Niderland “Cənub Qaz Dəhlizi” layihəsinin reallaşdırılmasında maraqlıdır

Niderland “Cənub Qaz Dəhlizi” layihəsinin reallaşdırılmasında maraqlıdır
15:48
25.02.2018
584
İqtisadiyyat
A
Niderland Azərbaycan qazının Avropaya nəqlini nəzərdə tutan “Cənub Qaz Dəhlizi” layihəsinin reallaşdırılmasında maraqlıdır.

"Ölkə.Az" xəbər verir ki, bunu "Trend"ə müsahibəsində Niderland Senatının sabiq sədri, Avropa Şurası Parlament Assambleyasının sabiq prezidenti, Azərbaycan-Niderland Dostluq Qrupunun sədri Rene Van der Linden deyib.

Rene van der Linden qeyd edib ki, Avropa bir qaz tədarükçüsündən asılı olmamaq məqsədilə enerji təchizatı mənbələrinin və marşrutlarının diversifikasiyası layihəsini reallaşdırır. Bu baxımdan AŞPA-nın keçmiş prezidenti Transadriatik (TAP) və Transanadolu (TANAP) boru kəmərlərinin vacibliyini vurğulayıb.

Onun sözlərinə görə, bu layihələr təkcə Niderland üçün yox, həm də bütün Avropa üçün böyük əhəmiyyət daşıyır.

Rene van der Linden hesab edir ki, qaz mənbələrinin şaxələndirilməsinə tələbat gələcəkdə daha da artacaq: ““Cənub Qaz Dəhlizi” vasitəsilə tədarük olunacaq Azərbaycan qazı əsasən Cənubi və Cənub-Şərqi Avropa ölkələrinin tələbatları üçün nəzərdə tutulub. Amma Avropanın boru kəmərləri sistemi bir-biri ilə əlaqəli olduğu üçün enerji ehtiyatlarının Avropanın cənubundan şimalına tədarükünü həyata keçirmək mümkündür”.

Rene van der Linden əlavə edib ki, Niderland Aİ-nin enerji təhlükəsizliyinin təmin olunması üzrə səyləri tam dəstəkləyir.

Ölkə.Az

ŞƏRH YAZ
0

AMB-dən 500 avro nominallı pul nişanı haqqında AÇIQLAMA

AMB-dən 500 avro nominallı pul nişanı haqqında AÇIQLAMA
13:45
Bu gün
300
İqtisadiyyat
A
Azərbaycan Mərkəzi Bankı son günlər mətbuatda və xəbər portallarında 500 avro nominallı pul nişanı ilə bağlı dərc olunmuş məlumatlarla bağlı açıqlama yayıb.

AMB-dən "Ölkə.Az"a daxil olan məlumayda deyilir ki, Avropa Mərkəzi Bankı 04 may 2016-cı il tarixdə 500 avro nominallı əskinasın istehsalının dayandırılması və 2018-ci ilin sonlarından isə bu nominalın təkrar tədavülə buraxılmaması ilə bağlı qərar qəbul edib.

Bununla əlaqədar, Avropa Mərkəzi Bankının 23 noyabr 2018-ci il tarixli pres-relizinə əsasən Almaniya (Bundesbank) və Avstriya Mərkəzi Bankları tərəfindən 26 aprel 2019-cu il tarixindən (həmin gün daxil olmaqla), Avrozonaya daxil olan bütün digər mərkəzi banklar tərəfindən isə 26 yanvar 2019-cu il tarixindən (həmin gün daxil olmaqla) etibarən 500 avroluq pul nişanının təkrar tədavülə buraxılmasının dayandırlacağı bildirilib.

Buna baxmayaraq, həmin tarixlərdən sonra 500 avroluq pul nişanının tədavüldə qanuni pul vahidi kimi qalacağı, ödəniş və yığım vasitəsi kimi istifadəsinin davam edəcəyi qərara alınıb

Eyni zamanda, 500 avroluq pul nişanının bütün kommersiya strukturularının (o cümlədən banklar, ixtisaslaşmış nağd pul təşkilatları, valyuta mübadiləsi büroları və s.) mədaxil və məxaric əməliyyatlarında qalmasına icazə verilmiş, bütün digər nominallı avro əskinaslar kimi onun da daima öz nominal dəyərini saxlayacağı və müddətsiz olaraq Avrosistemə daxil olan mərkəzi banklar tərəfindən dəyişdiriləcəyi qeyd olunub. 

Ölkə.Az

ŞƏRH YAZ
0

Neftimiz ucuzlaşdı

Neftimiz ucuzlaşdı
10:30
Bu gün
464
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,21 dollar və yaxud 0,33% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 62,52 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0
BAĞLA