Borussiya” (Mönhenqladbax, Almaniya) və “Paçuka” (Meksika) klublarıdı.

Ölkəmizin siyahıdakı 2-ci komandası “Zirə”di. Paytaxt klubu 72 xalla 296-cı yerə şərikdi. “Atletiko” (Bukaramanqa, Kolumbiya), “Kolon” (Argentina), “Renn” (Fransa) və “Melqar”la (Peru) eyni xala malik Ayxan Abbasovun yetirmələri fantastik sıçrayışla diqqət çəkib. Ötən il 761-ci olan bakılılar 465 pillə irəliləyib.

Hesabında 65 xal olan “Qəbələ” isə 353-cü pillənin şərikləri arasındadı. Roman Qriqorçukun yetirmələri “Əl-Naser” (Səudiyyə Ərəbistanı), “Arka” (Polşa), “Defensor” (Uruqvay), “Atromitos” (Yunanıstan), “Hapoel” (Hayfa, İsrail), “Əl-Vəhdət” (İordaniya) ilə eyni nəticəyə malikdi. Əyalət klubu bir il əvvəlki ilə müqayisədə 255 pillə geriləyib. Bu, komandanın ötənilki uğurunu təkrarlayıb Avropa Liqasının qrup mərhələsinə yüksələ bilməməsi ilə bağlıdı.

Qeyd edək ki, siyahıya İspaniya “Real”ı başçılıq edir – 328 xal. Braziliya “Qremio”su 286 xalla 2-ci, İngiltərə təmsilçisi “Mançester Yunayted”  284 xalla 3-cüdü.

ŞƏRH YAZ
0
BAĞLA